¹ Lomba m'mamawa pa siku loyamba la sabata pakwenze mfinzi, Mariya magadalena eciza kumsitu nakuona cimwala cusung'unzika kufuma pa msitu. ² Eutuka nakuya kuli Simoni Peturo nakumsambili muyake wecitemwa wa Yesu, enena teti kuli weve, Ewafumyamo a sukulu mumsitu , nipo tuziwa lini kwawaika''. ³ Tetyo Petulo na msambili muyake efuma nakuya ,nakuya ku msitu. ⁴ Eutuka wonse pamo, namsambili muyake epula ⁵ Petulo niye ayambila kufika ku msitu. Nipo mowelama eona nsalu zounjikana koma aliye kulowamo. ⁶ Nipo Simon Petuloefwika pavuli pake na kulowa mumsitu.Eona nsalu zounjikana. ⁷ Na nsalu yenze kumutu kwake. Yenzelini pamo na nsalu zonse koma yenze payeka yepeteka. ⁸ Nipo msambili muyakine, uyo eyambila kufika pa msitu, naye elowa, eona nakuzomera. ⁹ Pakuti nalomba wenze waliye ziwe malembo kuti ofunika kuuka kwa akufwa. ¹⁰ Akati tetyo asambili eweleramo kwao soti. ¹¹ Koma maliya enze ciliri panja pa msitu kulira.Naye polira, ewelama na kusonjola m'msitu. ¹² Eona a malaika wawiri wenze nkhezi ali mbuu, umo ku mutu na muyakene ku mendo pamene pecilala Yeso. ¹³ Eciti kuli eve, ''mwanakazi weo, cikomo nicinji ulira?'' Pakuti awafumyamo askulu wangu , sunuziwa pa waika.'' ¹⁴ Akanene tetyo, eceukila ku vuli nakuona Yesu ali ciliri, koma aliye ziwe kuti ni Yesu. ¹⁵ Yesu eciti kuli weve,' ''mwanakazi weo cikomo nicinji ulira? Usakila wani? Eona nga ni mulimi, Elawila teti kuli yeve, ''bwana kano nimweo mwawafumyamo, niuzyeni pamwawaika,nane nikawafumyepo. ¹⁶ Yeso eciti kwa eve, ''Mariya''. Eceuka nipo elawila naye muci Heberi ,'' Rabboni''(Kutanthauza kuti ''mambizi''). ¹⁷ Yesu enena kuli eve ''Usanikumya, panikaliye kuya ku mulu kwa wata,koma nkhoya kwa akwasu uwauzye kuti nukuya kumulu kwa wata wali ausuwanu, kwa Leza wangu na Leza wanu. ¹⁸ Mariya magadalena ewela nakuuzya asambili kuti, ''kutiNawaona askulu''. Nakuti alawila naye ivi. ¹⁹ Usiku ula wa nsiku ila, nsiku yoyamba, la sabata na milyango kwenze asambili , bevaliwa kuyopa ayuda, yesu ewera kupanama pakati paweve nipo eciti,''mtendere kuli mweo.'' ²⁰ Akalawire tetyo, ewalangizya manja wake na mumbavu. Asambili wake wetemwa pekuona asukulu. ²¹ Yesu enena nao soti ,'' mtendere uwe namweo nganiwata mwatumile neo, nane nikutumireni.'' ²² Akalawire tetyo yesu, ewatuzilira nipo eciti,'' pokelerani muzimu mtuwa. ²³ Aliyense wakuluvilani mukamulekelera, alekelelewe;koma mukana kuwalekelera , alekelelewa lini.'' ²⁴ Thomas, umo wa kumina yiwiri oitiwa, Didima, enzelini pamo na weve akati kuwera yeso. ²⁵ Asambili wayakene eciti kuli eve,'' tawaona Asukulu.'' ''eciti kuli weve,''maka maka nikaona vibamba va misumali m'manja mwake, nakupisyamo chimbombo muvibamba vamisumali, nakuika kwanja mumbambo nikakhulupirire.'' ²⁶ Akati kupyola masiku asano na atatu asambili wake wenze mkati soti, na thomas pamo naweve. Yeso ewera apo viseko nivovala, nakupanama pakati pao, eciti, ''mtendere kuli mweo.'' ²⁷ Nipo eciti kuli thomas, ''wera apa na chimbombo chako kuti uone manja wangu, wera apa na kwanja kwako ika ku mbevu kwangu. usankhale wosacetekera, koma wochetekera.'' ²⁸ Thomas eyasuka eciti kwayeve, ''Asukulu wangu na leza wangu.'' ²⁹ Yesu eciti kuli eve , ''chikomo waniona, wa chetekera. Oshukishiwa ni awo akaliye wona, nakuchetekera.'' ³⁰ Lomba yesu echita vizindikirisyo vinyinji pamenso pa asambili wake, vizindikirisyo viliye kulembewa mubuku ili. ³¹ Koma ivi velembewa kuti kano mungachetekere kuti yeso ni khristu, mwana waleza, nakumchetekera, mukawe namoyo muzina lake.