¹ Metuh iyah, metuh jumlah murid samakin batamah, tege keluhan maluar mula urang-urang Helenis akan urang-urang Ibrani asli laie hinta suka kan kawan balu rana laie maninggal gawi pelayanan pamakan satiap harie. ² Maka, kadua bolas rasul iyah manimai uras murid lalue bapaner, "Hinta bujur akan kamie akan maubah firman Tuhan demi malayan meja. ³ Laie iyah, Kawan Manyari, pilihlah tujuh urang mula antara kolai am tabukti baie, ponuh laie Roh Barasih lalue hikmat, am akan kamie incang akan tugas itie. ⁴ Sedangkan kamie akan batekun lalam doa lalue lalam palayanan firman." ⁵ Pernyataan iyah marami hatie uras urang. Lalue, urang mamilih Stefanus urang am ponuh laie iman lalue Roh Barasih, lalue Filipus, Prokhorus, Nikanor, Timon, Parmenas, lalue Nikolaus, siku proselit mula Antiokhia. ⁶ Urang itie ditaing ka paharap para rasul, lalue metuh badoa, para rasul manumpang jari urang ka tingi tujuh urang iyah. ⁷ Firman Hatalla tarus tasebar lalue jumlah murid ka Yerusalem samakin batamah. Bahkan sakelompok bakah iman jadie patuh ka iman iyah. Panamgkapan Stefanus ⁸ Lalue, Stefanus, ponuh laie anugerah lalue kuasa, jadie mangaruh hal am takjub lalue tana-tana ajaib ka antara urang banya. ⁹ Tapie, babarapa urang mula sinagoge am di joku urang-urang Libertin, baie urang-urang Kirene lalue urang-urang Aleksandria, lalue babarapa mula Kilikia lalue Asia, huas lalue badepat akan Stefanus. ¹⁰ Tapie, urang iyah hinta ulih malawan kabijaksanaan lalue Roh am kan Inya Stefanus bapaner. ¹¹ Lalue, sini-suni urang mahasut babarapa urang akan bapaner, "Kamie jadie manongar urang itie mamaner buti bawa paner am hinta baie akan Musa rang nua Hatalla!" ¹² Urang iyah manimai banya urang, tuha-tuha, kawan ahli-ahli Taurat, lalue am datang manguang stefanus, manangkapnya, lalue ditaing ka paharap Sanhendrin. ¹³ Urang maharap kan saksi-saksi am palsu langsung bapaner, "Urang itie hinta basa bahonti bapaner kata-kata am malawan homan barasih itie lalue Hukum Taurat. ¹⁴ Laie, kamie basa manongar inya mamaner amun Yesus mula Nazaret hona mahancur homan itie lalue maubah adat istiadat am jadie diwaris Musa akan dirie." ¹⁵ Lalue, metuh maila muha Stefanus, uras urang am duru lalam Sanhedrin maila muha nya bera muha malaikat. (Tujuh urang am dipilih untuk pelayanan khusus)