¹ Polelo buleke bonsi ububibi, ubumyansi bonsi, ukupusikizya konsi,akabini nu kutukana konsi. ² Ngati tubana utwabonda, mulonde hee ulukama ulwenecho ukuti ukwizila umonyene mukule mukupokiwa, ³ nanthi muyezizye ukuti u Mwene wa chisa. ⁴ Zanga kukwache yo libwe lyabumi lyo likanyiwe na banthu, loli lyo lisaliwe nu Chala ngati lya kulondiwa kukwache. ⁵ Numwe bwaka muyanite na mabwe aghumi gho ghazengiwe ukuba nyumba ya buzimuukuti mube baputi abaswepu bo bakubika ivyabupi vya buzimu ivyakwitiziwa kwa Chala ukwizila mwa Yesu Kilisitu ⁶ Amasimbo ghali na ichi: ''Linga, nkhubika ibwe mu Ziyoni, ilisaliwa sona ilya pamwanya. Wensi yo akusubila mu mwache atalikoziwa insoni.'' ⁷ Ukulondiwa, po kuli kukwinu mwe mukusubila. Loli ku bo batakusubila, ''Ibwe lyo likakaniwa na bazengi, lyolyo lyaba lya kulondiwa,'' ⁸ sona '''Libwe lyakwipunulapo sona libwe lyo likubawisya.'' Bakupunulapo chifukwa batakwivwila izwi---po bakasaliwa ukuti babombe. ⁹ Loli mwebasaliwa, baputi banyumba ya bufumu, ichisu ichiswepu, abanthu bachuma cha Chala, ukuti mulumbilile imbombo iziza izya yo akabatizya ukufuma ku chisi ukwiza kubwelu bwache ubwiza. ¹⁰ Mutakaba mwebanthu, loli pano mwe banthu ba Chala. Mutakapokela ichisa, loli pano mwapokela ichisa. ¹¹ Baghaniwa nkhubaghomya ngati mwe balendo sona batamiwe ukuti mwikole ku vinyonywa vya mubili, vyo vikulwana ni mizimu yinu. ¹² Akikalile kinu mu ba kunzi kabe kakuchindikiwa, ukuti nanthi bakubanda ukuti mukubomba ivibibi, babenge ba kamboni pakulinga imbombo zinu iziza nukuti bamupe bamukwezye u Chala pisiku lyo izila. ¹³ Mwiyisye ku wensi yo ali na maka chifukwa cha Mwene. Mwivwile nu Mwene ngati wa pamwanya nkhani, na balindilili ba chisu, bo bakutumiwa pa kubalanga bo bakubomba ivibibi ¹⁴ sona pakupala bakubomba iviza. ¹⁵ Pakuti ubu bwighane bwa Chala, ukuti pakubomba ichiza. ¹⁶ Ngati banthu abasatuke, mutakabombezye ubusatuke bwinu ukuba cha kuvwinkhamo ububibi, loli mube ngati babombi ba Chala. ¹⁷ Muchindike abanthu bonsi. Mughane abawamwinu aba nkhulile yoka. Moghope nu kuchindika u Mwene. ¹⁸ Babombi, mwiyisye ku ba bwana binu nu muchinzi ghonsi . Mutakiyisye kuba bwana binu abiza na ba kwikola bene hagha, loli naku bo banyonganite bwaka. ¹⁹ Pakuti chakupaliwa nkhani nanthi akulonda hee u Chala, u munthu wa kupilila inthamyo po akuyimba mubo te ba bwanaloli. ²⁰ Po mukwaghapo pala mukunanga sona mukupilila po mukumwa? Loli nanthi ukubomba ichiza po ukutamiwa bo bapanikiwa, chakulondiwa amapalo aghafumila kwa Chala. ²¹ Pakuti pa ichi mukwitikiziwa, chifukwa chakuti u Kilisitu wepe akayimbila umwe. Akabalekela ichimanyisyo ukuti mukonkhe amatamba ghache. ²² ''Atakananga ni mbibi nayimo, pamo ubumyansi bwa kwaghiwa mu mulomo wache.'' ²³ Po bakamutukanga, atakanyosya. Po akayimbanga,atakanyozapo ukunyosya, loli akipeleka mwene kwa we akulonga mu bwanaloli. ²⁴ U Mwene umwenecho akanyamula imbibi zitu mu mubili wache pikomo ukuti tufunthuke ku mbibi nukuti twikale mu bugholosu. Pa kumiwa kwache umwe mupolite. ²⁵ Mwebonsi mwali mwe basobele ngati we nang'onzi uwakusobela, loli pano mwanyokela kwa mudimi sona umulindilili wa mizimu yinu.