¹ Jadi apa am kan dipaner dirie tentang Abraham, ompai hiang dirie manulat daging? ² Laie Abraham dibujurkan malalu kalakuannya, inya tege alasan bamegah, tapi hontae kapaharap Hatalla. ³ Laie, apa am jadi dipaner mulae Kitab Barasih? "Abraham parcaya kan Tuhan iyah Tuhan mahitung inyae kan urang am bujur." ⁴ Kan urang am bagawi, upah am diborie kan urang bukan suti hadiah, tatapi hak urang. ⁵ Lalu, kan urang ham honta bagawi, tapie parcaya kan Hatalla am mambujurkan urang fasik, iman urang dihitung kan suti am bujur. ⁶ Daud gin jadi mamarahnya diberkatinya saurang metuh Hatalla mahitung am bujur kan inyae hontae mailae am jadi dikaruhnya: ⁷ "Baramie-ramie urang am dihapus kasalahan dengan dosa am jadi ditabunya. ⁸ Baramie-ramie urang-urang am dosanya hontae dihitung laie Hatalla!" Mazmur 32:1-2 ⁹ Apakah berkat tie kan urang am jadi basunat? Atau jam kan urang am hontae basunat? Laie kamie jadi baparah bahwa "iman Abraham tahitung kan kabujur." ¹⁰ Lalue, nulat apa iyah dihitung kan inyae? Sajadi atau sahumpan inyae disunat? Bukan sajadi inyae basunat, tatapi sahumpan inyae disunat. ¹¹ Abraham manarimae tanae sunat jadie materai kabujur iman sahumpan inya basunat nyaman inya tahu jadi ompai uras urang banya am pacaya honta basunat lalu kabujur iyah tahu dihitung kan pamanya; ¹² sakaligus manjadi ompai kan urang-urang basunat am honta hanya basunat tapi bajalan lalam jalan iman am basa dilalue ompai dirie, Abraham, sahumpan inya disunat. (Abraham Manarima Janji Hatalla Mila Imannya) ¹³ Janyie akan Abraham dengan keturunannya laie urang ma hompu saluruh bumi honta akan di ponuh laie Hukum Taurat, tapie melalui kabujur iman. ¹⁴ Laie, jakae urang am baasal mula Hukum Taurat ulih jadi ahli waris, maka iman jadi sia-sia dengan janyie Hatalla jadi balang; ¹⁵ sabab Hukum Taurat tahu mamori am hinta baie, tapi amun mayan ara Hukum Taurat, maka diah jam mayan ara pelanggaran. ¹⁶ Itiam janyie baasal mula iman, supayae janyie iyah badasar kasih karunia berae inyah janyie datang urasnyae keturunan Abraham; hontanyae ba asal mula Hukum Taurat, tapi baasal mula iman Abraham, inyalah ompai diri urasnyae. ¹⁷ (Tege tatulis, ''Aku menjadikan kolai ompai banya bangsa") paharap Hatalla, am inyae yakin, inyaham Hatalla am mamori pahirup kan urang am matie dengan manyoku mayan di parah tege. ¹⁸ Lalam baharap tingie baharap inyae yakin, supaya inyae tahu jadi ompai mula banya bangsa sama bera am di paner.'' Akan jadi berae iyah katurunan hemu." ¹⁹ Lalu. hinta lomah lalam iman, walaupun jadi ingat tubuh kanirie hona damping matie laie umur nyae kira-kira 100 tahun umakan kanung sarah jam jadi mati; ²⁰ Inya hinta ragu akan janyie Hatalla laie hontae percaya, imanyae di toguh kan supayae inyae mamori kamuliaan kan Hatalla, ²¹ Dengan mansaie yakin laie Hatalla am bakuasa mangaruh apa am jadi di janyie Nyae. ²² Laie inyah, imannyae " di perhitung bera kabujur.'' ²³ Tapi, am inyah hinta di tulis akan kepentingan Abraham, ²⁴ tapi jam akan dirie.Tapie inyah akan dihitung akan urang am percaya kan Inyae am mahuas Yesus, Tuhan diri, mula antara urang mati. ²⁵ Yah am, Yesus am jadi di sorah akan mati laie dosa dirie,dengan jadi huas akan kabujur dirie.