¹ Metuh Petrus rang nua Yohanes bapaner akan insia banya datang uras imam, kapala panjaga Dangau Hatalla, urang Saduki, ² banya am gusar lai inya malajar hansia banya mamaner ka lalam Yesus tege mahuas inya mula urang mati. ³ Lalue, urang manangkap Petrus rang nua Yohanes lalu langsung manama ka lalam panjara sampai arie pagi laie arie jadie malam. ⁴ Amun, banya mula urang am jadie manongar paner para rasul langsung parcaya, laie jumlah kalaki antara urang kira-kira jadie lima ribu kalunen. ⁵ Metuh ari iyah, pamimpi -pamimpin, tuha-tuha, ahli Taurat uras bakumpul ka Yarusalem, ⁶ barota Imam Bakah Hanas, Kayafas, Yohanes, Aleksander, uras urang banya mula manyari Imam Bakah. ⁷ Kametuh urang mangora Petrus Rang nua Yohanes katongah-tongah, urang batanya, ''Honi kuasa sapa kolay mangaruh hal iti?" ⁸ Lalue, Petrus, diponuhi lai kuasa am Barasih, bapaner akan banya urang,"Para Pamimpin am tuha-tuha, ⁹ amun dirie diperiksa arie itie laie perbuatan baie jadie dikaruh urang am lomah itie, honi apa urang itie jadie manyangka? ¹⁰ Nauh nya am hal itie diingat laie ikam uras nya urang Israel laie nama Kristus Yesus, urang Nazaret, am kolay salibkan, am Hatalla huaskan antara urang mati, urang itie badiri kapaharap lalam kaadaan barigas. ¹¹ Yesus itie iyah am: 'Batu am ditolak laie kolay, tukang-tukang bangunan, am jadi Batu Panjuru.' Maz 118:22 ¹² Lalue, mayan ara, kasalamatan kalalam urang bukan lai mayan nama bukan ka loba langit am dibori antara kalunen laie nama iyah dirie tahu diselamatkan." ¹³ Metuh urang manampai karani Petrus rang nua Yohanes am paham urang yah mayan ara sakulah, urang jadie heran mula mangasene urang nua yah jadi basa uma Yesus. ¹⁴ Metuh manampai urang am jadie disangka iyah jadie badiri damping Petrus rang nua Yohanes, urang hinta tahu manangkarnya. ¹⁵ Tapie, metuh urang manyuruh Petrus rang nua Yohanes badari mula Sanhedrin urang bapakat, ¹⁶ samil bapaner, "Apa am harus di karuh akan urang nua tie? Laie, tana ajaib am luar biasa jadi malalu urang yah am nampa akan urang tingal ka Yarusalem, dirie hinta tahu manangkarnya. ¹⁷ Maka mula iyah, nyaman kesah itie honta takesah koyah koti ka hansia banya, ayo diri maancam urang yah nyaman honta bakesah mula akan sapa jua ma honi nama iyah." ¹⁸ Limah iyah, hansia banya manimai Petrus rang nua Yohanes, limah iyah manyuruh urang nua honta mula bapaner atau malajar apa jua honi nama Yesus. ¹⁹ Tapie, Petrus rang nua Yohanes manimat paner akan hansia banya, "Pilih ja, manih am baie lalam panampai Hatalla, nyaman mahoning bungi mu yah am lobih mula Hatalla? ²⁰ Laie iyah, kamie hinta tahu kacuali mamarah apa jua am jadie diila atau dihoning." ²¹ Metuh iyah, urang tarus maancam Petrus rang nua Yohanes, urang maubah rasul-rasul iyah badari, limah iyah hinta manapat carae honi mahukum urang nua laie hansia am mamuji Hatalla laie inya maila tana am tege. ²² Laie, urang am dibori tana kabaie iyah jadie dinyatakan, umurnya lobih ompat puluh tahun. Petrus rang nua Yohanes Baulang ka Kawan Manyari Saiman ²³ Metuh jadie kona lopas, Petrus rang nua Yohanes ingkas nguang kakawalan nya kaniri lalue mangesah am dipaner laie imam kapala am tuha ka urang bukan. ²⁴ Lalue metuh kawan kawalnya iyah manongar, urang maangkat Hatalla honi sahatie lalue bapaner, "Ya Tuhan, Kolai am jadie mangaruh langit, bumi, laut, lalue sagala isinya, ²⁵ am bapaner malalu Roh Barasih, malalu nyawa hamba-Mu, Daud, hia umuh kamie: 'Ngapa bangsa-bangsa bukan malai, lalue urang-urang maila am di siha-siha? ²⁶ Raja-raja dunia basiap-siap, lalue para panguasa bakumpul barota, malawan Tuhan lalue malawan Am Diurapi-Nya.' Mzm. 2:1-2 ²⁷ Laie, sabujurnya kakota jadie bakumpul barota akan malawan Yesus, Hamba-Mu am Barasih, am Kolai urapi, baie Herodes lalue Pontius Pilatus, barota akan bangsa-bangsa bukan, am urang-urang Israel, ²⁸ akan mangaruh sagala suatu am laie jari-Mu lalue rencana-Mu am ditentukan sahompannya akan tajadie. ²⁹ Wayah itie, Hatalla, ila ancaman-ancaman urang bori karunia kan Hamba-hamba mu am mamaner bungi Hatalla honi sagala karani, ³⁰ sahompan Kolay manajur jari-Mu honi manyangka tege tana-tana kaajaiban laie lalam Hamba am puna barasih Yesus." ³¹ Metuh, urang badoa ,baguncang bagulah homan urang bakumpul barami urang uras diponuhi Roh Barasih, am barani mangesah bungi Hatalla honi karani. Pahirup Urang Percaya ³² Lalue, kumpulan urang am percaya, basatu hatie lalam jiwa. Mayan ara urang bapaner barang iyah hompu henya kaniri, tapie uras hal iyah hompu barami. ³³ Lipas iyah, kawan rasul mangesah kasaksian urang akan pahirup Tuhan Yesus am ponuh laie anugerah am bakah katingi urang banya. ³⁴ Mayan ara siku urang am kakurangan mula urang bukan am tege bagora tanah arai lalue dangau, manyualnya, manaing hasil am dijualnya, ³⁵ lalue iyah urang mangora kakaki rasul, langsung mamagi kamasing-masing urang am sasuai kabutuhannya. ³⁶ Bira iyah jam Yusuf, urang Lewi, Katurunan Siprus, am ditimai jam laie kawan rasul, Barnabas, am bamakna 'ana am baie' ³⁷ manyual tanah arai am dihompunya manaing duit uangnya, mangoranya kakaki para rasul. Rasal-Rasul Kawan Mahkamah Agung Yahudi