¹ Tuan-tuan, jagae baie-baie hulunmu umaekan bujur tuntang adil laie kolaie ingat bahwa kolaie jam bagora tuan ka surga. (Hal-Hal am harus Dikaruh) ² Rajin-rajinja lalam badoa, umaekan barene-reneng lalue manyokue syukur. ³ Badoa jam akan kamie supayae Hatalla ma ungkap pintue akan firman supayae kamie tahue mamamer akan rahasia Kristus, laienyae akue tapanjara. ⁴ Badoalah akan akue uluh mamarah supayae jelas berae apae saharusnyae akue bapaner. ⁵ Basikap ja bijaksana akan urang-urang luar tahue mahoni kasompatan am sabaik-baiknyae. ⁶ Nauhnyae panermue salalue ponuh kasih, digoromi honie garam, supayae kolaie ingat berae apae saharusnyae manimat satiap urang. (Pesan mulae Paulus akan Urang-Urang am Umae Barotanya) ⁷ Tikhikus akan mangesah uras kabar tahoyue akue. Iyae yah am manyarie saiman dirie am kakasih, pangawi am satia, kawal sapangawi lalam Tuhan. ⁸ Akue manyuruhnyae akan kolai umakan tujuan supayae kolai ingat kaadaan kamie lalue supayae iyae uluh manoguh kan hatiemu. ⁹ Iyae akan datang umaekan Onesimus, manyarie saiman dirie am satia lalue kakasih, siku urang mulae antara kolai. Rang banya mamarahkan akan kolai sagalae macam am ta jadi ditie. ¹⁰ Kawalkue sapenjara, Aristarkhus, mangirim pesan akan kolai, berae iyah jam Markus, nakan Barnabas, am laie iyae kolai jarie manarimae kabar; samut iyae metuh iyae datang ka kolai. ¹¹ Tuntang pesan mulae Yesus, am ditimaie Yustus. Ka antara kawal sepengawie akan karajaan Hatalla, bayae rang itie mah am ba asal mulae kalangan urang basunat, lalue rang manjadie penghibur akan akue. ¹² Epafras, manyarie saimanmu, jongos Kristus Yesus, iyae jam mangirim pesan akan kolai. Iyae salalue bahimat ka lalam doa nyaman kolai ulih badirie toguh umaekan yakin ponuh lalam sagalae kahonae Hatalla. ¹³ Akue ulih mamorie kesaksian macam apae iyae jadi banyak menderita akan kolai lalue akan urang am tege ka Loadikia umakan Hierapolis. ¹⁴ Lukas, dokter am kakasih, lalue Demas, mangirim pesan akan kolai. ¹⁵ Datangkan pesanku akan manyarie ku saiman ka Laodikia, lalue akan Nimfa tuntang ungkup am tege ka dangaunyae. ¹⁶ Lipas iyah surat itie dibacae kan akan kolai, bacaekan jam akan ungkup Laodikia. Sabaliknyae, bacae kan jam surat akan ungkup Laodikia. ¹⁷ Parahkan akan Arkhipus, "Perhatikanlah nyaman kolai manjarie kan tugas pengawie am jadie kolai tarimae mulae Tuhan." ¹⁸ Aku, Paulus, manulis pesan itie honie jarieku kanirie. Ingat ja metuh aku lalam panjara. Pamorie Hatalla mairing kolai.