2 Inga wumo anginjila muluhomano lwinyu azwaye insalamu zya golide na menda aminza, havili panapo ayinjile umuntu umupina azwaye amenda amanyazu.
3 Inga imwe mukwenya pa muntu we azwaye amenda aminza nukuti "Iwe utendame ipa pavuzilo uvwinza," nkandi mukuti kumuntu umupina, "Iwe wimilile kunuko" pamu "Tendama muntende muvinama vyane,"
4 mutakulonga mwemwe mweka? Mutagalunkine ukuva mwe valonzi ninsivo imbivi? 5 Tejelezyi, vamwitu avankundwa, uMulungu atahaseva avapina va munsi ukuva ve va dumbwe mulwitiho havili nukuva va pavupwano va shinamwene she uwene ahafinga ku vala ve vamukunziyte uwene?
6 Nkandi imwe muvasamuye avapina! Tevevadumbwe ve vakuvayivya imwe? Tevevavo ve vakuvakwesela kunyumba zya kulonjela?
7 Avene vatakuliliga izina ilyinza lye mulilyo imwe muhitwa? 8 Inga, nape, imwe mukukwanilisya indajilo zyashimwene ukuyana na masimbo, "Mukunde umupalamani winyu inza mwenemwe," mukuvomba ahinza.
9 Nkandi inga mukuviha ulupatululo kuvamo avantu, mukutala amalandu, havili nindajilo zivahozile ukuva mwe vananzi. 10 She inga wumo akululandata lwonti ululajilo, pekapeka wula we akupunula muhadala hoka, uyo akuva munanzi we ashizania indajilo zyonti.
11 She kuwumo we akuti, "Utavembuhaje," havili akuti, "Utagogaje." Inga utakuvembuha, loli inga ukugoga, iwe ukuva we munanzi wa lulajilo. 12 Pe uyanje nukuvomba inza vala vevalilongwa mundajilo zya vusatushe.
13 She uvulonzi vutakwinzaga nuvwila kuvala ve vatakulanjizyaga uvwila. Uvwila vukupota uvulonzi. 14 Mukuyikavila vyoni, vajenzi vane, inga wumo akuti uwene ali nulwitiho, loli uwene atali nimbombo? Ulwitiho ulwo lungamupoha uwene?
15 Lumo waje umukulu pamu umuyemba azwaye havivi havili akusovelwa ishakulya kwisiku.
16 Lumo waje wumo mulimwe akuti ku vavo, "Jendaji numutende, mutushile havili mwikute." Inga imwe mutakuvapa avene ivintu vye vihondeye kumuvili, mukuyikavila shoni vunuvwo?
17 Mwidala linili ulwitiho mululwo lweka, inga lutali nimbombo, lufwe. 18 Havili wumo angati, "Muli nulwitiho,pe ine ndi nimbombo." Mundanjizye ine ulwitiho lwinyu ulusita mbombo, pe ine ndivalanjizya imwe ulwitiho lwane mumbombo zyane.
19 Imwe mukusuvila ukuti kuli uMulungu woka; mukuvomba ahinza. Nkandi zyope ni mpepo inkandamanu vulo zikusuvila vunuvwo, havili zikutetema.
20 Ukwanza ukumanya, we muntu umusita njele, ukuti ulwitiho ulusita mbombo lwa vwelele? F35 21 U Abulahamu utata witu atavonesile uvugolosu mumbombo lwe uwene ahayifumya umwana wakwe u Isaki pashifinjilo?
22 Imwe mukwenya ukuti ulwitiho lukuvomba poka nimbombo zyakwe, havili ukuti mumbombo ulwitiho lwakwe lwakwanine.
23 Amasimbo gahafishila gegakuti, "U Abulahamu amusuviye uMulungu, havili zyavishiwe kuwuyo ukuva mugolosu," havili ahitwa mumanyani wa Mulungu.
24 Mukwenya ukuti mwe mumbombo mwe umuntu akuva mugolosu, havili te mwe mulwitiho mweka. 25 Mwidala linili havili, uRahabu umalaya atahavoneha mugolosu mumbombo lwe uwene ahavaposhela avantumi nukuvatuma venevo kwidala ilinji?
26 She inza we muvili kusita kuva numupepo mufwe, vunuvwo nulwitiho ulusita mbombo lufwe.