¹ Anyigban lɔ yo akpa tsi Yudaviwo xɔ le wo xomɛa mɛ ɖo dji gbe alɔ, Eyi kaka Edom yo lixo dji, vɛ kuɖo zogbedji le tsin le djigbea le apua ŋtsi. ² Wo djigbe lixo so apuɔlɔ nu, afitsi apua wɔnɔn adan le, Xakɔnna vayi edjigbeɛ lɔ o. ³ Edjidji va to Akrabbim le djigbea va sɛn tsin, yi zɔn va to Kadés Barnéa yo dji va sɛn Hetsron, eyidji le Addar, yi Xakɔnna va Karkaa. ⁴ Eyi ɖo dji va sɛn Atsmon yi zɔn Egypte yo vudoa lɔto va kpaɖo axua lɔ gbɔ. ⁵ Woezexoe lixoa so apua nu vasɛnɖo Jourdain nu, yi gɔnmɛ lixoa so alɔzɛn tsi le Jourdain nu a. ⁶ Eyidji Beth Hogla, eto edji nɛ Beth Araba ekɔkɔ kaka yi Bohan, Ruben via yo kpea gbɔ. ⁷ Elia Debir tsi gogo Acor yodɔnmɛ, yi zɔnyi djigbedji le Guilgal tsi nɛ kpaŋkɔ Adummim le gɔnmɛ yo tɔa gbɔ. Eto Schemesch yo tɔwo gbɔ, yi zɔn kaka yi En-Roguel. ⁸ Elia Ben hinnom yo dɔna mɛ tsi nɛ gogo Jebus yo tɔa gɔnmɛ tsi le Jerusalem gbɔ, yi yiɖo etoawo tamɛ tsi le ŋkɔ nɛ Hinnon woezexoe tɔa, kudo Rephaïm yo vɔvɔnu le dɔna mɛledjigbedji. ⁹ Sɔ etɔyɛ tamɛ lɔ, Lixoa lɔ va to Neph thoach yo vudoa lɔ gbɔyitsuta edju tsile Ephron-to dji lɔ gbɔ, va sɛn ɖo Baala, alo Kirjath Jearim. ¹⁰ Etro so Baala tsuta Seir-to lɔ gbɔ, le woeɖoxɔxoe va zɔn Jearim alo kesalom to lɔ ŋtsi le djigbea, yi xakɔna to Beth-Schémesch va sɛn ɖo Thimna. ¹¹ Yo ŋgbodomɛ a lixoa lɔ zɔn Ekron-to lɔ ŋtsi le edjigbedji va sɛn ɖo Schicron, yi Xakɔna to Baala-to lɔ tamɛ, tsuta Jabneel, yi va vɔ ɖo apualɔ ŋtsi. ¹² Apu yɛ yi nyi woeɖoxoxoe lixoalɔ. Lixo yɛ woe trɔ do anyigban tsi Yuda viwo tsan yi nyi woatɔ, le wo xomɛwo nu. ¹³ Yoshua sɔ Yuda viwo nyigban lɔ yo akpa ɖe na Kaleb, Yephunne vi sigbe letsi Yehowa to nɛnɛ, Hebron tsi nyi anakitɔwo tɔ, Arba, yo djua lɔ wosɔ nyi. ¹⁴ Kaleb nya Anakvi ŋsu amɛtɔn tsi woe nyi. Schéschaï, Ahiman kudo Talmaï wole edjuamɛ. ¹⁵ Yo ŋgbodomɛa eho ahua ɖo Debirtɔwo ŋtsi, sanlɔ woyɔnɔn Debir be kirjath-Sépher. ¹⁶ Kaleb be: amɛtsi yilaɖu Kirjath-Sépher dji axɔɛa, nasɔ evinyɛ nyɔnuvi Axa nyi aɖe. ¹⁷ Othniel, Kenaz vi, Kaleb yo nɔnvi xɔ djua, yi Kaleb sɔ via nyɔnu Axa nyi esɔɖe. ¹⁸ Le esrɔn ɖeɖe yo ŋgbodomɛ a, Axa tonɛ srɔna Othniel be, nɛ biɔ yɛ tɔ anyigban. Etsi Axa ɖi le yo Sɔlɔ djia, etɔa Kaleb biɔɛ be: ŋɖe hian woa? ¹⁹ Eɖo ŋtsi be: Nyɔn dɔmɛ nuŋ anyigban tsi wonaŋ san lɔ nyi djigbedji sikuxoe ɖekpekpe ŋdele o. Yiŋtsia ŋdjibe nanaŋ vudo ɖewo tsan yi Kaleb sɔ vudo