¹ Mikpɔ domɛnyinu tsi Israelviwo xɔ le Canaan ɖo, enutsi yi nunɔla Eléazar, Josué nun viɛlɔ kudo Israel kɔta mɛganwo ma le wo nɔn nɔnɛ wo mɛ. ² Yi wo da kɔ kɛŋgboxoe mɛ nɛ kɔta amasiɖekɛ ku fan lɔ, sigbe letsi Yehowa dose nɛ Mosé nɛnɛ. ³ Ɖoŋtsia Mose ma domɛnyinu nɛ kota amɛve kudo efan le Yordan kpata xoxo vɔa ŋdena Levi viwo yɛ: ⁴ Ɖoŋtsia Joseph yo amɛwo nyi kɔto amɛve, Manase kodo Efrayim. Womɛna gomɛ ɖekpekpe Leviviwo le anyigban lɔ mɛo; vɔa wosɔ edju ɖe nawo be woanɔɛ me. Elannyixoewo tsan kpe ɖo edjuawo ŋtsi, nɛ elannyinyi. ⁵ Lexa Israelviwo ma anyigban lɔ sigbe letsi Yehowa dji so woagbɔ nɛnɛ. ⁶ Gbe ɖeka lo, yudavi ɖewo va Yoshua gbɔ le Guilgal; Kaleb, Jephunné yo vi tsan le woadomɛ yɛ to nɛ Joshua be: wonya enyɔn tsi Yehowa nɛ Mose, Mawu yo amɛa lo a, le nyɛkuwo ŋtsi le Kades-Barnéa. ⁷ Ŋxɔ exoe amɛka gatsimɛ Mose, Yehowa yo dɔla lɔ ɖɔŋ so Kades-Barnéa be Movɛ ɖa nkuvi le anyigban yɛ dji ŋyi gbɔ va to enu tsi ŋkpɔ tsutsutsu lɔ nyi. ⁸ Vɔa nɔvinyɛ tsiwoe yi kudoŋ lɔ, na djukɔnawo gbɔdjɔ, ganke nyɛ ŋdo dji ɖo Yehowa, Mawu tɔnyɛ lɔ ŋtsi blibo. ⁹ Le gbexɔngbea Mose do ŋgbe nuŋ to be: Anyigban tsi dji woyi lɔ, lanyi wo kudo viwo wo yo domɛnyinu tɛgbɛɛ, ɖoŋtsia wododji ɖo Yehowa, axi Mawu lɔ ŋtsi blibo. ¹⁰ Fifia kpɔɖa! Etsi Yehowa to enyɔn yɛ nɛ Mose lɔ, exoe katsia tɔn kpata yi nyi yɛ le gaxoxoxɔn mɛ lɔ, Israelviwo le mɔ zɔwɔ to gbemɛ. Vɔa Yehowa na ŋgbekpɔtɔ le agbe vasɛn ɖo fifiɛ kpɔŋ ɖa! Ŋdanya be exoe (kave ku amatɔn) yi ŋɖo egbe o. ¹¹ Nusɛn gbe kpɔtɔ le lanmɛ nuŋ egbɛ sigbe letsi enɔ lanmɛ nuŋ le gatsimɛ Mose dɔŋ nɛnɛ. Ŋle te, agbe tɛnŋ awɔ ahua, agbe tɛnŋ wɔ nuɖekpekpe sigbe san nɛnɛ. ¹² Fifiɛ lɔ, sɔ etonyigban tsi yo ŋgbe Yehowa do nuŋ gbexɔngbe lɔ nuŋ: wo ŋtɔ wose le nu nɛ mi gbexɔngbe be amɛdjɔasu tsiwo woyɔnɔn be Anakitɔwo lɔ le edju lolo triakɔnwo mɛ le texoe xɔn. Ɖomahi Yehowa lanɔ kuŋ be manyawo djo sigbe letsi Yehowa toe nɛnɛ. ¹³ Tete Yoshua biɔ yrayra nɛ Kaleb, Jephumé yo vi lɔ, yisɔ xebron djua nɛ sigbe yo domɛnyinu nɛnɛ. ¹⁴ Lexa yi Kaleb, Jephunné yo vi so Kenizien, xɔ Hebron va sɛn ɖo egbɛ, le tsi ewɔ Yehowa Israel Mawu lɔ yo gbe dji tsutsutsu lɔ ŋtsi. ¹⁵ San lɔ woyɔ nɔn Hebron be kiyath Arba: Arba nyi amɛ ŋkuta le Anakimtɔwo domɛ le goxoxoxɔn lɔ edjua le ŋtsi fafamɛ ŋde wɔnɔn ahua o.