¹ U Yeso akalinga kumwanya sona nukulinga abanthu abakabi bo bakubika ivyabupi vyabo mo bakusungilamo ichuma. ² Akamulinga u mwanakazi umupina sona umufwilwe akubika utu ndalama twache tubili. ³ Po akati, ''Naloliloli nkhubabuzya, umupina umufwilwe uyu weyo abika ivinji ukulusya mwebonsi. ⁴ Bonsi aba babika ivyabupe ukuyana nu bukabi bwabo. Loli umufwilwe, mu bupina bwache, abika vyonsi vyo ali navyo.'' ⁵ Bo bamo bakunena ivy tempeli, mobakalinozezya na mabwe aghiza ni vyabupe, sona akati, ⁶ ''Pakuti ivinthu vyonsi vyo mukuvilinga, amasiku ghakwiza gho pamo ni bubwe nalimo lyo lililekiwa pamwanya pa linyabo litakwiza ukugumuliwa pansi.'' ⁷ Po bakamulalusya, bakati, ''Manyisi, ka vilibombwa liyi ivinthu ivi? Ka pakwiza ukuba chimanyisyo buli po ivnthu ivi vilibombwa?'' ⁸ U Yeso akamula, ''Muchebe ukuti manye mupusikiwe. Pakuti abinji baliza mwi zina lyane, nukuti, 'Nene,' sona, 'Akabalilo kapalamile.' Mutakabakonkhezye. ⁹ Nanthi mwivwa ivya bwite nuku dalinkhana, mutakaswighe, pakuti ivinthu ivi vibaghile vibimbwe tasi, loli ubumalilo butakwiza lubilo.'' ¹⁰ Po akanena ku kwabo, '' Ichisu chilisambukila ichisu chinyabo, ichinamwene pa chinamwene ichinyabo. ¹¹ Pakwiza ukuba ivindindindi ivikulu, sona mu visu ivinji mukwiza ukuba inzala nu bulwale. Kulibombwa ivyakuswighisya ni vimanyisyo ivinji ukufuma kumwanya. ¹² Loli bo vitabombiwe ivinthu vyonsi ivi, inthi bize babike inyobe zyabo papako nukubakoma, nukubabika mu ma sinagogi na mu jele, ukubabika ku ba mwene na balindilili chifukwa chi zina lyane. ¹³ Wuliba mwabi pa bukaboni bwinu. ¹⁴ Polelo mwinong'one mu myoyo yinu pakuti mutakinozyekele ukwipoka panthazi pa kabalilo, ¹⁵ pakuti nkhwiza ukukupa amazyu sona na mahala mwakuti ababombi bako bonsi batakwiza ukuba mukujimba. ¹⁶ Loli ukwiza ukubikiwa sona na bapapi bako, aba wamwinu,abakamu bako,sona bamo mwa umwe bakwiza ukukomiwa. ¹⁷ Mukuzukubengiwa na wensi chifukwa chi zina lyane. ¹⁸ Lelo nakamo akasisi ku mutu winu kazunangika. ¹⁹ Mu bujimvu winu muzukuba ba bumi. ²⁰ ''Nanthi mukulinga u Yelusalemu azyunguliziwe na balwani, mumanye ukuti ukupangunkhana kuli papipi. ²¹ Po leka bo bali mu Yudeya basamalile ku mapili, leka bo bali mu kaya akakulu bafumemo, sona bo bali kunzi ku chisu manye bingile mukaya akakulu. ²² Pakuti agha masiku gha kunyosezya, ukuti ivinthu vyonsi vyo vikasimbiwa vifisiwe. ²³ Soka ku bo bali ni nthumbo sona nabo bakonsya mu masiku aghonyene! Kuzukuba inthamyio izikulu nkhani pa chisu nu bukali ku banthu. ²⁴ Inthi bakabe ku bumalilo bwa chipeni, sona bazusendiwa bazya mu visu vyonsi, sona u Yelusalemu azukanyiwa na bakunzi ukufikila akabalilo ka bakunzi kakwanilisiwe. ²⁵ ''Pakwiza ukuba ivimanyikwilo pi zuba, pa mwezi, sona na pa nthondwa,sona napa chisu. Ivisu vikwiza ukuba mu nthamyo, nu kupasya chifukwa cha kupoma kwa nyanja na mayigha. ²⁶ Pakwiza ukuba abanthu bakwiza ukuzilika chifukwa cha bogha sona nukwinong'ona ivinthu vyo vizukuboneka mu chisu. Pakuti amaka ghakumwanya ghazuneng'eniwa. ²⁷ Po bazulinga u Mwana wa Munthu akwiza mu mabingu nu buchindamu ubukulu. ²⁸ Lele po ivinthu vizukwanda ukubombwa, nyamuka inusya imitu, yinu chifukwa ubupoki bukwiza papipi numwe.'' ²⁹ U Yeso akababuzya ichili, ''Lolela ikuyu na makomo ghonsi. ³⁰ Bo amani ghabululuka, mulingisye mwebene sona nukumanya ukuti ichisanya chili papipi. ³¹ Po sona, nanthi mwalinga ivinthu vyonsi ivi vikubombwa, mumanye ukuti ubuchindamu bwa Chala buli papipi. ³² Naloliloli nkhubabuzya, utubalilo utu te tumale mpaka ivinthu vyonsi ivi vibombwe. ³³ Kumwanya na pansi vizukumala, loli amazyu ghane ghatazumalapo nalumo. ³⁴ ''Loli mwiyivwisye mwebene, pakuti imyoyo yinu yitakapyoke nu kung'wa sona nu kubomvya inyinong'ono zya moyo winu, pakuti isiku litakusengelela ku pipi numwe ngati chipingo. ³⁵ Pakuti chikwiza kwa wensi yo akwikala pa chisu chonsi. ³⁶ Loli muchebe akabalilo konsi, mwipute namaka ukuti mupone ku vinthu vyonsi vyo inthi vibombwe, sona nukwimilila panthanzi pa Mwana wa Munthu.'' ³⁷ Mumasiku gho akamanyisyanga mu ma tempeli, sona nu busiku bo akabuka nukwikala kwi pili lya Olive. ³⁸ Abanthu bonsi bo bakiza pandabindabi ukumwivwa mu tempeli.