¹ Yoshua kan anyigban lɔ yo akpa ɖe nɛ Manasse viwo kɔta, yi nyi watɔ kpadji, ɖoŋtsia Manassé nyi Yoseph yo vi tsutsugban. Woso Galaad kudo Basan yo nyigban na Makir Manasse yo vi tsutsugban, amɛtsi nyi Galaad yo tɔ, le yo ahua wawa ŋtsi. ² Manasse yo vi kpɔtɛawo xɔwo anyigban le Yourdain tɔa lɔ yo woeɖoxɔ xoe gbedji ɖo wo xomɛwo nu. Woawoe nyi: Abiézer, Helek, Asril, Sichem, Hépher, Schemi da. Amɛtsiwoe nyi Yoseph yo Manasse, be viŋsuviwo yo djidjimɛviwo. ³ Tselophchad, amɛtsi nyi Hépher yo vi ŋsu, Galaad yo vi ŋsu, Makir yo vi ŋsu, Manase yo vi ŋsu, ŋde dji vi ŋsuvi ɖekpekpe o, negbe nyɔnuvi wo kpɔe, woawoe nyi: Machla, Noa, Hogla, Milea kudo Thirtsa. ⁴ Wova vɔsatɔ Eléazar kudo Yoshua, nunvi kudo amɛganwo gbɔ, yi tɔnɔn wo be: Yehowa dji so Mose gbɔ bena nɛna miatsan anyigban sigbe miɔn xɔmɛtɔ ŋsuviwo nɛnɛ. Lexa Yoshua na wo anyigban ɖo woatɔ nɔvi ŋsuviwo domɛ, sigbe letsi Yehowa toe nɛnɛ. ⁵ Lexa Manasse xɔ akpa amɛwo sɔkpe ɖo Galaad nyigban kudo Basan nyigban ŋtsi le Jordan yo akpa xɔn dji. ⁶ Ɖonutsiŋtsia Manasse vinyɔnuwo xɔ anyigban ɖo evioŋsuviwo domɛ, ke Galaad nyigban nyi Manasse vi kpɔtɛwo tɔ. ⁷ Yi Manasse yo lixoa so Aser va to Micmethath tsi sɔ Sichem gbɔa, yi zɔnto En-Tappuach le ɖusi mɛ. ⁸ Tappuach yi nyi Manasse tɔ, yi Tappuach tsi le Manasse yo lixoa dji lɔ yi nyi Ephraïm viwo tɔ. ⁹ Yi lixoa lɔ to kama yo djigbedji Ephraïm yo dju le Manasse yo djuwo domɛ le xɔn: yi Manasse yo lixoa to vudo lɔ yo gɔnmɛ gbedji yi va vɔ ɖo apua gbɔ. ¹⁰ Edji gbedji yi nyi Ephraïm tɔ, yi gɔnmɛ gbedji nyi Manasse tɔ yi apualɔ do lixo ni. Eva tɔ Aser le ( Anyiche) yi tɔ Issacar le woezewoe. ¹¹ Edju tsiwoe nyi Manasse tɔ, le Issacar kudo Aser gbɔ a woe nyi: Beth Schean kudo wo djuwo, Jibleam kudo wo djuwo, sɔkpe ɖo En-Vortɔwo kudo wo djuwo ŋtsi. En Dortɔwo kudo wo djuwo, Thaanac tɔwo kudo wo djuwo, kudo Meguidotɔwo ku wo djuwo, woawoe nyi Eto vitsukui amɛtɔna wo. ¹² Manasse ŋde tɛnŋ xɔ Edju yɛ wo o, yi Kanaanitɔwo do dji nɔn anyigban yɛ dji. ¹³ Ganke tsi ŋsɛn va nɛ Israel viwolɔ, wona kanaanitɔwo wɔ dɔ nɔn wo wutsuwutsu; vɔa ɖe kpɔe woŋde nyan wo. ¹⁴ Yi Yoseph viwo to nɛ Yoshua be na: ŋde ŋtsi wosɔ anyigban ɖeka pɛ na mi ɖo vɔa misu gbɔ, yi Yehowa yrami kaka ɖoŋtsi fifiɛ. ¹⁵ Yoshua ɖoŋtsi nɔn wo bena: nɛ misugbɔ lɔ kexɔn a miyi Filistɔwo kudo Refaitɔwo nyigbandji, nɛ miakpla aveawo le xɔn; ɖonutsiŋtsia Ephraïm toa lɔ xlixa nɛ mi ŋtɔ. ¹⁶ Yoseph viwo ɖo ŋtsi be: eto nyigban lɔ na sun miɔn, vɔa gakpo hunwo tsan le cananitɔwo tsi woe le dɔnamɛ a kudo etsiwoe le Beth Schean ku yo djuwo kudo etsiwoele Jizreel yo dɔnamɛ si. ¹⁷ Josué to nɛ Yoseph yo axoe, tsi nyi Ephraïm kudo Manasse bena: Misugbɔ yi ŋsen gbogbo ɖe gbele mian ŋtsi, ŋde anyigban ɖeka pɛ kpɔe mi la xɔ. ¹⁸ Etonyigban lɔ la nyi miatɔ, togbɔ be texoe a nyi avɛ tsan lɔ miaxoé kaka vɛ sɛn yo vɔvɔnu, kususu be texoea kpata nɛ zun miatɔ, ɖoŋtsia mila nyan cananitɔwo tsi si gan hun kudo ŋsɛn lea djo.