¹ Ǝ́nyə̀ Nebucadnetsar kə́ kpàcɛ́ nə ə̀dú wó səə́ kídé àmə̀ wò kə̀lə́ anyìgbán jí à. Ŋtífàfà nə̀ mí! ² Ŋ̀də́ dɔ̀sì ə̀nù mànjɔ̀kpɔ́ wókə́ Mawu ətɔ̀ohònɔ́n wɔ̀ lə̀ tiŋ́ ŋ̀kùvímə à wo. ³ Ǝ̀nù à wò jíɔń, í gàn gán! Yé fíɔ́dùxò à lɛ́ tɛ̀gbɛ́ɛ́, í yé cɛ́kpàkpà lɛ́ có jìjìmə̀ yì jìjìmə̀. ⁴ Ǝ̀nyə̀ Nebucadnetsar ŋ́lə́ teŋún fíɔ́ dù xò mə nyɔ̀n ŋ̀gbí kídé jìjɔ̀. ⁵ Ŋ̀kùdrɔ̀ ɖə̀ká kə́jì vɔ̀nvɔ́n án, tìŋún sùsù wò seé càkà lə̀ ə̀zàn blíbɔ́ à mə. ⁶ Mán nù nə́ ənù nyántɔ̀ kə̀lə́ Babylone dùa wò mə̀ nə́ wòà va ɖəgɔmə̀ ŋ́. ⁷ Í ì nù nə̀ manjíkíwɔtɔ́ wò, xɔ̀mə̀kpɔ̀tɔ́ wò, Chaldeéns tɔ̀wɔ̀ kə̀wò và wòŋ̀ tə̀ŋ̀ ɖə̀gɔ̀mə nə́ o. ⁸ Ŋ̀gbə́sí à, Daniel kə̀wò yɔ̀nə́ bə̀ Beltschatsar kə̀ Mawu yé gbɔ̀gbɔ̀ lə̀mə̀ án, yé sùsù và tàmə̀ nə́, í ì yɔɛ́ bə́ nán và. ⁹ Kəə́ ì va à, ì nù nə́ bə́, Beltschatsar, manjíkitɔ̀wɔ̀ fíɔ, ŋ̀nyán bə́ Mawu yé gbɔngbɔ́n lə́ jíwo, í ì dínə́sà ə̀nuì kə̀lə̀ zúblùmə à nə́ wó, í ə̀sə̀ nə gɔ́mə̀. ¹⁰ Kpɔ́ ə̀drɔ̀ kə̀ ŋ̀kú à. Ŋ̀kpɔ̀ lə́ anyìgbán yé dòŋdòmə̀ án, atí gan ŋ̀ gan ɖə̀ká, í ì kɔ̀kɔ̀. ¹¹ Atíà kloó í sɛn ŋ̀, í yé ɖɔ̀mə vɛ́ tɔ̀ jíŋkorí, í wò kpɔ̀mə́ ɖiɖà lə̀ tòhò ɖəsiaɖə. ¹² Yé makawò nyàn kpɔ̀kpɔ̀, í ì cɛ̀nkù sùgbɔ̀, í àmə̀síamə̀ vá kə̀nɔ́n; əràn wò và nɔ̀n nə́ gɔ̀mə̀, xəvíwò và vàɖó nə́ atɔ́n də̀jí. Ǝnù agbəagbə ɖə̀síaɖə́ kpɔ̀nə́ ə̀gòmə̀ ləgbɔ́. ¹³ Ŋ̀ gbə́ kpɔ́ lə̀ arɔ̀n mə̀ í àmə̀ kə́ ɖùxò ɖə̀kɛ́n ŋ̀lə̀ ún an, wò ɖicò jíŋkórí. ¹⁴ Wòlə̀ dáxá sìŋsì ì lə̀nùbə́: nù cò àtíà mué nə̀ nù a cò yé lɔ̀vi wò nə́ nù àn hùnhún wò cɛ̀ncɛna wó nàn rún kɔ̀dé ànyìgbán me seéé, nə́ əràn kə̀lə́ ati à gɔ̀mɔ̀a wò nàn sí kídé nɔvíwò seéé! ¹⁵ Vɔa nù gbə̀ atìkpóa kídé yé kə́wò ɖɛ́, nə̀ núàn də̀kɛ́ɛ́ də ə̀gbə̀mə̀ nə́ ahù nán lə́ jadə̀ jí, nə́ àlə̀ dù gbə̀ sigbə̀ əgbə́ rúnwò ə̀nə̀. ¹⁶ Yé sùsù làtrɔ̀ sìgbə̀ ə̀ràn wo tɔ̀ ə̀nə́, í a wɔ́ ə̀xò àmàdrə́ lə̀ əgbə̀mə̀. ¹⁷ Əgbə̀ ŋ̀nán cò àmə̀ kɔ̀kɔ̀ wò gbɔ́ lə́ jíŋ́korí nə́ wòá nyàn bə́ Mawu yé fí ɔ́dùxò mə̀ àn kpácɛ́ nə́ àmə̀gbə̀tɔ̀ yé jìɖùɖù wò, í ì cɔ̀nə́ nə̀ àmə̀ kə̀ nyɔ̀n ŋ̀kɔ a. ¹⁸ Kpɔ̀ ə̀drɔ́ kə ŋ́ kúa, ə̀nyə̀ ə̀fiɔ́ Nebucadnetsar. Ǝ̀wò, Beltschatsar nán ŋ́ ɖòŋ̀tia, ɖóbé àmə̀ ɖə̀kɛn ŋ̀lə́ í katəŋ́ ɖə̀gɔ́mə̀ o, ŋ̀kádə̀ ə̀jìwò, ənùkəjɔ̀à Mawu yé gbɔngbɔn kɔ̀kɔ̀a lə̀ əjiwò. ¹⁹ Gaŋ̀nàn mə̀ án, Daniel, kə̀wò lə́ yɔ́bə́ Beltschatsar, də̀tàgù, ì gbɔ̀nfunŋ̀. Ǝ̀fíɔ́ a trɔ́ lə̀ nùnə̀ bə́, xɔ jìgbɔndi nə̀ tɔɔ́ sùsù ŋ̀ká càká o, nə̀nàntə̀ŋ̀ ə̀drɔ̀ a gɔ̀mə̀ ŋ̀! Í Beltschatsar ɖoŋ̀ nə̀ bə̀: tiŋ̀un xòtɔ̀, ə̀drɔa nàn yìnə̀ tɔɔ̀ fùtɔ̀wò, í ye gɔ̀mə̀ ɖə̀ɖə̀ a nə́ àmə̀ kə̀ əkaà doyò kíde à wó! ²⁰ Atí gànŋ́gàn kə̀ə̀kpɔ́, í sɛnŋ́ ì yé dɔmə̀ vɛ́tɔ̀ jiŋ̀kórí í wò kpɔ̀nə̀ lə̀ àfisiafi. ²¹ Àtiŋnan kə̀ yé makà wò nyàn kpɔ̀kpɔ̀, í cɛnkù sùgbɔ̀ í ŋ̀ɖesìaɖə̀ và dùnɔŋ àn, í ə̀ràn wò và nɔ́n nə̀ gɔ̀mə̀, í xəvíwò ɖónə̀atɔn dəjía, ²² Ǝ̀wò ə̀fíɔ́ i gànŋ̀gàn, í sɛnŋ ɖɛ ənə́ í tɔɔ̀ fiɔdùxo a ɖìyì jiŋkórí, í kaká dè ànyìgbàn see jì. ²³ Ǝfíɔ́ gbə̀ kpɔ̀ àmə̀ kɔkɔ ɖi có jìŋ̀korí í lə́ nùbə́: mi mù atí a i jɛn, vɔa mi gbə́ atikpó a ɖɛ́ kidé yé kə̀wò nə́ wòa blɛ́ kídé cɛnnì kídé ə̀ká də́ əgbə̀mə̀ nə̀ ahù nàn lə́ já də̀jí, nán lə̀ɖùnú kídé ə̀gbə̀mə ràn wò kə̀kə̀ nə̀ əo àmandrə̀. ²⁴ Ǝdrɔɔ́a yé gɔmə̀ nə̀, əfíɔ́ bùbutɔ́; kpɔ́ ə̀nù kə̀ káa vàjɔ́ ɖə́ tìŋún xòtó ə̀fiɔ́ jí. ²⁵ Woa nyàn wò lə̀ àmə̀ wò dòmə̀, í a vɛ́ nə́ kídé ə̀gbə̀mə ràn wó. Í wòa lə́ nán wò ə̀gbə̀ sígbə́ làlàwò ə̀nə̀, í ahún làlə́ já dé əjíwò nə́ ə̀xò amàndrə̀, nə́ nànsə́ nyàn bə́ Mawu í kpácé nə̀ àməsíamə̀,í ɖónə̀ àmə̀ kə nyɔ́n nə án əfíɔ. ²⁶ Kə̀wò bə́ wòa gbə́ atíkpó kidé yé kə̀wò ɖɛ́a, yé gɔmə nyì bə́, tɔɔ́ fíɔ́dùxò lɛ́ɖɛ́, nə́ nàn sə̀nyàn bə́Mawu í kpàcɛ́ nə́ ə̀nùwo səə́. ²⁷ Ǝ̀nù kəjɔ́á, əfíɔ́, sə tiŋun dŋ̀ ɖoɖówó nə́ nàn gbə̀ ə̀nùvɔ́n wɔwɔɖɛ́ nə́ nán lə́wɔ́ ə̀nùdodó, nə́ nàn lə́ kpɔ́ adɔ́nùmə̀ nə́ àmə̀ dahɛn wò, nə̀ Mawu nán kpɔ́ adɔ̀nùmə̀ nə̀ wò. ^{28 29} Ǝ̀nù ŋ̀nán wò səə́ jɔ́də́ ə̀fiɔ́ Nebucadnetsar ji. Lə̀ ə̀xó àməwuivɔ yé ŋ́gbə̀, kə̀ ì lə́ɖisà lə Babylone yé fíɔsaà mə án, ³⁰ Ǝfíɔ́ lə́ ká atabù, í nùbə́: Babylone dúkɔ́ kə̀ nyì ŋ̀ tà ŋ̀cò kídé tiŋnu sɛn í kpàcɛ́ də̀nù ɖɛ́a? ³¹ Ǝnyɔ́n án ŋ́vɔ̀ lə́ nùmə̀ nə̀ ə̀fíɔo, í əgbə ɖí có jíŋ̀kórí: í lə́nùbə́, xɔgbənə əfíɔ́ Nebucadnetsar, wòa ɖə̀wò lə̀ tɔɔ́ fíɔ́ zikpi a jì. ³² Wòa nyàn wò lə́ àmə̀wò dòmə̀, í a à vɛ́ nɔ́n ə̀gbə̀mə̀ kídé ə̀rán wó, í à lə́ lə́ɖù gbə̀ sigbə́ làlà wò ə̀nə́, í a àxɔ̀ ə̀xò àmàndrə̀ lə̀ əgbə́mə, nə́ nàn sə̀ nyán bə́ Mawu í kpàcɛ́ nə́ ə̀nùwò səə́ í yé kə̀ í ɖónán mə̀ əfíɔ́ dè yé kpasimə. ³³ Zəɖə̀ka zəɖə̀kà a ənyɔ̀n án ɖí Nebucadnetsar ŋ́, í ì ɖò əgbə̀mə̀ í lə́ɖù əgbə̀ sígbè lalà wò ənə́, í ahun lə́jà dəjí. Yé ɖàwò vatrɔ̀ sígbə̀ əhɔ́n yé fù wò ənə́, í yé fɛn wò wɔɖə́ sígbə́ xə̀ví wò tɔ̀ ənə́. ³⁴ Sìgbə̀ nɔ̀nɔ̀n mə̀ wò và yí ɖòa, ə́nyə̀ Nebucadnetsar, ŋ́ bùtàmə̀ kpɔ̀, í kpɔ̀ jì ŋ́kórí, í də̀ də̀sì bə́ ŋ́sɛ́n ɖəkà lɛ́, í mán bùbɔ́ nɔ́n, í sùbɔ̀ɛ́, í dòé də̀jì, ɖóbə́ əlɛ́ tɛ́gbɛɛ́, í yé cɛ́kpàkpà lɛ́ tɛgbɛɛ́, í yé jíɖùɖú lə̀ jìjìmə̀ cò yì jìjìmə̀ wò jí. ³⁵ Ŋ́sɛn ɖə̀kɛ́n ŋ̀lə́ agbə̀tɔ̀sí o, ə̀ɖə nɔ́ əgbə̀ sìgbə̀ í jroé də́ jípó dɔ̀là wo jì, kídé anyìgbántòwò jì, àmə̀ ɖekɛ́n ŋunkà təŋ̀ jətə̀ lə̀ yé ŋ̀kúví mə i bíɔɛ́ sə bə́: nukɔé ìlə́ wɔ́nə̀ mán? ³⁶ Gaŋ́nán mə án, tiŋún kùvímə kɔ́, í tiŋún ganyínyí zətà, í bùbù kə̀jə̀ a wò cɔɛ́ŋ́. Tiŋún càmi kidé agbónùglan gbə́ trɔ̀vá í tiŋún fíɔ́dùxo à gbə kə̀kə̀tá. ³⁷ Có ə̀gbá jí à, ə̀nyə̀ Nebucadnatsar mán sùbɔ́, í mán kàfù jíŋ́kórí tɔ́wò fiɔ́, kə yé núwɔnán wó nyi adòdó, í yé mɔ́n wò lə̀ tòhò, í làtə̀ ŋ́ bùbɔ́ amə kələ̀ kɔ́ ɖəkia glojo dejí a də anyìgbàn mə̀.