2 havili nukuti tungepusiwa kufuma kuvusita vugolosu na kuvantu avatalamalandu, she te vonti vali nulwitiho.
3 Loli uMwene musuvaliwa, we alivagomya imwe nukuvazijilila imwe kufuma kumuvivi wula. 4 Tuli nulusuvilo mwa Mwene ukuyana nimwe, ukuti mwevonti mukuvomba havili mukujendelela kuvomba ivintu vye twavalajiye.
5 Umwene alongozye amoyo ginyu kushukunzi sha Mulungu na kwe kujimbilila kwa Chilisiti. 6 Ishi tukuvalajila imwe, vamwitu, mwizina lya Mwene witu uYesu Chilisiti, ukuti mwepushe kuwonti uwamwinyu we muhata havili atakutendama ukuyana ninsambilizyo zye muhaposhela kufuma kukwitu.
7 She nimwe mwevenesho mumanyile ukuti shili ahinza kwimwe ukutulandata iswe,mulandu iswe tutamile twe vahata pe twali poka nimwe.
8 Tutaliyepo ishakulya shawumo shisita kulipila, loli tuhavombaga uvusiku nu musanya kumaha nu vupina, ukuti tutahave twe muzigo kuwumo uwimwe.
9 Tuhavombaga zinizi te mulandu wakuti tutamile nuvulamulili, loli tuhavomba vunuvu ukuti tuve twe shenyezyo kwimwe, ukuti imwe mutulandate iswe. 10 She lwe twamile poka nimwe, twavalajiye imwe, "Wula we atakwanza kuvomba atahalye."
11 Pe iswe tukwivwa ukuti vamo pakasi pinyu vahata, vatakutangwaniha pa mbombo, loli vakutangwaniha nivya kumuvili.
12 Ishi vanavo iswe tukuvalajila nukuvagomya mwa Mwene uYesu Chilisiti, ukuti vope vavombaje ishimyamya nukulya ishakulya shavo. 13 Nkandi imwe, vamwitu, mutahalitaje ukuvomba inyinza.
14 Havili inga wumo atakwivwila izwi lyitu mwa kalata uno, mumumanye wenewo havili mutahalemelanaje poka nawo, ukuti uwene asamushe.
15 Sona mutahamusendaje wenewo ngati mulugu, loli mumusoshe wenewo ngati wamwinyu. 16 Ilelo uMwene wa mutende umwenesho avape imwe umutende pa havalilizyo honti namumadala gonti. UMwene avanje poka nimwe mwenti.
17 Ine, ne Pauli, nkusimba izi ni nyove yane, she shimanyilo mwakalata wonti we nasimba.
18 Uvwila vwa Mwene witu uYesu Chilisiti vuvanje poka nimwe mwenti. Ameni.