¹ Apa kolai hinta ingat, oii kawan-manyari ku (laie aku bapaner akan urang am ingat akan Hukum Agama), laie Hukum Agama bakuasa atas uja urang salama urang iyah masih hirup? ² Laie iyah am, labini am jadi kawin am sah sacara hukum kalaki nya lalam inya hirup; tapi amun lakinya mati, inya lopas mula hukum kawin. ³ Amun, labini jadi bini kalaki bukan metuh lakinya masih hirup, inya di joku Pamanung, tapi amun laki nya mati, inya bebas mula hukum inya honta di joku Pamanung amun kawin kalaki bukan. ⁴ Laie iyah, kawan manyari ku, kolai jadi mati bagi Hukum Agama malalu tubuh Kristus nyaman kolai hompu am bukan, inya jari hirup mula ka mati laie diri ba ulih hasil mula Hatalla. ⁵ laie, diri masih hirup lalam daging, hawa nafsu dosa am di rangsang laie Hukum Agama bagawi lalam tubuh diri mahasil buah pampati. ⁶ Tapi, wayah itie diri jadi lopas mula Hukum Agama, jadi mati mula am holu pasung diri laie diri malayani lalam kaadan baharu manurut Roh, honta nulat hukum lamat am tatulis. (Dosa Tuntang Hukum Agama) ⁷ Amun macam inyah, apa am diri parah kan? parah kan Hukum Agama iyah dosa? sakali-kali honta sabali nya, aku honta ingat dosa kacuali malalu hukum Agama, laie aku honta akan mangerti arti dirie honta hona ngalap hak urang bukan amun Hukum Agama honta mamarah," Hinang hiri." ⁸ tapie laie, dosa ngalap kasempatan malalu parentah inya manghasil banya macam-macam kahona lalam ka kaniri ku; laie manyan Hukum Agama dosa kan matie. ⁹ Hariah aku hirup manyan Hukum Agama, tapi metuh hukum iyah datang, dosa jadi hirup lalu aku matie; ¹⁰ lalu parentah itie, am sabujurnya manaing ka hirup, justru maminpin aku ka pamati. ¹¹ Laie, dosa mangalap kasampatan malalu hukum inyah honi manipu lalu mamati aku. ¹² lalu Hukum Agama iyah am barasih, lalu hukum iyah barasih, bujur am baie. ¹³ Amun bera iyah, apa am baie itie manatang kan kamati kan aku? Sakali honta! Dosa yah am mahasil maut kalalam aku malalu apa am baie nyaman aku honta badosa iyah am dosa, malalu hukum iyah dosa magin tampa kadosa nya. (Kalawanan Kalalam Diri Banya) ¹⁴ Laie diri ingat amun Hukum Agama basifat rohani, tapie aku basifat jasmani, tajual kaloba dosa. ¹⁵ Laie, aku honta ingat apa am aku karuh laie aku honta mangaruh hal am aku kahona, bukan aku ngaruh hal am aku pangili. ¹⁶ Tapie, amun aku mangaruh suti hal am honta hona ku karuhkan, aku satuju amun Hukum Taurat iyah baie. ¹⁷ Jadie wayah itie, bukan aku am mangarunya, tapie dosa am hidup kalalam aku. ¹⁸ Laie, aku ingat mayan hal am baie am hidup kalalam aku, iyah am kalalam daging ku, tapie hona mangaruh am baie iyah honta. ¹⁹ Laie, aku honta mangaruh pangawi baie am aku kahona, tapie aku mangaruh hal am jahat, am honta kahona ku! ²⁰ Jadie, amun aku mangaruh hal am honta ku kahona iyah, bukan mula aku am mangaruh nya, tapie am dosa am hidup kalalam aku. ²¹ Jadie, aku manapat hukum itie, iyah am: Metuh aku mangaruh hal am baie, kajahat tege jam ka aku. ²² Laie, aku hona akan hukum Hatalla kalalam batin ku, ²³ tapie aku maila hukum am bukan kasaluruh tubuh ku am bajuang malawan hukum akal budiku lalu manawan aku dosa am tege kalalam tubuhku. ²⁴ Aku kalunen calaka! Sapa kah akan manyalamat aku mula tubuh pampati itie? ²⁵ Syukur ka Hatalla malalu Tuhan diri, Kristus Yesus! ²⁶ Jadie, honi akal budi ku, aku malayani hukum Hatalla, tapie honi tubuh jasmani ku aku malayan hukum dosa.