¹ Limah kami malalu denga salamat, kami haru ingat pulau iyah am di joku Malta. ² Urang banua inyah manunyu ka bai hati am paling bai. Lai, urang manyala api lalu manyamut Urang banya lai metuh inyah nampar hujan riwut colap. ³ Metuh Paulus mangumpul pating rangau kayu ma omahnya ka tingie api, siku Ular am bisa maluar mula am hangat lalu malilit jari Paulus. ⁴ Metuh Urang banua am asli mailanya lau jolu am bisa bagantung ka jari Paulus, Urang bapaner siku dengan am bukan,'' Honta ragu mula, urang iti palaie. Biar inya jadi salamat mula laut, honta kan manalua kolai hirup." ⁵ Tapi, Paulus mangobar ular lalam api inya honta luka sama sakali. ⁶ Urang mangira Paulus komang, jatu, mati metuh iyah jam. Tapi, limah urang lamat mananti lalu honta maila am salah ka inya, urang barubah pikiran lalu bapaner Paulus tie Dewa. ⁷ Damping diah, tege tanah am hompunya pamimpin ka banua iyah am banama Publius, am manyamut kami lalu manyadia pamakan kami salama tolu ari. ⁸ Metuh iyah, ompai Publius galing ka homan tidur lai honta barigas lai sakit porut. Paulus datang malauh lalu badoa kan inya, lalu ma omah jarinya ka tingie pala Urang iyah lalu bai. ⁹ Limah kejadian inyah, urang banya datang jam ka Paulus lalu bai. ¹⁰ Urang lobih maroga kami metuh kami hona balayar, urang manyadia kaperluan kami. ¹¹ Limah tolu bulan am lalu, kami balayar kalalam kapal mula Aleksandria, lalu singah ka banua inyah salama musim colap lalu mahoni Dioskuri, akan lambangnya. ¹² Limah datang ka Sirakusa, kami diam diyah salama tolu ari. ¹³ Koyah kami balayar malalu pantai lalu datang ka Regium. Limah pagi, riwut salatan mahombus, limah ari iyah, kami datang ka Putioli. ¹⁴ Diah badapat ka kawan manyari am sa iman lalu barahi diam uma urang salama tujuh ari. Lalu, kami ingkas ka Roma. ¹⁵ Lalu, kawan manyari am sa iman am koyah, tege manongar kami, datang mula koyah sampai ka Forum Apius rang nua Tres Taberne nyaman badapat kan kami. Metuh Paulus maila urang, inya basukur ka Hatalla lalu hati nya di toguh kan. Paulus Ka Kota Roma ¹⁶ Limah kami datang ka Roma, Paulus tahu diam kaniri, rang nua ana buah am manamah inya. ¹⁷ Tolu ari limah inyah, Paulus mangumpul panuha urang Yahudi am tege diah, lalu limah iyah urang bakumpul,inya bapaner ka urang,'' Kaban manyari, walau pun aku honta mangaruh apa-apa malawan bangsa diri atau adat istiadat hiya umuh,Tapi aku di sorah manjadi tahanan urang mula Yerusalem mula jari urang Roma. ¹⁸ Limah urang jadi mariksa aku, urang hona malopas aku lai mayan ara alasan tahu mahukum mati aku. ¹⁹ Tapi, urang Yahudi honta tarima, tapaksa aku nai banding ka urang Kaisar, bukan ba arti aku tege tuduhan malawan bangsa ku. ²⁰ Lai iyah, aku jadi maminta nyaman maila kolai lalu bapaner aku kona rantai iti lai paminta urang Israel." ²¹ Lalu, urang bapaner ka Paulus,'' Kami honta tarima surat mula Yudea lai mayan siku urang mula manyari saiman am datang diti mamori kabar atau manarima am honta bai ka kolai. ²² Tapi, kami hona manongar mula kolai apa pandapat mu lai sekte itie, kami ingat kamanih urang malawan inya.'' ²³ Metuh urang jadi mamutuskan saari akan Paulus, urang datang ka Paulus ka homan inya diam, bauma urang banya. Mula suung sampai malam, Paulus manjelas ka urang lalu basaksi akan karajaan Hatalla lalu bausaha mayakin urang akan Yesus, bai mula Hukum Turat Musa, bai kitab para nabi. ²⁴ Babarapa urang jadi yakin apa am dipaner Paulus, tapi am bukan manula nyaman honta parcaya. ²⁵ Metuh urang honta satuju siku kan am bukan, urang badiri limah Paulus bapaner lalu batanya, "Memang bujur apa am dipaner Roh Barasih ka hia umuh mu malalu nabi Yesaya, ²⁶ 'Badari kabangsa itie lalu panerkan: Kolai manongar, tapie honta basa paham, lalu kolai maila, tapie honta mangerti. ²⁷ Lai, hati bangsa itie jadi dadal lalu poning nya borat honi manongar. Urang jadi manutup mata nya. Nyaman, honta urang manampai honi mata rang, manongar honi poning rang, paham mula hati urang am babali limah iyah, aku manyangka urang.' Yesaya 6:9-10 ²⁸ Limah iyah, biar am iti kolai ingat laie kasalamatan mula Hatalla itie jadi sampai ka bangsa am bukan lai urang akan manongar nya.'' ²⁹ [Limah Paulus bapaner baparu, urang Yahudi badari lai banya honta samah panapat antara urang.] ³⁰ Paulus diam palamat 2 tahun kadangau am disewanya kaniri lalu manyamut urang banya am datang ka inya, ³¹ samil mamarah Karajaan Hatalla samil balajar kesah Tuhan Yesus Kristus honi ponuh karani mayan ara halangan suti jua