¹ Nipo Yeso pecilawila awa malizu, eciya na asambili wake ku mbali imbi ya cilambo ca Kidiloni kwe cilowa mu munda pamo na asambili wake. ² Lomba Yuda, wamene esitisha Yeso, naye malo enzo waziwa, cikomo Yeso na asambili enzo yko kowelezya welezya. ³ Tetyo Yuda, etangulila liumba ya asilikali na citangulila cofumila ku mukulu wa nsembe na Afalisi, weciya kwamene wali na manyali, misaniko na vinso vya nkhondo. ⁴ Tety Yso poziiwa vyonseviti vicitike kuli yeve, ewafwinda nokuwakonsha," musakila wani?" ⁵ Wemuyasuka," Yesu waku nazaleti." Yeso eciti," Ninewo." Yuda, emusitisha, enze cilili na asilikali. ⁶ Tety peciwauzya kuti," Ninewo," wewelela cifuta vuli nakupona pansi. ⁷ Ewakonsha soti," musakila wani?" Soti eciti," Yeso waku Nazaleti." ⁸ Yeso eyasuka," Nakuuzyani kuti ninewo Nga musaka newo, walekeni awa waye." ⁹ Ici cilawiliwa kuti lizu yake likwanilishiwe lakuti:" Pali wonse awo umwenipa , paliye wefumapo." ¹⁰ Tetyo Simon Petrulo, enze na pwitika, wecitendelako kwatu kwa kwanja kwendi kwa wa milimo wa mukulu wa nsembe. Wamilimo zina yake yenze Makusi. ¹¹ Yeso eciti kuli Petulo," Wezyamo pwitika mucikwama. Ko sinimwa nthumo yanipa wata?" ¹² Tetyo liumba ya asilikali na citangulila, na citangulila wa a Yuda, wemukata nakumumanga. ¹³ Wemutwala kuli Anasi, enze sivyala wa Kayafa, enze mukulu wa nsembe ca cilimika. ¹⁴ Lomba Kayafa niye eyeluzya Ayuda kuti cingawe ciweme munthu umo kuwafwila wanthu. ¹⁵ Simon Petulo ekonsha Yeso, na musambili muyake. Ula musambili muyake enze oziwika ku mukulu wa nsembe nakuti elowa naye Yeso mukati mwa nanda yopingulilamo milandiu mwa mukulu wa nsembe. ¹⁶ Sembe Petulo esala panja pa nada. Ula musambili muyakine enze oziwika ku mukulu wa nsembe, esenga malonda mwanakazikuti kuti amuzomezye Petulo kuti alowe mukati. ¹⁷ Teto wamilimo mwanakazi, ali malonda, eciti kuli Petulo," Ko niwe lini umo mwa asambili wa uyo munthu?" Eyasuka," Ninewo lini." ¹⁸ Lomba wa amilimo wa acitangulila wenze cilili, nakuti wenzo yoita mulilo, cikomo kwenze kwi miyalala. Naye Petulo yenze nawo pamo wenzo wota mulilo. ¹⁹ Wansembe mukulu emukonsha Yeso za asambili wake na masambizyo yake. ²⁰ Yeso emuyasuka," Nelawila patuwa pa calo. Nsita zyonse nenzo sambizya muma Sinagoge na mu cipupilo mumwenzo longana a Yuda pamo. Paliye cinilawila mwa cisinsi. ²¹ Cimwe nikonshela nicinji? Muwakonshe wala ecimvwa vini lawila. Awa wanthu oziwa vinilawila. ²² Pecilawila teti Yeso, umo mwa acitangulila emunyata nakuti eciti," Ko niye mwawuyasukila mukulu wa nsembe?" ²³ Yeso emuyasuka," Kano niyasuka ciwiciwi, lawilani cinaiifya, kati nine olungama, muni nyatilanji?" ²⁴ Tetyo Anasi eopingula kuti amangiwe naku mutwala kuli Kayafa mukulu wa nsembe. ²⁵ Lomba Simon Petulo enze cilili oyota mulilo. Wanthu wemukonsha," Ko niwe lini umo mwa asambili wa Yeso?" Ekana eciti," Nnine lini." ²⁶ Umo wa milimo wa mukulu wa nsembe, enze mwanansi wa ula wecitenda kwatu Petulo, eciti," Ko niliye kukuwona mumunda na wamene?" ²⁷ Petulo ekana soti, yamene iyo nsita kombwe elila. ²⁸ Tetyo Yeso enze emufumyako kuli Kayafa nakumutwala ku musumba wa boma. Mwenze mumamawa, nakuti waliye lowa mu musumba wa boma potina kuti angawafifye koma wakalyeko pasaka. ²⁹ Teto Pilato eciya ku liumba eciti," ni mulandu wanji umu mupa uyu munthu?" ³⁰ Wemu yasuka eciti," Kuti uyu munthu senzo cita viipa, sembe tiliye muleta kuli mwewo." ³¹ Pilato tyetyo eciti," mutoleni mwewo, nakuti mukamupingule kulingana na matetulo wanu." A Yuda eciti," Nitetulo lasu lini kupaya munthu. ³² Welawila ivi kuti lizu ya Yeso ikafwikilishiwe yecilawila yulangizya mutundu wa imfwa yati akafwe. ³³ Teto Pilato elowa soti mu musumba wa boma naku ita Yeso naku mukonsha" Ko niwe mfumu ya Yuda?" ³⁴ Yeso eyasuka," Ko ulawila vyufuma mu miutima mwako, kano vakuuzya wanthu vya newo?" ³⁵ Pilato eyasuka," Nine lini mu Yuda, Ko ninewo? Wanthu wanthu wako na muwilizi mukulu niye wekuleta kuli newo. Ko wiifyanji?" ³⁶ Yeso eyasuka," Ufumu wangu niwapano lini pa calo ca pansi. Kuti ufumu wangu wenze wapa calo, amilimo wangu sembbe welwisha nkhondo nakusanitwala kwa Yuda. Koma ufumu wangu niwa kuno lini." ³⁷ Tetyo Pilato emukonshya," Ko niwe mfumu?" Yeso eyasuka," Mwewo mukuti nine mfumu. Cikomo ca ici na vyaluka, nakuti cikomo ca ici nawela muno mu calo, kuza citila umboni wa vyendi. Aliwonse ali mu vyendi omvwila lizu yangu." ³⁸ Piilato emukonsha," Ko vyendi nivini?" walawila teti, eciya kwa Yuda nakuwa uzya," sunufwana mulandu muli uyu munthu. ³⁹ Koma muna mwambo wakuti nilekelele umo kuli mwewo pa Pasaka. Ko mupangwa kuti niilekelele iyi mfumu ya Yuda?" ⁴⁰ Weyasuka kokuwa mowelezya, kuti eciti," Osati uyu, tupangwa Balaba." Koma Balaba enze chipondo.