¹ Tsinɛ dukɔn kpata so Yɔrdan tɔ vɔlɔ, Yehowa nu nɛYoshua be: ² Miɖe nusu woeve, nusu ɖeka le kɔta ɖeka mɛ. ³ Misɔ gbedoasi tsɛ nɔwo: Wonɛɖe ekpe ɖeka ɖeka le afitsi yi nunɔla woeveɛ nɔteɖo le Yɔrdan tɔlɔ mɛ. Wonɛsɔɛ ɖaɖo afitsi woladɔn le zan tsɛ mɛ. ⁴ Yoshua yɔ nusu woeveɛ wo tsinɛ yitshan le Izraɛviwo domɛ, nusu ɖeka le kɔta mɛ. ⁵ Eto nɔwo be: Midje ŋkɔ nɛ Yehowa yo nublablaɖaka mia Mawu tɔlɔ, le Yɔrdan tɔa yo dodomɛ, yi amɛɖeka nɛdro ekpe ɖeka ɖo abɔta, le Izraɛl yo kɔtawo hɛnhlɛn mɛ, ⁶ Benɛ yanyi djesi le mia domɛ. Le gatsimɛ yi mia viwo lava biɔ mi be: ŋde ekpe yɛwo nɛ mi? ⁷ Mila ɖoŋtsi nɔwo be: Yɔrdan yo tɔwo so ɖo eve le Yehowa yo nublabla ɖaka ŋkɔ; tsinɛ yile etɔlɔ soɔ lɔ, etɔwo so ɖo eve, yi ekpe tsɛwo lagni ŋkuɖodji tɛgbɛ nɛ Izraɛl viwo. ⁸ Izraɛl viwo wɔ nutsinɛ Yoshua biƥ so wogbɔ. Woɖe ekpe woeve le yɔrdan yo tɔa dodomɛ, sigbebe aletsi Yehowa nui nɛ Yoshua nɛnɛ, le Izraɛl viwo yo kɔtawo kpata dji, wokɔkɔ ekpeɛwo, sɔyi daɖo afitsi woladɔn le zamɛ. ⁹ Yoshua gbeɖo ekpe woeve bu ɖo etɔa dodomɛ, le afitsi nunɔnalawo nɔte ɖo gatsimɛ wokɔkɔ nublabla ɖaka lɔ; yi wole xɔn kakavana egbɛ. ¹⁰ Nunɔla tsiwo kɔkɔ aɖaka woɔte ɖo Yordan yo tɔa dodomɛ kakavana enu tsinɛ Yehowa nunɛ Yoshua benɛ yanu nɛ dukɔn lɔ, sigbe nutsi Mɔse ŋlɔnɖɛ nɛ Yoshua nɛnɛ. Yi dukɔn lɔ ɖebla kabakaba so etɔa. ¹¹ Tsinɛ dukɔn lɔ so etɔa vɔlɔ, Yehowa yo nublabla ɖaka kuɖo nunɔlawo dje ŋkɔ nɛ dukɔn lɔ. ¹² Rbɛn viwo, Gadi viwo kudo Manase yo kota maman mɛ, wobla akpa le Izraɛl viwo ŋkɔ, sigbebe aletsi Mɔse nui nɔwo nɛnɛ. ¹³ Elanɔn sigbebe agbetɔ kotokuŋ eka tsiwo bla akpa nɛ ahua wɔwɔ, wodje ŋkɔ nɛ Yehowa le Yeriko yo dogba mɛ. ¹⁴ Le gbexɔngbe lɔ, Yehowa do Yoshua ɖo dji le Izraɛl viwo yo ŋkumɛ; wo tɔɛvɔnvɔn sigbe letsi wovɔŋ mɔse le yo agbemɛ ŋkekewo kpata mɛ nɛnɛ. ¹⁵ Yehowa nunɛ Yoshua be: ¹⁶ Ɖegbe nɛ nunɔlawo tsiwo kɔkɔ ese ɖaka be wonɛto le Yɔrdan tɔa mɛ. ¹⁷ Yi Yoshua ɖe egbe nɛ nunɔlawo be: Mito le Yɔrsan tɔa mɛ. ¹⁸ Tsinɛ nunɔla tsiwo kɔkɔ nublabla ɖaka Yehowa tɔlɔ to le Yɔrdan tɔa mɛ, yi wo afɔwo dje anyigban xuxu dji lɔ, Yɔrdan tɔwo trɔyi ɖo wo texoe yi kankan sigbebe san nɛnɛ ɖo tɔa towo mɛ. ¹⁹ Dukɔn lɔ tole Yɔrdan tɔlɔ mɛ, le ŋkeke ewo gɔnlɔ gbe, kudo woetri tutugban lɔ gbe, kudo woetri tutugban lɔ mɛ, yi wonɔ Gilgal, le yeriko yo woezexoe gomɛ. ²⁰ Yoshua ɖo ekpe woeve tsinɛ yiɖe le Yɔrdan tɔa mɛ anyi ɖo Gilgal. ²¹ Enu nɛ Izraɛl viwo be: Nɛ mia viwo vabiɔ woa tɔwo gbeɖeka be: ŋde nyi ekpe yɛwo lɔ? ²² Miafiɔ mia viwo, yi mianu nɔwo be: Izraɛl zɔn to Yɔrdan tɔa mɛ xuxuluxu. ²³ Ɖo Yehowa, mia Mawua na be Yɔdan tɔwo xu kakavana gatsimɛ miavayi, sigbebe aletsi Yehowa, mia Mawua wɔɛ le axu djiŋ nu, yi yina mizɔn axua mɛ xuxuluxu, ²⁴ Benɛ anyigbandji dukɔnwo kpata mɛnyɛ be Yehowa yo alɔ sɛŋ yi be miakpɔtɔ avɔn yehowa mia Mawu lɔ.