¹ Rompuh Manyarimu Nyamannya Patuh lalam Iman ¹ Jadie, diri am patuh harus manangung kalomah urang am honta patuh, am honta manyanang kan kaniri. ² Honta kah satiap urang antara diri manyanang sasama inya laie kabainya, honi manoguh rohaninya. ³ Laie, Kristus honta manyanang inya kaniri-Nya, tapie laie tege tatulis, "Bungi mahina urang, am mahina Kolai, lalue takona ka Aku." ⁴ Laie, apa am tatulis holu jadie ditulis honi malajar diri nyaman malalu karajin lalue mahibur am dibori Kitab Suci, diri baulih harapan. ⁵ Semoga Hatalla, sumber kasabar lalue penghiburan mamori kolai anugerah honi manapat hidup lalam sahati siku lalu kan am bukan samahkan Yesus Kristus, ⁶ amun suti hati lalue lalue suti suara kolai mamuji Hatalla lalue Bapa Tuhan diri Yesus Kristus. ⁷ Laie iyah, tarimakasih suti kan am bukan, samahkan Kristus narima diri laie kemuliaan Hatalla. ⁸ Aku bapaner kakolai laie Kristus jadie pelayan bagie urang am basunat demi kabujur Hatalla, iyah am honi manoguh janyi am dibori akan hia umuh diri, ⁹ lalue kan bangsa am bukan urang Yahudi nyaman urang memuliakan Hatalla laie balas kasih-Nya. Laie tege tatulis, "Laie iyah, aku hona mamuji-Mu kaantara bangsa am bukan urang Yahudi; Lalue aku hona manyanyikan mazmur akan nama-Mu." Mazmur 18:50 ¹⁰ Lalue mula ujanya, "Basukacitalah kawan bangsa, barota aku umat Hatalla!" Ulangan 32:43 ¹¹ Lalue mula, "Pujilah Tuhan uii sagala bangsa! Biar ja uras umat mamuji Tuhan." Mazmur 117-1 ¹² Lalue Yesaya bapaner mula, "Aku datang mula katurunan Isai, lalue Inya akan bangkit akan marentah bangsa-bangsa, lalue kalalam Inya, bangsa-bangsa hona baharap." Yesaya 11:10 ¹³ Kiranya Hatalla sumber harapan mamonuh kolai honi sagala sukacita lalue damai sejahtera lalam imammu nyaman kolai akan balimpah kalalam harapan laie kuasa Roh Barasih. ¹⁴ Maharap Paulus ka Urang Bukan Yahudi Kawan manyariku, aku kaniri yakin tuntang kolai, laie kolai ponuh kabaie mu, malimpah honi sagala pangingat, lalue sangup manyalu siku kan am bukan. ¹⁵ Tapie, aku jadie manulis honi karani kan kolai mangona babarapa hal honi maingat kolai mula, laie anugerah am jadie dibori Hatalla ka aku, ¹⁶ aku jadie pelayan Yesus Kristus akan bangsa am buka Yahudi samahkan imam akan Injil Hatalla, laie bangsa am bukan Yahudi tahu jadie persembahan am basadia, am dikudus laie Roh Barasih. ¹⁷ Iyah am laie nya, lalam Yesus Kristus, aku tahu bamegah mangona hal am kukaruh akan Hatalla. ¹⁸ Laie, aku honta akan barani bapaner mangona ulah am bukan, kacuali am jadie dikaruh Kristus malalu aku, honi ngaruh bangsa am bukan Yahudi patuh kan paner laie mun digawi, ¹⁹ malalu kuasa tana-tana ajaib lalue mukjizat-mukjizat, malalu kuasa Roh mula kota Yerusalem lalue sakalilingnya datang ka Ilirikum, aku jadie mamaner urasnya Injil Kristus. ²⁰ Bungi iyah am aku nekad mamaner bungi Injil kahoman Kristus am hompan dikasene nyaman aku honta mangaruh katingi dasar am jadie diomah urang bukan. ²¹ Laie tege tatulis, "Urang am hompan basa manarima kabar tuntang Inya akan manampai, lalue urang am honta basa manongar akan paham." Yesaya 52:15 ²² Rancana Paulus Nyarang ka Kota Roma ²² Iyah am sebabnya aku rancak tahalang hona nyarang kolai. ²³ Tapie wayah itie, hompan ara homan daerah itie, laie aku jadie batahun-tahun palamatnya hona nyarang kolai, ²⁴ maka metuh aku ingkas ka Spanyol, aku baharap tahu singah badapat kan kolai nyaman kolai tahu marompuh aku koyah, limah aku disukacitakan barota kan kolai akan panehan. ²⁵ Tapie wayah itie, aku ingkas ka kota Yerusalem hona malayan urang kudus, ²⁶ Laie Mekadonia lalue Akhaya honi kasanang hati mamori sumbangan kan urang susah ka antara urang kudus ka Yerusalem. ²⁷ Urang rami mangaruhnya, laie iyah memang kewajiban urang. Laie amun bangsa bukan Yahudi jadie manarima bagian lalam hal-hal rohani ka urang Yahudi hompunya, maka urang harus malayan urang Yahudi lalam keperluan jasmani urang. ²⁸ Laie iyah, aku jadie manyadi gawi itie lalue mamaterai hasil itie akan urang, aku hona ingkas ka Spanyol malalu kotamu. ²⁹ Aku ingat metuh aku hona manyarang kolai, aku akan datang ka lalam ponuh laie berkat Kristus. ³⁰ Boti tie, aku minta ka kolai, kawan manyari, demi Tuhan diri Yesus Kristus lalue demi kasih Roh, honi bakumpul barota kan aku lalam doa ka Hatalla akan aku, ³¹ nyaman aku dilopaskan mula urang am honta patuh ka Yudea, nyaman pelayananku demi ka Yerusalem bakenan kan urang am kudus. ³² Lalue, nyaman kahona Hatalla akan tahu datang kakolai laie sukacita lalue manapat kasegaran mula kolai. ³³ Lalue damai sejahtera Hatalla menyertai diri uras nya. Amin.