1
Anyigban tsi Yoshua kan nɛ Joseph yo djidjimɛ viwo lɔ, yo lixó tɔdji so Jourdain tɔato ŋtsi le Jericho gbɔ le woezexoe yi to Jericho vudoawo yo woezexoe gbedji tsuta gbea lɔ mɛ. Fifia eso Jericho yi to toawo dji va kɔɖo kaka Béthel.
2
Lixoa lɔ gbe so Béthel va ɖo Luz, yi to Arkitɔwo nyigbandji va sen ɖo Atharoth.
3
Fifiɛ lɔ ekpeta woeɖoxɔxoe gbedji va to Yaphethitɔwo nyigban ŋtsi le kaka Beth-Horon yo nyigban be gɔnmɛ Lixoa lɔ todji so xɔn va sɛn ɖo Guézer, yi vavɔ ɖo apua gbɔ.
4
Anyigban yɛ yi Yoseph viwo, Manasse kudo Ephraïm tɔwo xɔ sigbe wo domɛnyinu nɛnɛ.
5
Anyigban tsi Ephraïm viwɛ xɔ ɖo wo xɔmɛa wonu lɔ ke: yo woezexoe lixoa so Atharoth Addar va sɛn ɖo Beth-Horon yo kɔkɔxoe.
6
Eyidji to xɔn vɛ tsu apualɔ. Edjigbe dji yo lixɔa lɔ so Miemɛthath, ezɔnto Thaanath yo woezexoe, yi to yo woezexoe gbedji va sɛn ɖo Janoach.
7
Eso Jonoach va to Atharoth kudo Naaratha, vɛ tɔ Jéricho yi djidji kaka vɛ kɔɖo Jourdain.
8
Woeɖoxɔxoe lixoa lɔ so Tapuax to kana vɛ vɔ ɖo apua lɔ gbɔ. Anyigban yɛ yi Ephraïm viwo xɔ sigbe wodomɛnyinu nɛnɛ, ɖo woxomɛwo nu.
9
Sɔ kpe ɖo anyigban yɛ ŋtsi lɔ wotsian edju kudo kɔxoe ɖewo le Manasse viwo yo anyigban mɛ tsiwoe nyi Ephraïm viwo tɔ a.
10
Woŋ de nya kananitɔwo tsi woe le Guézer djoo, yi kananitɔwo tsi Ephraïm viwo domɛ va sɛn ɖo gbe yi wonana be wowɔnɔn dɔ nɔnwo sigbe wo kluvi nɛnɛ.