tsiwoe le eto dji kudo eto gɔnmɛ alɔ na axa. ²⁰ Anyigban tsi Yoshua sɔna Yuda tɔ lɔ ɖo wo xɔmɛa nu sigbe domɛnyinu nɔn wo nɛnɛ lɔ woa wo ke: ²¹ Yuda tɔ lɔ yo dju tsiwoe te ɖo Edom yo lixo ŋtsi le kaka (anyigbemɛ) lɔ woa wo ke: Rabtseel, Eder, Jagur, ²² Kina, Dimona, Adada, ²³ Kédesch, Hatsor, Ithnan. ²⁴ Ziph, Thélem, Bealoth, ²⁵ Hatsor Hadattha, Kerijoth Hetsron alo Hatsor, ²⁶ Amam, Schema, Molada, ²⁷ Hatsar, Gadda, Heschmon, Beth, Paleth, ²⁸ Hatsar Schual, Beer Scheba, Bizjotnja. ²⁹ Baala, Ijjim, Atsem, ³⁰ Eltholad, Kesil, Horma, ³¹ Tsiklag, Madmanna, Sansanna, ³² Lebaoth, Schilhim, Aïn, kudo Rimmon edji tsi yeku kɔxoe yitɔwo wɔ wuivɔ asiɖekɛ. ³³ Edju tsi woe le gbadjaxoe lɔ wo ke Esehthaol, Tsorea, Aschna, ³⁴ Zanoach, En-Gannim, Tappuach, Enam, ³⁵ Jarmuth, Adullam, Soco, Azéka, ³⁶ Schaaraïm, Adithaïm, Guedéra, kudo Guederothaïm; edju woenɛ ku yo kɔxoe wo. ³⁷ Tsenan, Hadascha, Migdal Gad, ³⁸ Dilean, Mitspé, Joktheel, ³⁹ Lakis, Botskath, Eglon. ⁴⁰ Cabbon, Lachmas, Kithlisch, ⁴¹ Guederoth, Beth Dagon, Naama kudo Makkeda, Edju woeadɛn ku yo kɔxoewo. ⁴² Libna, Ether, Aschan, ⁴³ Jiphtach, Aschna, Netsib, ⁴⁴ Kaïla, Aczib, kudo Maréscha, edju amasiɖekɛ ku yo kɔxoewo. ⁴⁵ Ekron tsan nyi edju bu kudo yo kɔxoewo, ⁴⁶ Edju kudo kɔxoe tsiwo kpata le Asdod gbɔ sɔ Ekron va sɛn ɖo apualɔ ŋtsi tsan le mɛ. ⁴⁷ Asdod kudo Gaza tsan le Eddju wo tɔwo kudo kɔxoé wotɔwo le woa ŋtsi va sɛn ɖo Egypte yo vodo alɔ to, yi apu a lɔ yi nyi lixoa lɔ. ⁴⁸ Edju tsi woe eto nyigban lɔ woe nyi: Schamir, Jattir, Soco, ⁴⁹ Danna, Kirjath Sana, Tsiɛ nyi Debir, ⁵⁰ Anab, Eschthemo, Anim, ⁵¹ Gosen, Holon kudo Guilo, edju woeve ku yo kɔxoe wo. ⁵² Arab, Duma, Eschean, ⁵³ Janum, Beth Tappuach, Aphéka, ⁵⁴ Humta, Kirjath Arba, tsi nyi Hébron, edju amasikɛ ku yo kɔxoe wo. ⁵⁵ Maon, Carmel, Ziph, Juta, ⁵⁶ Jizreel, Jokdeam, Zanoach, ⁵⁷ Kaïn, Guibea, Kudo Thimna, edju amɛwo ku yo kɔxoe wo. ⁵⁸ Halhul, Beth tsur, Guedor, ⁵⁹ Maarath, Beth Anoth kudo Elthe kon edju amadɛn ku yo kɔxoe wo. ⁶⁰ Kirjath Baal, tsi nyi kirjath jearim kudo Rabba, edju amɛve ku yo kɔxoe wo. ⁶¹ Edju tsi woe le gbemɛa woe nyi Beth Araba, Middin, Secaca. ⁶² Nibschan, Ir Hammélach, kudo En-Guédi, edju amaɖɛn ku yo kɔxoe wo. ⁶³ Yuda viwo ŋde tɛnŋ nya yebusitɔwo tsiwoe le Yerusalem lɔ djo o. Lexa Yebusitɔwo tsi Yerusalem, yi wo kpɔtɔ le Yudaviwo domɛ vasɛn ɖo egbe.