¹ Yeso pecilawila ivi vinthu, elolesha menso yake kumulu nakuti," wata, nsita yafwika, yukishani mwana wanu kuti naye akushukisheni, ² monga mumwemupasila eve ulamulilo wakumiwili kuti angapeleke moyo wakuya kwa wala wonse wepasiwa. ³ Uyu ni umoyo wakuya: kuti wakuziweni eka Leza, wacendi nakuti evewamene umwetuma, Yeso Kristu. ⁴ Nikushukisha pano pansi nasilizya nchito imwenipa kuti nicite. ⁵ Lomba wata, nishukisheni newo pamozi namwewo mweka monga ulemelelo umwenze nawo pala chalo pacikalioye kupangwa. ⁶ Neulula zina yanu ku wanthu umwenipa pa calo. Wenze wanu nipo mwenipa nipo wesunga lizu yanu. ⁷ Lomba weziwa kuti vyonse vumwenipa vifuma kuli mweo, ⁸ pakuti nabapa ma lizu yonse yumwenipa. Welandila nipo weziwa kuti nefuma kuli mweo nipo wecetekela kuti nimwewo mwenituma. ⁹ Nebalombela. Niliye kulombela chalo chonse, sembe kwa wala wecinipa, cikomo cakuti niwanu. ¹⁰ Ciliconse cangu nicanu nakuti canu nicangu, nakuti nicinzikiwa muli weve. ¹¹ Nili lini pa calo koma wanthu awo wali mu calo nakuti nikuza kwa mwewo bata mtuba, basungeni muzina yanu monga mumwenipasila kuti ankhale bamo, monga ptili pamo. ¹² Pinenze nawo newasunga mzina yanu, imwenipa. Newachingilizya, nakuti pakiye nangu umo eonongeka kufumyapo mwana wamsokonezo, pakuti malembo akakwanilishike. ¹³ Lomba newo nukiza kwanu, nakuti ninena vinthu ivi mcalo kwakuti muwe na chinthemwa cangu cilizyike muli mweo. ¹⁴ Newapa mau yanu, nakuti mcalo conse chepata cikomo cakuti sali wamcalo, monga mwanilil nine lini wamcalo. ¹⁵ Niliye kusengani kuti mwewo muwafumye muchalo, komsa muwatalamushe ku viipa. ¹⁶ Walilini wamcalo monga ninewo nili lini wamcalo. ¹⁷ Wapatuleni nacendi. Malizu yanu nicendi. ¹⁸ Monga mumwenityumila mu calo, nipo nawatuma mu calo. ¹⁹ Mumalo mwawo nalipatula neka, pakuti nawo weka wakalipatule pa cendi. ²⁰ Nupemphelela lini awa weka, koma na awo wocetekela muli newo na malizu yawo ²¹ pakuti wonse wawe umo, monga mweo, bata, muli muli newo, nipo nili muli mwewo. Nipo walekeni kuti wawe muli seo kuti na calo cikacetekele kuti mwanituma. ²² Mcinzi umwenipa newapanawo weve, nakuti wankhale wamo, monga tili wamo. ²³ Newo nili mwa weve, nipo muli muli newo- nakuti wakaletewa ku chimvwano chosilizyila, pakuti calo chikacetekele kuti nimwe mwenituma nakuti mwewatemwa mumwenitemwila. ²⁴ Bata, nufuna awo umwanipa kuti wawe nane kuti niwe nipo wakawone ulemelelo wangu, ulemelelo umwenipa pakuti mwenitemwa calo pacikaliye kupangiwa. ²⁵ Wata mtuba, calo cilikuziweni, koma newo nukuziwani nipo weve woziwa kuti mwenituma. ²⁶ Nepanga zina yuanu kuziwika kuli weve nipo niipange kuti iziwike pakuti cinthemwa cimwenitemwa newo cikawe muliweve nipo nikawe muliweve."