¹ Nkwilumbusya na basongo mu mwinu, unu, no songo munyabo sona nu bukamboni bwa nthamyo zya Kilisitu, sona uwabamo yo akwiza ukugabana nawe mu buchindamu bo bukwiza ukuba pa bwelu: ² Mube badimi ba vitekwa vya Chala vyo vili pansi pakuvilingilila kwinu, visunge ngati balingilili--te chifukwa chakuti mwakakamiziwa, loli chifukwa chakuti mwighanite mwebene, ngati mo u Chala akwiza ukubasunila umwe---vitakabe vya kupindula pa kukozya insoni loli ukuti mwighanite. ³ Mutakabe ngati we bwana ku banthu bo bali mubupwelelelo bwinu. Mu malo ghache, mube vyakulingilapo vya vitekwa. ⁴ Po nanthi ubudimi bwasongo bwaba pa bwelu, mukwiza ukupokela ukolona wabuchindamu bo butakufoka ⁵ Munzila yinonyene, mwe banthu abanandi, mwyisye ku banthu abasongo. Mwebonsi mwivwike mwebene nukwivwisya sona nukwavwa uyunji nu munyantche. ⁶ Pakuti u Chala akukana abakwikwezya, loli akupa ichisa ku bo bakwiyisya. Polelo mwiyisye mwebene pansi pa nyobe iyamaka iya Chala ukuti ize abakwezye pakabalilo kache. ⁷ Mumutulile ubogha bwinu bonsi chifukwa akubasunga umwe. ⁸ Mube bakwisunga, nukuba maso. Mulindilile pakuti umlwani winu u satana akubuluma ngati yo nkhalamu, ukulonda yumo uwakuti yimulye. ⁹ Mumukanizye. Mube bamaka mu lwitiko lwinu. Mumenye ukuti abanyinu abakwivwila mu .chisu cha pansi bakukumana nu kuyimba ukonyene. ¹⁰ Nanthi mwayimbapo pa kabalilo akanandi, u Chala uwa chisa consi, yo akubitizya umwe mu buchindamu bwache bwa bwile mwa Kilisitu, akwiza ukubasenda, nukubabika, sona nukubapa amaka. ¹¹ Kukwache kube ubulaghili bwa bwile na bwile. Ameni. ¹² Nkhumusenda u Saluvanasi ngati we wamwitu uwasubiliwa, sona nabasimbila umwe umwabufupi ukwizila mu mwache. Nkhwilumbusya sona nkhubikila ubumbonikukwinu ukuti vyo nasimba chisa cha bwanaloli ubwa Chala. Mwimilile umunye. ¹³ U mwakazi yo ali mu Bebeloni, yo asaliwe poka numwe,akubalamuka. Nu Maliko, umwana wane, akubalamuka. ¹⁴ Mulamuke weka nu munyantche pakumufyompha umwa lughano. U mutende ghube kwa umwe mwebonsi mwe muli mwa Kilisitu.