¹ U Pawuli uwambombo wa Yeso Kilisitu, akitiziwa ukuba mutumiwa sona akaba wa payo pamazwi gha chala, ² ghagho akapanganila nzira bo achili atapeghiwe nabawonera mumasimbo aghaswepu, ³ ukuyana nu mwana wache yo akaba wa mphapwa ya David ukulingana na kumubili. ⁴ Ukwendela mumzimu uwuswepu akalamuliwa namaka ukuba mwana wa chara ukwendela mukuzyuka ku bafwe, Yesu kilisitu umwene witu. ⁵ Ukwendela mumwache tupokelite ichisa nu butumiwa bwakwivwila mulwitiko muvisu vyosi, pachifukwa chi zina lyache. ⁶ Muvisu vino, numwe mwitiziwe ukwikala kwa Yesu kilisitu. ⁷ Kubonsi mu Roma babo baghaniwe nuchala sona bitiziwe ukuba banthu bache abaswepu: Ichisa chibe kukwinu numtende uwakufuma kwa chala u Tata witusona umwene Yeso kilisitu. ⁸ Ichabwandilo, nkhumusalifya u Chala wane ukwendela mwa Yeso kilisitu kukwinu mwensi, chifukwa ulusubilo lwinu luneniwe mu chisu chonsi. ⁹ Pakuti uChala wekamboni wane, yuyo nkhumubombela mumzimu wane mwizyi lya mwana wache, ghagho pakubukilila nkhubatambulilamo numwe. ¹⁰ Nkhulenganga akabalilo konsi munyiputo zyane ukuti munzila zili zyonsi ningabombako akiza ulu ukwendela mubwighane bwa Chala pakwiza kukwinu. ¹¹ Pakuti nkhunyenywa pakubalinga umwe, ukuti ningabapa vimo ivyabupi vya mzimu, pakuti vibakazye umwe. ¹² Chicho chakuti, nkhunyenywa ukuti ngomele mumwinu, ukwendela mu lusubilo lwa weka na weka, ulwinu nulwane. ¹³ Ulu po nthakulonda umwe ukuti mubuziwe, bawamwitu, pakuti nkhalondanga pakwiza kukwinu ( loli nkhakaniziwa mpaka ilelo), ukuti imbe numufunjo mumwinu, ngati namo nabelile nawo mu bakunzi. ¹⁴ Une nengongole kuba giliki sona nakubizilila, kubamahala nakubapunganu. ¹⁵ Po, ukulingana nune, newakunozyeka pakufumusya izyu nakukwinu mwemuli ku Roma. ¹⁶ Pakuti une nthenisoni namazyu aghiza, pakuti maka ghachala kubupokwa bwa wensi yo akusubalila, kuba Yuda tasi sona po kuba giliki. ¹⁷ Pakuti mubuwolosu bwa Chala buvumbuliwe ukufuma kulusubilo mpaka kulusubilo, ngati namumo lisimbiliwe, '' Abawolosu bazukuba nubumi chifukwa chalusubilo.'' ¹⁸ Pakuti ubukali bwa chala buvumbuliwe ukufuma kumwanya pakulimbana nabonsi botebachala sona nubusitabuwolosu bwa banthu babo ukwendela mu busitabuwolosu bakukana ubwanaloli. ¹⁹ Ichi chifukwa chakuti chicho chimakizwe nu Chala chili pabwelu kukwabo. pakuti u Chala achibonesizye kukwabo. ²⁰ Pakuti utuyilo twache totutakuboneka, ngati amaka ghache aghakumwanya nubwikazi bwache, vyaboneka pabwelu, ukwanda ko kubupeli bwa chisu, mu vinthu vyonsi vivyo vipangiwe. Po batenichakunena. ²¹ Ichi chochifukwa chakuti nanga buli bakamumenye uchala, batakamuchindika ngati we Chala, pamo ukumusalifya bwaka. M'malo mwache, bakiza baba bapunganu munyinong'ono zyabo, sona nakinong'onele kam'myoyo yabo kakaba muchisi. ²² Bakinena ukuti bamahala, loli bakiza baboneka bapunganu. ²³ Bakatanania ubuchindamu bwa Chala umusitakukomanika nivyakulonda chifwani cha munthu umukomanike, icha viyuni, nivinyamana folo, sona nivinthu ivyakusela. ²⁴ Polelo uchala akabapa ivinyenywa vya m'myoyo yabo kuvibibi, pakuti imibili yabo kube kusita kuchindinkhana benebene. ²⁵ Chikaba chababo bakatanania ubwanaloli bwa Chala nu bumyasi, sona nababo bakwiputa nukubombela ivipeliwa m'malo mwa mperi, yuyo akuchindikiwa bwile nabwile. Amen. ²⁶ Chiukwa cha ichi, u Chala akabapa ivinyonwa ivyakukozya insoni, pakuti abanakazi babo bakugabana ubukamu bwa bwikazi ku bo bate nu bwikazi. ²⁷ Munzila iyonyene, abanalume bope bakuleka ubukamu bwa bwikazi ku banakazi po bakunyonywa ukukumana benebene. Aba bo banalume bo bakupanga ivya bupopo na banalume abanji sona bakwiyitizizya ichilango ichakubayana pa mbombo zyabo izibibi. ²⁸ Chifukwa abene bakachisenda chinthu cha kusita kulondiwa pa kumumanya u Chala, akabitikizya ukuti babe ni nyinong'ono izibibi, ukuti abene babombe ivinthu vyakusita kulondiwa. ²⁹ Bakizula nu kunanga kwakulekanalekana, ububibi, ichinyonywa, ni myoyo ya kulunphalumpha. ³⁰ Bizwile ni bina, ubumalaya, ubuchigebenga, ubwite, ukwikuzya nu bubibi bonsi. Bali ni yebo, ³¹ ukunenana, ukumubenga u Chala, amadinko, ukwikuzya nu kwipala, bakwata inzila izinji izyakubombela ububibi nu kuleka ukwivwila aba papi. Sona bapunganu, bate nu lwitiko, ukusita kughana abanyabo, sona bate ni chisa. ³² Bakuzimanya indaghilo zya Chala, ukuti wensi yo akubomba ivinthu ivi abaghile ukufwa. Loli te bene bo bakubomba ivinthu ivi, bakwitikizania nabo wakuvibomba.