¹ Aku manyorah akan kam Febe, manyari diri am inya yah siku pembantu ungkup ka Kengkrea. ² Tarima inya ka lalam Tuhan bera kan urang-urang am barasih, lalu tolong inya ka lalam sagala sasuatu am di perlukan mula kam sabab inya kaniri am jari mamori parompuh akan banyak urang lalu akan arep ku kaniri. ³ Datangkan pesanku akan Priskila rang nua Akwila, kawan sapalayanan ku ka lalam Kristus Yesus, ⁴ am jari mamori hirup urang akan hirup ku. Katingi urang, honta baya aku jam am maucap syukur tapi akan saluruh ungkup am bukan Yahudi. ⁵ Datangkan mula pesanku akan ungkup ka rangau rang. Datangkan jam pesanku akan Epenetus am kukasih, inya memang urang pertama sa Asia am jari manarima Kristus. ⁶ Datangkan jam pesan ku kan Maria am jari bagawi borat akan kolai. ⁷ Pesanku akan Andronikus lalu Yunias, tuntang kawan manyari ku sabangsa ku sakaligus saluruh tahanan am jari dikenal antara kawan rasul, am jari tege ka lalam Kristus sahompan aku. ⁸ Pesan ku akan Ampliatus, am kukasih ka lalam Tuhan. ⁹ Pesanku akan Urbanus, kawan sapalayan diri am ka lalam Kristus, lalu akan Stakhis am ku kasih. ¹⁰ Pesan akan Apeles, am tabukti jari tahan cuba ka lalam Kristus. Datangkan jam pesanku akan kawan anggota keluarga Aristobulus. ¹¹ Datangkan jam pesanku akan Herodion, manyari sabangsaku. Pesan akan kawan anggota keluarga Narkisus, am tege ka lalam Tuhan. ¹² Datangkan jam pesanku akan Trifena lalu Trifosa, am susah oyoh ka lalam Tuhan. Lalu, akan Persis am kukasih, am jari bagawi bahimat ka lalam Tuhan. ¹³ pesan jam akan rufus, urang pilihan ka lalam Tuhan, lalu jam akan inay am ajri inay ku jam. ¹⁴ Pesan akan Asinkritus, Flegon, Hermes, Patrobos, Hermas lalu kawan manyari am barota akan urang. ¹⁵ Pesan akan Filologus lalu Yulia, Nareus lalu manyarinya am labini, tuntang akan Olimpas, lalu saluruh urang am barasih am barota akan urang. ¹⁶ Borikan jam pesan sutie sama am bukan umakan sium am barasih. Saluruh ungkup Kristus sampaikan pesan rang kan kolai. ¹⁷ Metuh aku manyurung kolai, kawan manyari, jaga urang am manimbulkan pocah bolah lalu manyosat, tuntang am manaur akan pengajaran am jari kami tarima; jauhkan urang. ¹⁸ Sabab, urang-urang am bera iyah honta begawi akan Tuhan diri Yesus Kristus, tapi bagawi akan kahona rang kaniri; lalu akan pamaner am halus tuntang uja-uja sanjungan, urang manipu hatie urang-urang am honta mangora curiga. ¹⁹ Sabab, kapatuhmu jari di ingat saluruh urang, sabab iyah aku barami laie kolai. Tapi, aku hona supaya kolai bijaksana taharap apa am baik lalu barasih mula hal am jahat. ²⁰ Hatalla puna sumber damai sejahtera akan laca maromukkan Iblis ka loba kakimu. Pamori Yesus, Tuhan diri, barota kan kolai. ²¹ Timotius, kawalku sapangawiku, sapanatang pesan akan aku, lalu jam mula Lukius, Yason, lalu Sosipater, manyari-manyari sabangsa ku. ²² Aku Tertius, am manulis surat iti, datangkan pesanku akan kolai lalam Tuhan. ²³ Gayus, am mamori tumpangan akan aku lalu akan saluruh ungkup, datangkan pesan akan inya. Erastus, bendahara kota, lalu Kwartus manyari diri, manatangkan pesan akan kolai. ²⁴ (Pamori Yesus Kristus, Tuhan diri, barota kolai urasnya! Amin.) ²⁵ Akan inya am sangup manguatkan kolai sasuai Kabar am kutaing lalu pemberitaanku akan Yesus Kristus, lalu akan sasuai akan mamuka rahasia am jari mantawu palamat baratus-ratus tahun, ²⁶ am wayah itie jari ditimulkan malalu kitab-kitab kawan nabi, sasuai akan parintah Hatalla am kekal am jari dikabar akan sagala bangsa akan mamimpin manuju kapatuh akan iman, ²⁷ akan sutie-sutienya Hatalla am ponuh hikmat malalu Kristus Yesus, kamuliaan sampai sapalamat-lamatnya! Amin.