¹ Yehowa xonuxo nɔn Josuwe to be: ² Tonɔn Israëlviwo be, wo la tsan bebexoe du tsiwo ŋtsi ŋxonuxo so nɔn mi to Mɔnse dji lɔ. ³ Ametsi ŋtɔ ŋdenyan, ŋde ɖo susu be yea wuame o, vɔ yi wui a, ela sidjo yi xɔn, xɔn lanyi bebexoe nɔn mi le metsiwo mi wu amenan sime. ⁴ Nɛn amewutɔ sidjo yi edu yɛwo dometɔ ɖeka me lɔ, ela tɔte ɖo eduɔlɔ gbodji, yi la to yo nyɔnɔ lɔ nɔn eduɔme meganwo keŋgbɔxoe wo la xɔɛɖo woɖekiwo gbɔ le duɔme yi wola ni texoe yi la nɔn wogbɔ. ⁵ Nɛn hlɔnbiɔtɔlɔ kplɔɛdo a, woŋdagbesɔ amewutɔlɔ alɔme nyio, ɖoŋtsia ŋde ɖo susu keŋgbɔxoe wu nɔnviɛlɔ, yi ŋde nyi be ketɔ yitɔ yinyi sa o. ⁶ Ela nɔn duxɔn me kakavasɛn gatsime wola kplɔɛva amɔnwo ŋkɔ, yi wolakankan nɔnlɔ mekpɔ, yi nɔn nunɔla gan tsile gaxoxo xɔnme ku lɔ, kenɔna amewutolɔ ɖo mɔnukpɔkpɔ atrɔyi edu tsime yisile le yeŋtɔ xɔme. ⁷ Woɖo kedesch le Galilee le Nephtali to dji, Sichemle Ephraïm to dji, kuɖo kirjath Arba, tsinyi Hebrɔn, le Juda todji. ⁸ Le akpa ɖeɛ nɔn Jurdɛn le wezexoe nɔn Jericho, wo sɔ Betser le zegbedji, egbame nɔn Ruben viwo kɔta, Ramoth, le Galaad, nɔn Gadviwo kota, yi Golan le Basan nɔn Manasseviwo kɔta. ⁹ Eyɛ nyi du tsiwo ɖo nɔn Israëlviwo kudo wo medjro tsile wodome wo be nɔn ameɖe ŋde ɖo be yeawu ame o vɔyi vavamea, ya sidjo yi xɔn nɛn ŋgbe ku ole hlɔnbiɔtɔ lɔme o, keŋgbɔxoe woasɔ yo nyɔnwo va amɔwo ŋme o.