¹ Yoshua, Nɔn vi, na amɛ eve djo le bebemɛ so sitim benɛ yewoayi ɖisa le dua mɛ, yi Yinu nɔwo be: Miyi nɛ miakpɔ ayigban lɔ nyuiɖe yi vevɖe lɔ Yeriko wodjo yi wovayiɖo ahasitɔ ɖe yo xomɛ, tsi woyɔnɔn be Rahab, yi womlɔn xɔn. ² Woto nɛ Yeriko yo fiɔ be:Izraɛl vi ŋsu ɖewo wova fiɛ ezan tsɛ mɛ be yewo asan ŋkuvi le dua mɛ. ³ Yeriko fiɔ dɔ amɛ ɖoɖa Rahab be: ɖe amɛtsiwo vabe ɖo gbɔwo, tsiwo ɖo axo xomɛ; ɖo edua kpɔgbe yiŋtsi wovaɖo. ⁴ Nyɔnua sɔ nusu amɛ eveawo sɔxla; yi yinu be: Nyawo lɔ nusu eveawo va gbɔnyɛ, vɔ nyɛŋde nyan afitsi woto o; ⁵ Yi, tsinɛ wole edua yo agbo tugbe le zamɛ lɔ, nusuawo to; nyɛŋde nya fitsi woto kudo fitsi woyio; miɖebla nɛ miakplɔ wodo yi milakpɔ wo. ⁶ Esɔwo daɖo exɔa tamɛ yi yixlawo ɖo avɔmabizo yo atsiwo gɔmɛ,tsinɛ yidjraɖo ɖo exɔa atsiwo gɔmɛ, tsinɛ yidjraɖo ɖo exɔa tamɛ. ⁷ Amɛyɛwo kplɔwoɖo to emɔn tsinɛ tuta Yɔrdan nu, yi wotu edua yo agbo le tsimɛ wodjo lɔ. ⁸ Kɛŋgbɔxoe nusuawo ladɔn alɔn lɔ, Rahab yi wogbɔ le edjia, ⁹ Yi yinu nɔwo be: Ŋnya be Yehowa sɔ edua na mi, ɖo miakpata vɔnvɔn dje miadji be mi gbɔdjɔ. ¹⁰ Ɖo mise aletsi mitole Egipti, aletsi Yehowa na axu djiŋ lɔ xu le mia ŋkɔ, yi mise aletsi miwɔ kudo Amɔritɔwo yo efiɔ eveɛwo le Yordan godo, Sihɔn kudo Ɔg tsinɛ mikanka wo nuwo. ¹¹ Mise, yi mi gbɔdjɔ, kanlɛntɔ ɖe ŋde gbele miadomɛɔn; ɖo Yehowa mia Mawu, yinyi Mawu le djipo kudo anyigban. ¹² Yi fifiɛ lɔ, ŋdekuku be miatanu nuŋ to Yehowa yo ŋkɔ mɛ be milaku ŋzizi nɛnyɛ kudo etɔnyɛ yo axuedo lɔ sigbebe aletsi nyɛtsan ŋku ŋzizi nɛ mi nɛnɛ. ¹³ Minaŋ kanɖodji be etɔnyɛ, enɔnyɛ, nɔvinyɛ nususwo, nɔvinyɛ nyɔnuwo, kudo enutsi le wosi lanɔn dedeɖe yi milaɖe mi tole eku mɛ. ¹⁴ Nusuawo doŋtsi nii be: Misɔgbe be miaku ɖo miata, nɛ miŋde kakan enyɔɖe so miaŋtsio; yi nɛ Yehowavasɔ edua nɛ mi lɔ, milaku ŋzizi nɔwo yila wɔ nutexoe ɖoɖa gbɔwo. ¹⁵ Eɖiɖi wo to flɛsɛkudo eka, ɖo axoe tsimɛ yile lɔ, le edua yo kpata. ¹⁶ Enu nɔwo be: Mizɔn to eto gbedji, benɛ amɛtsiwo dje miayomɛ lɔ ŋgbe dogo mi o; mibe ɖo xɔn ŋkeke etɔn kakavana wo trɔtrɔ; yile xɔn yo ŋgbodomɛ lɔ miale mia mɔn. ¹⁷ Ɖekadjɛwo tonii be: Lexa mia gbesoso tsinɛ miso kudowo lato le ta nɛmi ke. ¹⁸ Nɛ miva gɛnɖo edua mɛ lo, enutsi wolawɔ ke: Bla eka djin tsɛ ɖo axo flɛsɛto, eka tsinɛ wosɔ ɖiɩ mi to glia dji, yi na be axo xomɛa nɛbɔ ɖo axo xomɛ; etɔwo, enɔwo, nɔviwo, etɔwo yo xomɛa kpata. ¹⁹ Nɛ amɛɖe le wodomɛ tole axo axomɛlɔ, yo huŋlava yiŋtɔ yo ta dji, yi miɔn milaɖo kuuŋ lemɛ; vɔ tovo nɛ alɔ tɔ amɛɖe le axo xomɛ lɔ, yo huŋ lava mia ta dji. ²⁰ Vɔ nɛ woto enyɔ ɖe sɔso mia fiɛ vava lɔ, mila tole enu tsinɛ mita nɔwo lɔ gbɔ. ²¹ Eɖoŋtsi nɔwo be: ŋdasi ɖo mia nyɔn dji. Yi Rahab djole wo gbɔ,yi wotsan djo. Yi yibla eka djinlɔ ɖoyo flɛsɛto. ²² Wodjo, yi woyi eto lɔgeɛ gbɔ, aflitsi wonɔn ŋkeke tɔn, kakavana gatsimɛ yi amɛtsiwo le wo dji ɔwo trɔgbɔ. Amɛtsiwo le wo djiɔ lɔɖisa vɔ ŋde tɛnŋ kpɔ wo o. ²³ Nusu amɛ veɛwo ɖi so etoa dji, yiwoso ɔrdan tɔa. Wogbɔva Yoshua nɔn vi gbɔ, yi wonu enu tsinɛ djɔ ɖo wo dji. ²⁴ Wonu nɛYoshua be: Yehowa sɔ edua do mia lɔmɛ ŋtɔŋtɔ, yi duamɛtɔwo kpata le ŋunŋunŋun ɔkɔ le mia ŋkɔ.