¹ Po u Yahweh akanena kwa Moses. akati, ² ''Nena ku banthu ba ku Isreal sona uti ku kwabo, 'Loli pala mwabuka ku chisu cho inthi muye mwikale, cho u Yahwe inthi abape umwe, ³ mubaghile muyanie icha bupi pa moto kwa Yahwe, pamo ichabupi ichakocha pamo ichakwipeleka pakukwanilisya ichilapo, pamo ubwighane bwa vya kupeleka, pamo pa vyakwipa pa lusekelo, pakufumisya aka mununsi akiza kwa Yahweh ukufuma ku ng'ombe pamo ng'onzi. ⁴ Ubaghile, ukubika kwa Yahweh ivya kubika ivya kotcha sona nivya kulya ivyakwipa teni ivya chigaba icha busu ubutinye ubwa kongania choka--folo uwa mafuta gha hin. ⁵ Ubaghile sona ukubika ivya kupeleka ivya kocha, pamo ivya kwiyipa, choka--folo uwa vyakung'wa bwa hin ukuba chakung'wa chakupeleka pa mwana wa ng'onzi. ⁶ Loli pala mukubika ing'onzi iyanalume, mubaghile ukuyania ivyakulya vya vyakupeleka vibili--pa teni uwa chigaba cha busu ubutinye ukongania na vitatu ivya mafuta gha hin. ⁷ Pakuti vyakung'wa ivya kwipeleka. Ubaghile ukupeleka katatu ka vyakung'wa bwa hin. Inthi vifumye ukunona kwa aroma kwa Yahweh. ⁸ Loli pala mukuyania inkhambako ngati chakwiyipa cha kotcha pamo chakwiyipa ukukwanisya ichilapo, pamo ngati chakwiputa chakubika kwa Yahweh, ⁹ polelo mubaghile ukubika ni nkhambako ni vyakulya ivyakubika katatu--pa teni ivya chigaba cha busu ubutinye ubwa kongania na mafuta hafu agha hin. ¹⁰ Mubaghile ukubika ngati chakubika cha kung'wa hafu wa hin, ukuba ngati chakubika cho chipangiwe nu moto, ukufumia aroma uwa vya kunona kwa Yahweh. ¹¹ Vibaghile ukubombiwa bunonyene pa nkhambako yonsi, pandama yonsi, sona pa yonsi iyanalume inkhambako pamo imbuzi izinandi. ¹² Chonsi ichakwipa ichakuyania sona nu kubika chibaghile chibombiwe mo balinganizya apa. ¹³ Bonsi bo bapapiwa--muno babaghile ukubomba ivinthu munonye, pala yumo iza nichakwipeleka cho chipangiwe nu moto, ukufumia uroma yo akuhobosya u Yahweh. ¹⁴ Pala umulendo akwikala numwe, pamo wensi yo ikala numwe mu mphapizw;e za banthu binu akabalilo konsi, abaghile ukupanga ichakwipeleka cho chipangiwe nu moto, ukufumia u aroma uwa kunona kwa Yahweh. Abaghile ukubomba ngati mo mukubombela. ¹⁵ Vibaghile ukuba lu laghilo lwakuyana lwa chikaya sona nakwa mu lendo yo akwikala numwe, lulaghilo lwa bwile mumphapizwe zya banthu. Ngati mo mubelile, lumo muli na balendo bo bakwikala numwe. Abaghile ukubomba ngati mo mukubombela panthanzi pa Yahweh. ¹⁶ Ululaghilo ulwakuyana sona nukulamula lubaghile lubombe kukwinu sona na balendo bo bakwikala numwe.''' ¹⁷ Sona u Yahweh akanena kwa Moses. Po akati, ¹⁸ '' Nena ku banthu ba Isreal sona uti kukwabo, 'Nanthi mukwiza mu chisu cho inthi mbabike umwe, ¹⁹ pala mwalya ivyakulya ivyafuma mu chisu, mubaghile ukusangula kwa Yahweh. ²⁰ Ukwanda pabwandilo ivya kupangila ichibama mubaghile ukupeleka ngati chakusangula, ivyakusangula ukufuma palwala. Ubaghile ukuvinyamula munzila iyi. ²¹ Mubaghile mumphe une ivyakusangula ukufuma mumphapizwe zya banthu ukufuma ku chakubwandilo ichakutontha. ²² Inthi lumo wize unange pakumbomba ivi, po nanthi mwaleka