¹ Yoshua fɔ le ŋdekenyɛn mɛ boo, yi djole Sitiŋ kudo Izraɛlviwo wovayi ɖo yɔrdan tɔto; yi lexɔn lɔ, wodɔn xɔn gbɔxoe vasoe. ² Le ŋkeke etɔn domɛ lɔ, sɔdja amɛgawo ɖisa to texoeɛ mɛ, ³ Yi wona gbeta yɛwo dukɔn lɔ: nɛ mikpɔ Yehowa yo nublabla ɖaka mia Mawu tɔ, tsinɛ nunɔlawo Lewiviwo lakɔkɔ lɔ, miladjo le texoe tsinɛ mile, yi milaso akplɔɛ do. ⁴ Vɔ mɔɖeɖe kpetsi ɖeka lanɔ miakudo yo dodomɛ:Miŋgbe gogoi o. Elafiɔ mi emɔn tsinɛ milato, ɖo miŋde zɔn emɔn tsɛ kpɔɔ. ⁵ Yoshua nu nduɛʊɔn be: Mikɔ miaɖokui ŋtsi ɖo Yehowa latsiŋ amlimanwo le mia domɛ eso. ⁶ Yi Yoshua nunɛ nunɔnlawo be: Mikɔkɔ nublabla ɖaka lɔ, yi nuadje ŋkɔ nɛ dukɔn lɔ. Wokɔkɔ nublabla ɖaka yi dje ŋkɔ nɛ dukɔn lɔ. ⁷ Yehowa nunɛ Yoshua be: Egbɛ yi ŋda tɔwo dodowo ɖo edji le Izraɛlviwo ŋkumɛ, benɛ woanyan be nanɔ anyi kudo wo sigbe aletsi ŋnɔ anyi kudo mɔse nɛnɛ. ⁸ Wolado ese tsɛ nɛ nunɔlawo tsiwo lakɔkɔ nublabla ɖaka: Nɛ miɖo Yɔrdan tɔlɔ to yi mido afo tɔlɔ mɛ lɔ, mila nɔte ɖo xɔn. ⁹ Yoshua nunɛ Izraɛlviwo be: Midɔnva, nɛ miase Yehowa, mia Mawua yo nyawo. ¹⁰ Yoshua be: Etsɛ yi milasɔnyan be Mawu gbagbeɛ le miadomɛ ke, yi yilanyan Kananitɔwo, Hetsitɔwo, Haviɛntɔwo, Ferezitɔwo, Gilgazitɔwo, Amɔritɔwo kudo Jebusitɔwo: ¹¹ Mikpɔ Axoetɔ tsi kpatsɛ nɛ anyigban kpata yo nublabla ɖaka lazɔn ŋkɔ nɛ mi laɖo Yɔrdan tɔlɔ mɛ. ¹² Fifiɛ mitsan nusu woeve le Izraɛl yo kɔtawo mɛ, nusu ɖeka le kɔta ɖeka mɛ. ¹³ Yi gatsimɛ yi, nunɔlawo tsinɛwo lakɔkɔ nublabla ɖaka Axoetɔ tɔ tsinɛ kpatsɛ nɛ anyigban dji kpata, wolada afɔwo ɖo Yɔrdan tɔwo mɛ lɔ, etɔwo laman ɖo eve: Edjigbe tɔwo lanɔte teŋ sigbebe egli nɛnɛ. ¹⁴ Dukɔn lɔ tole yo agbadɔwo mɛ benɛ yewoa so Yɔrdan tɔa, yi nunɔlawo tsiwo kɔkɔ nublabla ɖaka wozɔndje ŋkɔ nɛ dukɔn lɔ. ¹⁵ Tsinɛ nunɔlawo tsiwo kɔkɔ nublabla ɖaka woɖo yɔrdan tɔa to, yi wo afɔwo fa zedeka lɔ, yɔrdan tɔ tsinɛ ɖɔ tanŋtanŋ le nuɖeɖe gamɛa, ¹⁶ Edjigbe tɔ tsiwo le sasraɔ wo nɔte goŋ sigbe egli nɛnɛ, djidji boo le Aɖaŋ yo dua gbɔ tsinɛ gogo Tsarthan; kudo etɔ tsinɛ sra tuta anyigban gbadja axu gbedjia gbɔ, edje yo axua so ɖo eve keŋkeŋ. Dukɔn lɔ so Yɔrdan tɔa le Yerriko yo ŋkumɛ. ¹⁷ Nunɔla tsiwo kɔkɔ nublabla ɖaka Yehowa tɔ, wonɔte afɔ xuxuɖuxu le Yɔrdan tɔa yo dodomɛ, le gatsimɛ yi Izraɛlviwo kpata tsan zɔmɛ xuxuɖuxu, kakavana dukɔn lɔ kpata toa Yordan ta me.