¹ Le Mɔse Yehowa yo subɔvi yo ku ŋgbodomɛ lɔ, Yehowa nu nɛ Yoshua nun vi, Mɔse yo subɔvi be: ² Mɔse axin dɔsɔvi ku; fifiɛ lɔ tsite, so yɔdan yo tɔa, ewo kudo dukɔnlɔ, nɛ naɖo eɖu tsinɛ ŋsɔnɛ Izraɛlviwó. ³ Afisiafi tsinɛ mia fɔ ladje lɔ, nasɔɛ na mi sigbe aletsi ŋnvi nɛ Mɔse nɛnɛ. ⁴ Mia nyiglan laso zogbeɛdji kudo Libanokakavayi etɔ gan, Efrati yo tɔ, Hetsitɔwo yo du, kudo kakayi axu ganlɔ yinɔɖo woetoɖaxoe. ⁵ Amɛɖe ŋda nɔte ɖo axo ŋkɔ, tsinɛ wola kpɔtɔ nɔ agbe o. Nanɔn anyi kudo wo sigbebe aletsi ŋnɔ anyi kudo Mɔse nɛnɛ; nyɛ ŋda gble wo sɔdaɖɛ ɔ; nyɛ ŋda djole gbɔwo. ⁶ Dadji, yi na sɛnŋ, ɖo ewo yi lakplɔ dukɔn tsɛ sɔyiɖo anyigban tsiŋtsi ŋkan adan ɖo be nasɔna woatɔgbewo. ⁷ Dadji kpo yi na sɛnŋ ŋtɔ; yi nawɔ ɖo Mɔse axin dɔsɔvi yo seɛ dji pɛpɛpɛ, esetsinɛ yiŋlɔn; ŋgbe yiɖo ɖusimɛ alo emiɔmɛɔn, benɛ naɖudji le nutsiwo kpata wolawɔ mɛ. ⁸ Ese woman tsɛ ŋgbe djoɖa le axo nugbɔ; deŋgble leŋtsi ezan kudo kede benɛ nawɔ dodji pɛopɛpɛ sigbe aletsi woŋlɛn ɖomɛnɛnɛ, ɖo le xɔmɛ yi wolakpɔ djiɖuɖu le nutsiwo kpata wolawo mɛ, yi djɔgbenyui lanɔ mɔdji nɔn. ⁹ Nyɛ do ese yɛ nɔwo be: Dodji yi nakpɔ ŋsɛn? Vɔnvɔn ŋgbe ɖo wo yi djika ŋgbe so wo, ɖo Yehowaaxo Mawu le gbɔwo,le enu tsiwo kpata wolawɔ mɛ. ¹⁰ Yoshua ɖegbe nɛ dukɔnlɔ yo sɔdja amɛganwo be: ¹¹ Miyi ɖisa le asara mɛ yi enyɔn tsinɛ milanu nɛ dukɔn lɔ ké: Midjra nuɖuɖu ɖɛ, ɖo le ŋkeke etɔn domɛ lɔ, milaso yɔrdan yo tɔa benɛ miayi xɔ edu tsinɛYehowa, mia Mawu lɔ be yasɔ nami, nɛ yanyi miatɔ lɔ. ¹² Yoshua tonɛ Rubɛn yo djidjimɛviwo, Gadviwo kudo Manase yo kɔta mamamɛ be: ¹³ Miɖoŋku nutsiwo Mɔse, Yehowa yo dɔsɔvi ŋlɔndaɖɛ be: Yehowa, mia Mawu lɔ, na mi gbɔnɖemɛ, yi yisɔ eduɛ sɔna mi. ¹⁴ Miɖoŋku nutsiwo Mɔse, Yehowa yo dɔsɔvi ŋlɔndadɛ be: Yehowaa, mia Mawu lɔ, na mi gbɔnɖemɛ, yi yisɔ eduɛ sɔna mi. Mia srɔnwo, mia viwo kudo mia lanwo latsi edu tsɛ tsinɛ Mɔse sɔna mi le Yɔrdan gbɔ; vɔ mia nusu kanlɛntɔwo, miɔn milaso lanɔn ŋkɔ nɛ mianɔviwo kudo ahuawɔnuwo, lakpeɖo wo ŋtsi, ¹⁵ Kakavana gatsimɛ Yehowa lana wotsan gbɔnɖemɛ wo sigbebe miawo nɛnɛ, benɛ woatsan woagɛnɖo wo anyigban dji le ŋtsifaf mɛ. Wi milatrɔva anyigban miatɔ tsinɛ Mɔse Yehowa yo dɔsɔvi sɔna mi le woezexue. ¹⁶ Wo ɖoŋtsi nɛ Yosua be: Milawɔ enutsiwo kpata wodo ese nɛ mi be miawɔ dji, yi milayi afisiafi tsinɛ wonu benɛ miawi. ¹⁷ Milaɖo eto wo pɛpɛpɛ sigbebe aletsi miɖonɔn eto mɔse nɛnɛ. Yehowa, axo Mawu nɛgbe nɔn djiwo sigbebe aletsi yinɔn Mɔsé dji nɛnɛ kpo! ¹⁸ Amɛsiamɛ, tsinɛ laso ɖo axo geɖeɖedji, yi lagbe be yeŋda wɔ ɖo axo gbeɖeɖewo dji alɔ, laku. Dodji kpo, yi kpɔ ŋsɛn!