¹ Demi akan panatang-Nya lalu demi kerajaan-Nya, akan bujur-bujur, aku bapantal kakolai kapaharap Hatalla lalu Yesus Kristus am akan manghakimi urang am hirup lalu am mati: ² kabarkan Firman, sadiakan am baie lalu am baie waktunya; salukan, nasehatkan, lalu dorongkan urang nyaman ponuh kasabaran lalam pangajaran. ³ Lai, akan datang saatnya katika urang honta hona manarima ajaran sehat. Sabaienya, honi mamuaskan poning, urang akan magumpulkan guru akan diri kaniri am sasuai akan kahona urang. ⁴ Urang akan bapaling manongar urang mula kabujur lalu babali ka dongeng. ⁵ Sedangkan kolai, waspada lalam sagala hal, batahan lalam kasusah, gawiekan tugas barita Injil, lalu jadikan palayanmu. ⁶ Lai, aku jadi curah bera cawan persembahan, waktuku badari jadi datang. ⁷ Aku jadi batarung lalam patarungan am baie; aku jadi maakhiri pertandingan; aku jadi mamelihara iman. ⁸ Wayah iti, mahkota ka bujur jadi kona sadia kan aku. Metuh ari iti, Tuhan, Hakim am adil, akan mahadiahkannya ka aku, tapi bukan baya kan aku, tapi jam kan uras urang am taharu akan panatang-Nya. Pesan Pribadi Paulus Akan Timotius ⁹ Bausaha nyaman laca datang ka aku ¹⁰ laie Demas maningalkan aku, laie inya mancinta dunia iti lalu badari ka Tesalonika. Kreskes jadi badari ka Galatia rang nua Titus ka Dalmatia. ¹¹ Baya Lukas am uma aku. Alapkan Markus lalu taing inya uma kolai laie inya bujur baguna akan aku akan palayanan. ¹² Aku jadi mautus Tikhikus ka Efesus. ¹³ Amun kolai datang, taing jubah am di tingalku ka Kaspus ka Troas lalu jam buku-bukuku, am utama uras perkemahan iti. ¹⁴ Aleksander, am tukang bosi iyah, bujur aman marugikan aku. Tuhan akan mamalas sasuai apa am dikaruhnya. ¹⁵ Kolai hati-hati jam akan inya lai inya bujur manantang ajaran diri. ¹⁶ Metuh pembelaanku am partama, mayan ara siku urang mun am mandukung aku lai urasnya jadi maningal aku. Mudahan hal iti honta kona balas katingi urang. ¹⁷ Tapi, Tuhan badiri ka damping aku lalu manguatkanku nyaman kabar iti tahu kona baritakan saponuhnya mula aku, lalu uras urang bukan Yahudi tahu manongarnya. Amun beraiyah, aku kona lopas mula nyawa singa. ¹⁸ Tuhan akan manyalamatkan aku mula satiap pangawi am jahat lalu akan manaing aku ka ajaran sorgawi-Nya nyaman salamat. Akan Inya kamulian sampai salama-lamanya. Amin. Salam terakhir ¹⁹ Sampaikan salamku ka Priskila rang nua Akwila, lalu ka saisi dangau Onesiforus. ²⁰ Eratus totap diam ka Korintus, lalu Trofimus aku kona tingal lalam kaadaan kanyaman ka Miletus. ²¹ Lalu bausaha datang diti sahompan musim colap. Ebulus, Pudes, Linus, Klodia, lalu uras manyari saiman magirim salam akan kolai. ²² Tuhan manyertai rohmu. Anugerah manyertai kolai.