pakwivwila vyonsi indaghilo zyo nkhanena kwa Moses--- ²³ chonsi cho nkhabalamulila umwe ukwizila mwa Moses ukufumila pisiku lyo nkhanda pakubapa indaghilo nukwiza kunthanzi mumphapizwe zyonsi izya banthu. ²⁴ Mumalo ghambibi izisita kunanga ukuti chimanye, po ichikaya chonsi chibaghile ukubika inkhambako yoka iyinandi ngati chakupeleka cha kotcha ukuti chifumye ivya kunona kwa Yahweh. Poka nivi pabaghile papangiwe ivyakulwa sona nivya kung'wa ivyakupeleka, ngati mo vidumuliwe nukulamula, sona nimbuzi yoka iyanalume ngati chakupeleka chambibi. ²⁵ Aba puti babaghile ukupepesya mu buyo bwa chikaya chonsi icha banthu ba Isreal. Inthi bize ba hobokeliwe chifukwa imbibi zikaba zyakupuvya. Bakiza nivya kwipa, ivyakupeleka vyo vinangikite kukwane nu moto. Bakwiza nivya kwipeleka ivya mbibi zyabo panthanzi papane umwakupuvya kwabo. ²⁶ Po ichikaya chonsi icha banthu ba ku Isreal chizuhobokeliwa, sona na balendo bo bakwikwla nabo, chifukwa abanthu bonsi bakapanga imbibi ukusita ukumanya. ²⁷ Pala umunthu ananga ukusita kwimanya, po abaghile ukubika imbuzi iyanakazi iyamwaka ghoka ngati chakubika chambibi. ²⁸ Umuputi abaghile apepesye panthanzi pa Yahweh pa munthu yo akaya pambali sona ukunanga ukusita kumanya. Umunthu yula azuhobokeliwa nanthi ukulambilizya kwabombwa. ²⁹ Mubaghile mube nululaghilo ulwa kuyana pa weka yo abomba chonsi ukusita kumanya, ululaghilo ulwa kuyana kwa weka yo apapiwa mukasi mwa banthu ba Isreal sona na ba kwiza bo bakwikala mukasi mwabo. ³⁰ Loli kwa munthu yo atakananga nachimo ni nyobe iya ku kwela, kali apapiwa mulanyene kali bakiza akantuka une, Umunthu uyo abaghile ukudumuliwa ukufuma mu banthu bache. ³¹ Chifukwa uwe wapepula amazyu ghane sona akoma ululaghilo lwane, umunthu uyo abaghile ukudumulika wensi. Ububibi bwache buzukubuka papache.''' ³² Bo abanthu ba Isreal bali mu nkholongo bakamwagha umwanalume akubunganika inkhwi pa sabata. ³³ Bo bakamwagha bakiza nawe kwa Moses, nu Aaron, sona nichikaya chonsi. ³⁴ Bakamwighalila chifukwa batakamanyanga cho chingabombiwa ku kwache. ³⁵ Po u Yahweh akati kwa Moses, '' umwanalume naloli abaghile akomiwe. Ichikaya chonsi chibaghile ukumufwantha namabwe kunzi kulupaso.'' ³⁶ Po ichikaya chonsi chikiza nawe kunzi ku lupaso nukumufwantha namabwe mphaka akafwa ngati mo u Yahweh akalamulila u Moses. ³⁷ Sona u Yahweh akanena kwa Moses. Akati, ³⁸ ''Nena kulunyungu lwa Isreal sona balamule abene ukupanga bene utumasepele tusatenge mubumalilo mwa vyakuvwala vyabo, utupinye nakalukusa ka bulu mubumalilo. Babaghile ukupanga ivi mumphapizwe zya banthu babo bonsi. ³⁹ Inthi chibe chimanyisyo chapambali ku kwako, pala ngati mwachilinga, ukufuma ku ndaghilo zyane zyonsi, ukubasenya abene ukufuma pakuti utakalinge kumoyo wako wene sona namaso ghako sona utakapange ivya mwalwe kukwabo. ⁴⁰ Bomba ivi ukuti ukumbusye sona wivwile indaghilo zyane zyonsi, ukuti pamo ungaba we muswepu, usenguliwe ukuba we wane, ne Chala wako. ⁴¹ Ne Yahweh u Chala wako, yo akakufumia ku Egypt, ukuba ne Chala wako. Ne Yahweh u Chala wako.''