¹ Amun kolai jarie hirup basamah kan Kristus, gaue kan hal-hal am ka tingie, homan tege Kristus, durue ka sorap kanan Hatalla. ² Pikirkan hal-hal am ka tingie, hontae hal-hal am ka bumie. ³ Laie, kolai jarie matie lalue hirup kolai basambunyie basamah kan Kristus ka lalam Hatalla. ⁴ Metuh Kristus, am yah hirup kolai, mamarahkan dirie-Nya, Manunyukkan akan kadatangan Kristus am kadua kalinya. kolai jam dinyatakan lalam kamuliaan basamah-samah dengan Inya. ⁵ Laie iyah, patie kan sifat apa am ba asal mulae sifat duniawimu, yah am badusa, isa dora, hawa nafsu, kahonae am jahat, lalue sarakah, tuntang manyombah imun. ⁶ Hal-hal bera itie am mangaruh Hatalla honae datang. ⁷ Huran, kolai jam mangawienya metuh kolai masih hirup ka lalam nya. ⁸ Tapie, keken tie, buang am urasnya: kagusar, kamurkaan, kabenci, fitnah, umakan pander am hontae baik mulae bibir kolai. ⁹ Hinang saling marongkae laie kolai jarie maninggalkan hirup kolai am lamat basamah dengan gawie-gawie kolai. ¹⁰ Honie kan hirup am baharue, am tarus-tarus kona baharue ka lalam kapintar am sasuai dengan gambar mula pancipta. ¹¹ Lalam hal itie, hontae arae urang Yunani, hontae arae parbedaan bangsa, atawa urang Yahudi, urang am disunat umakan urang am hontae disunat, urang am hontae ba Adat, urang am sakit, urang am konae hulun umakan urang am monang, tapi Kristus yah sagalanya umakan lalam urasnya. ( Hirup am Baharue dengan Sasama) ¹² Jarie, sabagai urang-urang pilihan Hatalla, am kudus umakan am dikasihi, honie kan akan kolai bolas kasih, karamahan, karondahan hatie, kalombutan, tuntang kasabaran. ¹³ Sabarlah sikue urang akan am bukan, tuntang saling ma ampunie amun tege sikue am basalah akan am bukan. Samah dengan Tuhan am jarie ma ampunie kolai. ¹⁴ Katingie uras yah, honie kan kasih, am manjarie pangowat am sampurna. ¹⁵ Biar am damai sejahtera Kristus mangandalikan hatie mu laie memang akan iyah am kolai konae panggil manjarie satu tuwuh, lalu basyukurlah. ¹⁶ Biar am paner Kristus tingal kalalam kolai malimpah, dengan sagala hikmat kolai maajar umakan manasehati sikue urang taharap am bukan, nyanyikan mazmur, lagu puji-pujian, tuntang nyanyian-nyanyian rohani, urasnya ponuh dengan ucapan syukur ka lalam hatie kolai akan Hatalla. ¹⁷ Apa am kolai gawie, lalam paner atawa parbuatan, gawie kan urasnya ka lalam nama Tuhan Yesus, samil maucap syukur akan Hatalla Ompai dirie, malalue Inya. (Hirup Baharue ka lalam Bakaluarga) ¹⁸ Kawan binie, tunduk lah kolai akan lakiemu bera manih saharusnya ka lalam Tuhan. ¹⁹ Kawan kalakie, kasihi labiniemu lalu hinang kolai kasar akan urangnya. ²⁰ Kawan anak, kolai harus patuh akan urang tuhamu lalam sagala hal laie iyah tahue manyonangkan Tuhan. ²¹ Kawan ompai, hinang kolai mamancing kagusar kawan anakmu nyaman urang hontae jarie patah samangat. ²² Kawan hulun, kolai harus patuh akan Kawan tuanmu am tege ka dunia tie lalam sagala hal. Gawie yah hontae baya metuh urangnya mailae kolai tuntang akan manyonangkan urang malainkan dengan tulus akan Tuhan. ²³ Apa jam am kolai gawie, gawie am dengan sagonap hatie macam akan Tuhan tuntang bukan akan kalunen, ²⁴ laie kolai ingat amun kolai akan manarimae warisan sabagai upah kolai. Kristus Tuhan am kolai layani. ²⁵ Laie, urang am babuat salah akan manarima balasan akan kasalahan am kona gawienya tuntang hontae arae am takacualie.