¹ Laie sabab iyah, diri am jari dibujurkan laie iman, maka diri jari badamai dengan Hatalla malalu Tuhan diri, Kristus Yesus; ² malalu inya, diri tahu manapat jalan tama manuju iman akan pamori Hatalla am wayah tie akan dasar diri badiri, lalu diri barami lalam pengharapan kuasa Hatalla. ³ Honta bera iyah, diri jam tahu barami lalam kasusahan am diri saie laie diri tahu amun kasusahan itie mahasilkan karajin, ⁴ karajin jam mahasilkan ciri am tahan kona uji, lalu ciri am tahan kona uji yah mahasilkan pangharapan, ⁵ lalu pangharapan yah jam honta mangacewakan, laie kasih Hatalla yah jari dicurahkan ka lalam hatie diri malalu Roh am Barasih am jari di borinya akan diri. ⁶ Metuh diri masih lomah, Kristus matie akan urang-urang am durhaka akan waktu am tepat. ⁷ Sabab, jarang tege urang am hona matie akan urang am bujur, atau jam tege urang am hona matie akan urang am baik. ⁸ Tapi, Hatalla mamarahkan kasih-Nya akan diri, metuh diri am masih jari badosa, Kristus matie akan diri. ⁹ Labih mula iyah, salopas dibujurkan laie darah-Nya, diri tie ingat di selamatkan mula pangusar Hatalla melalu Inya. ¹⁰ Laie, metuh diri masih jari musuh Hatalla, diri jari didamaikan akan Hatalla melalu pamatie Anak-Nya, lobih-lobih mula metuh tie laie diri jari didamaikan akan-Nya. Lalu batantu jam amun metuh itie diri jari di damaikan akan Hatalla, maka diri jam pasti salamat malalu hirup-Nya. ¹¹ Honta laie iyah, diri jam tahu bamegah ka lalam Hatalla malalu Tuhan diri Yesus Kristus, am mula-Nya diri metuh tie jari manarima damai mula Hatalla.(Matie Malalu Adam, Hirup Malalu Kristus) ¹² Laie iyah, sama kan dosa am jari tama ka lalam dunia tie malalu siku urang am maut jam tama malalu dosa, macam iyah jam maut miar mingkar kan uras urang laie urangnya jari badosa. ¹³ Laie, dosa jari tege ka dunia itie sahompan Hukum Agama Musa tege, tapi dosa honta dihitung Hatalla palamat honta ara Hukum Agama iyah. ¹⁴ Amun bera iyah, maut bakuasa metuh zaman Adam sampai kan Musa, ka tingie urang-urang am honta mangawie dosa sama kan am di gawie laie Adam, am mula gambaran yah Inya hona datang. ¹⁵ Amun bera iyah, pamori mula Hatalla honta sama akan dosa. Laie, amun mula dosa siku urang, banya urang am matie, laie kalobih karunia mula Hatalla lalu pamori malalu karunia siku Urang yah, iyah am Kristus Yesus. ¹⁶ Lalu, pamori honta sama akibat mula dosa siku urang yah. Sabab pahakiman katingie banya palanggaran manaing kabujur. ¹⁷ Amun laie dosa siku urang, maut bakuasa katingie siku urang yah, talobih mula urang-urang am manarima kabakah pamori lalu karunia am bujur akan mamarintah ka lalam pahirup malalu siku Urang yah, iyah am Kristus Yesus! ¹⁸ Jari, sama kan malalu sutie palanggaran kan uras urang manarima hukuman, bera iyah jam pagawi am bujur siku urang akan uras sia kalunen manarima hirup akan kabujur. ¹⁹ Laie honta kataat siku urang, banya urang jari pandosa. Amun bera iya, laie kataan siku Urang, banya urang akan dibujurkan. ²⁰ Hukum Agama ditamahkan nyaman dosa batamah banya. Amun bera iyah, ka manih dosa batambah, pamori Hatalla jam samakin balimpah-limpah, ²¹ nyaman samah kan dosa am bakuasa ka lalam maut, kasih karunia jam bakusa malalu kabujur am mamimpin akan hirup am kekal ka lalam Kristus Yesus Tuhan diri.