¹ Lewitɔwo xome meganwo va nunɔlagan Eleazar kuɖo Josuvé tsinyi nunviɛ, kuɖo Israëltɔwo xome meganwo gbɔ. ² Exonuxo nɔnwo le Silole Ganaan nyig bandji to be: Yehowa dose to Mɔnse dji tobe: Olana duwo mi mila nɔn me kuɖo wo avenyigbanwo nɔn mian lanwo. ³ Israelviwo ɖe du yɛwokuɖo wo ave nyigban wo le wo nyigbanwo ŋtsi sona Lewiu tɔwo sigbe le tsi Yehowa tui nɛnɛn. ⁴ Akɔ dje kehathite viwo xome dji, le akɔ dadamea, nunɔla Aaron viɛwo, tsiwo nyi Lewi-viwo xɔedu amewetɔn le Juda ye kɔta, Smeɔn yo kɔta, kuɖo Bɛnjamɛn yo kota me. ⁵ Yi wo dakɔ sɔ du amewo nɔn kehath-vi kpɛtɛwo le Ephraïm yo kɔta, dan yo kɔta kuɖo Manasse yo kɔta afan me. ⁶ Wo dakɔ sɔ du amewetɔ nan Guerschɔn viwo le Issacar yo kɔta xomeawo, Aser kɔta, Nephtali yo kɔta kuɖo Manasse yo kɔta afan me le Bansan. ⁷ Merina viwo xɔ du weve le wo xomeame, le Ruben yo kɔta, Gad yo kɔta kuɖo Zabulɔn yo kɔta me. ⁸ Israëlviwo dakɔ sɔ du yɛwo kudo wo avenyigbanwo nan Lewitɔwo, sigbe letsi Yehowa dose to Mose dji nɛnɛn. ⁹ Edu tsiwo wonan Judaviwo kɔta kuɖo siméɔnviwo kɔta wonyikɔ woke: ¹⁰ Edu tsiwo wona Aarɔn viwo, tsiwo nyi kehathite yo xomewo ku ɖo Lewiviwo domɛ lɔ yinyi, ɖoŋtsia yidji akɔ tutu gbɔntɔ dje. ¹¹ Wosɔ kirjath Arba, tsinyi Hebrɔn le Juda yo to ɔ dji kuɖo avenyi gbean tsitrɔdui: Arba nyi Anak tɔlɔ du. ¹² Wosɔ agble tsile duɔŋtsi kuɖo yo kɔxoe wo sɔna Kaleb, Jephunne yo vi yitrɔ yitɔ. ¹³ Eɖu tsiwo wo sɔna nunɔla Arɔn viɛwo yi nyi bebexoe nɔn amewutɔ, Hebrɔn kuɖo lanyixoe, laban kuɖo yo lanyixoe. ¹⁴ Jattir kuɖo yo lannyixoe, Debir kuɖo yo lannyixoe. ¹⁵ Holɔn kuɖo yo lannyixoe, debir kuɖo yo lannyixoe. ¹⁶ Aïn kuɖo yo lannyixoe, Juda kuɖo yo lannyixoe, yi Beth Schemesch kuɖo yo lannyixoe, edu amasiɖekɛ le kɔta ve yɛwo me. ¹⁷ Yile Bɛnjamɛn yo kɔtamea, Gabaɔn kuɖo yo lannyixoe, Gueba kuɖo yo lannyixoe. ¹⁸ Anathoth kudo yo lannyixoe, Almɔn kuɖo yo lannyixoe, wole edu amenɛn. ¹⁹ Nunɔla Arɔn viɛwo wo duwo kpata le edu edu amewetɔ kuɖo wo lannyixoe wo. ²⁰ Edutsiwo dakɔ nɔn kehath viwo xomewo kpɛtɛ tsiwo nyi Lewitɔwo le Ephraïm yo xomeɛ meɛke: ²¹ Wo nawo du tsinyi bebexoe nɔn amewutɔwo, sichem kuɖo yo lannyixoe le Ephraïm to ɔdji, Guezer kuɖo yo lannyixoe. ²² Kibtsaïm kuɖo yo lanyixoe, Beth Horɔn kuɖo yo lannyixoe wole edu amenɛn. ²³ Le danyo kota mea, Eltheké ku yo