2 Pakuti twevonti tukupunula mumadala aminji. Inga nawumo atakupunula mumazwi, uyo muntu umugolosu, ahondeye nukuwusunjilila nawe muvili wakwe wonti. 3 Ishi inga iswe tukuviha ivijela mwilomo lya ngamiya ukuti izyene zitwivwe iswe, pe niswe vulo tukuwulongozya umuvili wonti.
4 Mumanye havili ukuti ni meli, nashe izyene phiti sana havili zikunjeziwa ni phepo izyamaha, zikulongoziwa nahakulongozezya ahansi ukuvala kwe we akujezya akwanza. 5 Mwidala linili, ululimi hantu hamu ahansi sana, loli hakuyibada muvintu ivipiti sana.Mumanye havili ukuti hali vuli uvunsi ahamwoto he ha kupemba intundu iphiti.
6 Ululimi lwope mwoto, nsi iya vutalamalandu pakasi pa tuntu twitu. Ululimi lukunyazya umuvili wonti, lukuwuviha pamwoto navyonti ivya muvulanzi vwakwe, havili lulo lweka lukuyiviha pa mwoto uwa kwi palazya. 7 She ahavele honti aha nyama zya munzi, iviyunyi, vye vikujendela ulwanda, ni vipelwa vya mwa Sumbi vikutekwa havili vikutekilwe numuntu.
8 Loli kutali umuntu nawumowumo we angateha ululimi. Ulwene lutakutuzya muvutalamalandu, lwizuye ninsalile zya vugozi. 9 Poka nalulwo iswe tukumupala uMwene nuTata, havili nalulwo iswe tukuvatipa avantu, ve vapelilwe mushati sha Mulungu.
10 Mwemwilomo lyelila mukufuma uvulote ni ntipo. Vamwitu, ivintu vinivi vitavombwaje. 11 Ishi ishifula shingafumia kufuma pahaliva hoka hehala aminzi amanonu nage gakuvava?
12 Vuzye ikwi ikunyu, vamwitu, lingela imbula? Pamo amaphensya, gangaqhoma amakunyu? Nage minzi agiveya gangafumya aminzi amanonu. 13 Wuwenu we ali ninjele havili akuzyagania pakasi palimwe? Leha umuntu uyo alanjizye uvulanzi uvwinza mumbombo zyakwe munjele izya kuyisya.
14 Nkandi inga muli nu vuzuvz uvuhali nukuyikungula mumoyo ginyu, mutahayibade nu kuluma ilenga ukuvushila uvwanalyoli. 15 Izi tenjele zye zikwiha pansi kufuma kumwanya. Loli zya munsi munumu, tezyamupepo, zya phepo imbivi.
16 She pepali uvuzuva nukuyikungula, pali umuvwalanga nukuvomba uvutalamalandu.
17 Nkandi injele izya kufuma kumwanya zitalisile uvuzelu, pe ngana-umutende, zyakuyishindiha, zyakuyagania, we ayizuye uvwila ninsanga inyinza, we atakusala wumo havili wa vwanalyoli.
18 Ishihomwa sha vugolosu shikuvyalwa mumutende pakasi pa vala ve vakugomba umutende.