2 Havili, inza she mwamanyile, nashe twatalisile twayimba nu kusamulwa ku Filipi, iswe twali twe vajimvu mwa Mulungu witu ukuyanga kwimwe ipangwi ilyinza ilya Mulungu umwa kwiyula sana. 3 She insoshi zyitu zitafumile kuvupuvi pamu kufuma kuvuhandamanu, pamu kufuma kwilenga.
4 Mumalo mwakwe, inza she amatwitishizizye uMulungu ukusuvaliwa ni pangwi ilyinza, pe iswe tuhayanga, kutali ukwakuhovosya avantu, loli uMulungu. We weyuyo we akwenyelezya amoyo gitu. 5 She iswe tutahinza nalumo namazwi shaha, inza she mumanyile, pamu poka nishakulumila ilenga ukuzyishila uvupafu-uMulungu we wuhome witu.
6 Nalumo tutahatela tulondoye lumo uvushindamu kufuma kuvantu, nakwe kufuma kulimwe pamu kope nakwekufuma kuvanji. 7 Iswe twahondeye ukulava ukuva ngati vapositili va Chilisiti. F21 Nashe, iswe twatehime pakasi pinyu ngati wumama akumupumilizya umwana wakwe. F22
8 Mwidala linili iswe twamile nulugano kwimwe. Iswe twahovosile ukugavana poka nimwe telipangwi lyeka ilyinza ilya Mulungu loli nuvulanzi vwitu vwelele. She imwe mwinzile mwava mwe vaganiwa nkani kuliswe.
9 Pakuti imwe mukukumbuha, vamwitu, imbombo zyitu na mayimba. Uvusiku nu musanya iswe tuhavombaga ukuti pamu tutahave twemuzigo ku muntu nawumo uwimwe lwe tukulumbilila kwimwe ipangwi ilyinza ilya Mulungu. 10 Mwe va home, nu Mulungu vwelele, she twamile uvufinjile, uvugolosu, nu mwakusita kulongwa nazimo yamile nkalo yitu pantanzi pimwe mwe mukwitiha.
11 Namuhavele hehala imwe mumanyile she twamile poka nawonti uwimwe, ngati mupafi na vana vakwe,
12 ukuvagomya imwe nukuvasuvazya imwe havili ukuvalava imwe ukujenda muhavele he hahondeye kwa Mulungu, we akuvita imwe ukuvala mushinamwene shakwe nu vushindamu. 13 Pa shifukwa shinishi iswe tukumusalifya havili uMulungu ukusita kuleha, pe imwe mwaposheleye ipangwi lya Mulungu lye mwivuye kufuma kuliswe, imwe mwalyitisile lyenelyo tengati lizwi lya muntu, loli ngati inza she uvwanalyoli vuli, izwi lya Mulungu, lye havili lili mumbombo mwimwe mwe mukusuvila. 14 She imwe, vamwitu, muyipezile mwe va landatizi va vivanza vya Mulungu vye vili mu Yudeya mwa Chilisiti uYesu. She nimwe vwelele muhayimba muvintu inza vinivi kufuma kuvantu ava munsi yinyu, inza she avene vavomvile kufuma ku va Yuda
15 ve vagozile vonti uMwene uYesu na vakuvwi, havili ve vahatushimbizya niswe. Vatakumuhovosya uMulungu. Loli, avene vali pavulugu kuvonti avantu.
16 Avene vakutuhanizya iswe ukuyanga ku vakunzi ukuti avene vapokwe. Loli avene vakuyonjelezya uvutalamalandu vwavo ukufiha papo. Loli uvuhalazu vukuvaga avene kuvumalilo. 17 Loli iswe, vamwitu, twayipaguye kwimwe pahavalilizyo hansi, kuvuntu tekwe kumwoyo. Tuhayikungula nkani, nukusamba ukupiti, ukwenya ivyeni vyinyu.
18 She itwe tuhanzaga kwinza kulimwe-mwemumwo ine, ne Pauli, ulwavwandilo nu lwavuvili-loli uSetano atulesizye iswe.
19 She lwe lusuvilo lwitu, pamu uluseshelo, pamu ishipambwi sha kuyitimila patanzi pa Mwene witu uYesu pakwinza kwakwe? Mutangava mwemwe?
20 She imwe mwe vushindamu vwitu nu luseshelo.