lannyixoe, Guibbethɔnku yo lannyixoe. ²⁴ Ajalɔnku yo lannyixoe, kudo Gath Rimmɔn ku yo lannyixoe, wole edu amenɛn. ²⁵ Le Manasse yo kɔta mamameɛ mea, Thaanac ku yo lannyixoe, ku Gath Rimmɔn ku yo lannyixoe, wole du ameve. ²⁶ Kehath viɛwo wo xome kpɛtɛ yo duwo kpata le edu amewo kuɖo wo lannyixoewo. ²⁷ Edu tsiwo Gersɔnviwo tsiwoe so Lewitɔwo xomeme xɔle Manasse yo xome mamamɛnɛ me woe nyi: Galan le Basan tsinyi bebexoe nɔn amewutɔ kuyo lannyixoe kuɖo Beestea ku yo lannyixoe, wole edu ameve. ²⁸ Le Issacar yo kɔtamea, kischjɔn ku yo lannyixoe Dabrath ku yo lannyixoe. ²⁹ Jarmuth ku yo lannyixoe kudo en gaanim ku yo lannyixoe, wole edu amenen. ³⁰ Le Aser yo kɔtamea, Mischeal ku yo lannyixoe, Abdɔn ku yo lannyixoe. ³¹ Helkath ku yo lannyixoe, kuɖo Rehob ku yo kannyixoe wole edu amenɛn. ³² Nephthali yo kɔtame tɔwoe nyi bebexoe du nɔn amewutɔwo sigbe: Hammoth dor ku yo lannyixoe kuɖo karthan ku yo lannyixoe, wole edu ametɔn. ³³ Guerschonites yo xomewo duwo kpatale, edu amewetɔn ku wo lannyixoewo. ³⁴ Wona Lewitɔ tsiwo kpoto, tsiwoe nyi Merari yo xomeviwo: le Zabulɔn kota me a, Jokneam ku yo lannyixoe, Kartha ku yo lannyixoe. ³⁵ Dimna ku yo lannyixoe kuɖo Nahalal ku yo lannyixoe, wole edu amenɛn. ³⁶ Le Ruben yo kɔtame a, Betser ku yo lannyixoe, Jahtsa kuyo lannyixoe. ³⁷ Kedenoth ku yo lannyixoe, kuɖo Mephaath ku yo lannyixoe, wole edu amenɛn. ³⁸ Le Gad yo Kɔta mea, bebexoe du nɔn amewutɔwo yi nyi: Romoth le Galaad ku yo lannyixoe, Mahanaïm ku yo lannyixoe. ³⁹ Hesbɔn ku yo lannyixoe, kudo Jaezer ku yo lannyixoe, wo kpata va edu amenɛn. ⁴⁰ Edu tsiwo kpata dakɔ nɔn Merari yo xomewo tsiwo nyi Lewitɔwo xome kpɛtɛ lɔ le edu weve. ⁴¹ Lewitɔwo du tsiwo kpata le Isrëlviwo nyigban dji lɔ, le edu katinyi ku wo lannyixoe wo. ⁴² Edu yɛwo kpata wonyi ɖekaɖeka ku wo lannyixoewo wo le woŋtsi keŋkeŋ trɔdo nɛnɛn kpoele nɔn edu yɛwo kpata nɛn. ⁴³ Lexayi Yehowa sɔ du yɛsɔna Israël, sigbe letsi yi kantsitan nɔn wotɔwo nen nen, yi wo xɔɛ so axoe ɖo dji. ⁴⁴ Yehowa nan wo kpɔ vovo le afiwo kpata, sigbe letsi, yi kantsitan nɔn wo tɔwo pɛpɛpɛ nɛnnɛn wo ketɔwo dometɔ ɖekpekpe ŋdenɔnte le ŋkɔ nɔnwo o, keboŋ Yehowa sɔ wo ketɔwo keŋkeŋ do alɔmɛn nɔn wo. ⁴⁵ Enyan nyui tsiwo kpata Yehowa to le Israëlviwo xome lɔ, ɖekpekpe ŋde toleme o, wokpata wosɔgbe pɛpɛpɛ.