¹ Kawan manyari, badoa kan kamie, supaya firman Tuhan dapat tasebar dengan copat kan kamuliaan, samacam am tajadi kan dirie kanirie ² Supaya kamie lopas mula urang-urang am jahat laie hontae urang urang tege iman. ³ Tapie, Tuhan yah setia. Inya am manguat kan malindung kolae mulae am jahat ⁴ Kami Tege keyakinan lalam Tuhan malaie kolae bahwa kolae metuh mangawi am apa kamie parintah. ⁵ Kiranya Tuhan marahkan Hatimu kan kasih Hatalla am ka katabahan Kristus. ⁶ Kawan-manyarie, botitie kamie parintan kolae, lalam nama Tuhan dirie, Yesus Kristus, supaya kolae manyauh dirie mulae kawan-manyarie am hirup malas kan honta sasuai dengan ajaran am kolae tarima mula kami. ⁷ Kolae kanirie tahu berapa kolae harus maneladan kmai laie kami honta malas katika kamie uma kolae. ⁸ Kamie jam honta tahu makan pamuseh urang bukan mun honta mamayarnya sabalihnya, kamie bausaha kan bahimat bagawi mula tongah arie kan malam arie supaya kami honta manjadie beban kan sapa pun laie kamie. ⁹ Bukan laie kamie honta bauilih hak akan iyah, bukan akan mamori dirie kamie kanirie samah kan contoh akan supaya kolae mauma. ¹⁰ Metuh kamie masih umae kolae jam, kamie mamorie mu parintah itie: "Amun urang honta hona bagawi, hinam iyae makan." ¹¹ sabab kamie nongar tege babarapa antara kolai am hirup losung, honta hona bagawi, tapi daur akan hal-hal am honta baguna. ¹² Urang bera iyah kamie suruh lalue nasehat lalam nama Tuhan Yesus kristus akan bagawi jadie tenang lalue makan rotinya kaniri. ¹³ Tapi kolae, kawan-manyarie ku, hinam lomah mangaruh am baie. ¹⁴ Amun tege urang am honta mentaati apa am kamie panerkan lalam surat itie, tana ka rang iyah lalue hinam bagaul kan iyae supaya iyae manjadie malue. ¹⁵ Tapi, hinam mangaruh inya jadi musuh, tapi salu kan inya adie siku urang manyarie. ( Panatang Bunggi Am Taahir) ¹⁶ Tuhan damani sejahtera mamorie kolai satiap katika lalue lalam sagalae kadaanyae. Tuhan barotae kan urang urasnya. ¹⁷ Akue tie, Paulus, manulis pesan itie honie jarie ku kanirie akan tana keaslian suratku. berae iyah akue manulisnyae. ¹⁸ Pamorie mulae Tuhan dirie, Yesus Kristus, mairing kolai urasnya.