¹ Tetyo Pilato etola Yeso naku mupuma. ² Asilikali epanga cisote ca minga. ³ Weciika pamutu pa Yeso nomuvwalika cinsalu cisweta. Weciza kuli eve nakuti," Muwe na moyo, mfumu ya Ayuda!" nipo wemulasa. ⁴ Nipo Pilato eciya panja soti kuti eciti kuli weve," Wonani, numuleta panja kuli mwewo kuti namwewo muziwe kuti niliye kumupeza na mulandu." ⁵ Tetyo Yeso efuma, wovwala cisote ca minga na nsalu isweta. Pilato eciti kwa weve," Onani, uyu munthu!" ⁶ Akati tetyo akulu Ansembe na ansaka peciwona Yeso, wekuwa nakuti," m'pacikeni, m'pacikeni!" Pilato eciti kuli weve," mutoleni mweka nakumupacika, pakuti niliye kumupeza na mulandu wuliwonse." ⁷ Ayuda emuyasuka," tili nayo dango, kulingana na dango wofunika kufwa cikomo eciti nimwana wa Leza." ⁸ Pamene Pilato ecimvwa izi, enkhala ngako na mwezo. ⁹ Nipo elowa mu ng'anda ikulu ya ansaka soti eciti kwa Yeso," Ko ufuma kuni?" Koma Yeso ali kuyasuka. ¹⁰ Nipo Pilato eciti kwa weve," Ko ulawila lini nanewo? Uziwa lini kuti nina vizo vokufumya na vizo vokupacika?" ¹¹ Yeso eyasuka," Muliye vizo vilivonse pali newo kufumilko zimwepasiwa kufuma kumulu. Akati tetyo, awo wenipeleka kwa mwewo, ali na cimo ikulu ngako." ¹² Pe yankha, Pilato eyesa kumufumya, koma Ayuda wekuwa, weciti," Kano ufunya uyu, niwe lini muyake wa kaisala." Aliwonse wozipanga mfumu oluvyila kaisala." ¹³ Pilato Pecimvwa malizu aya, weleta Yeso panja na kunkhala pansi mu m'pando wa cipinguzi coitiwa wala wam'yala," Koma m'ci Hebeli, " Gabbatha." ¹⁴ Teto yenze siku ya chikonzekelo ca pasaka, na nsita yakuma twelufu koloko. Pilato eciti kwa a Yuda," Loleshani, iyi mfumu yanu!" ¹⁵ Wekuwa," nkhoyani naye, nkhoyani naye; m'pacikeni!" Pilato eciti kuli weve," Ko nipacike mfumuyanu?" Wansembe mkulu eyasuka," Tiliye mfumu yimbi kupula kaisala." ¹⁶ Tetyo Pilato ewapa Yeso kuti apacikiwe. ¹⁷ Nipo emutola Yeso, na kuya panja, ezinyamulila musalaba, kuya kumalo yoyitiwa" Malo ya mutu," Yanene Mchi Hebeli yoyitiwa kuti" Golota." ¹⁸ Kwala wemupacika Yeso, na wambi wanalume wawili, umbi ku kwanja kwendi, na mumbi ku kwanja kwa manjele, na Yeso pakati. ¹⁹ Pilato nayeve elemba ciziwikilo nakuciika pa masalaba. Pelembewa kuti: Yeso waku Nazaleti, mfumu ya Ayuda. ²⁰ Anyinji mwa a Yuda ewelenga ciziwikilo ici cikomo cakuti pamalo pe cipacika Yeso penze pafupi na mzinda. Ciziwikilo celembeka muci Hebeli, Latini, na muci Giliki. ²¹ Tetyo mkulu wa nsembe wa Ayuda eciti kwa Pilato," Osalemba, ' mfumu ya a yuda; koma,' uyu eciti," Newo nine mfumu ya a Yuda." ²² Pilato eyasuka," vyanalemba nalemba." ²³ Asilikali akati kumpacika Yeso, etola nyula zake, eziyawa pa vine, cimo ca aliwonse, na cimtopola. Lomba cimtopolo cenzevye mtimililo. ²⁴ Tetyo eciti ku umo na muyake," Tiye tisacipazyule, koma ticite mayele kuti tiwone kuti cawani." Ici cecitika kuti malizu yakwanilkishike yeciti,"Eyawana nyula zangu pakati pawo nakucita mayele pa vovwala vyangu." Ici ndiye cecita asilikali. ²⁵ Lomba kupanama pafupi na msalaba wa Yeso penze a nyina, akwawo wa anyina, Maliya mwanakazi wa Clopasi na Maliya Magadalena. ²⁶ Yeso peciwona anyina na asambili wenzokonda ali peneme, eciti kwa anyina," Wanakazi, wona mwana wako!" ²⁷ Tetyo eciti kwa msambili," Wona, anyoko!" Kufuma nsita iyo msambili webatola kuyanawo kunanda yake. ²⁸ Kufuma apo, kuziwa kuti vyonse vesila nakuti malizu yakakwanilishike, Yeso eciti," Nina njota." ²⁹ Mbete yozula na vinyu wosasa weyika pala, wetola chinkhulupe cozula na vinyu osasa nakucimanga ku cimpheti nakucinyamula kuika kukamwa kwa Yeso. ³⁰ Yeso pecimwa vinyu wosasa, eciti," kwasila." Ekonthama na kupeleka umoyo wake. ³¹ Teto Ayuda, cikomo yenze nsiku ya cikonzekelo, nakuti miwili ingawe linipa msalaba pa sabata( kambi sabata yenze yofunikila), esenga Pilato kuti athyole mendo yawo nakuwa funya. ³² Tetyo asilikali eciza na kuthyola mendo ya wala wanalume woyamba na waciwili wepacikiwa pamo na Yeso. ³³ Peciwela kwa Yeso, wewona kuti ecifwa kale, aliye kumuthyola mendo. ³⁴ Koma, umomwa asambili emulasa m'mbavu na m'kondo, yamene iyo nsita mulopa na manzi yefuma. ³⁵ Uyo eciwona izi epeleka umboni nakutiu umboni oziwa kuti velawila ni vacendi nakuti namwe mucetekele. ³⁶ Pakuti izi zecitika kuti malizu yakwanilishike," paliye fupa nangu imo yeka yoti ikathyokewe." ³⁷ Soti malizu yayakine akuti," wakamuwone wala wecilasa mbavu." ³⁸ Vapita vyonse ivi, Yosefe waku Alimantiya, pakuti enze umo wa asambili wa Yeso( Koma mwa cinsinsi na mwezo wa a Yuda), esenga Pilato kuti atole mubili wa Yeso. Pilato emuzomezya. Tetyo Yosefe eciza nakutola mubili wa Yeso. ³⁹ Nicodemo naye eciza, uyo enze eciza poyamba kwa Yeso usiku. Eleta mafuta yo yavizya mule na aloe, Malita makhumi-makhumi. ⁴⁰ Tetyo etola muwili wa Yeso nakumuvunga mu nyula pamo na vyonunkhila, muwenzele unkhazi wa Ayuda poyika m'manda. ⁴¹ Lomba kumalo yeci m'pacika kwenzemunda; nakuti m'munda mwenze manda ya lomba mwamene mwenze mukaliye kuyikiwa munthu. ⁴² Cikomo yenze nsiku ya cikonzekelo ca a Yuda nakuti manda yenze pafupi wemuyikamo Yeso.