¹ Metuh itie, manahiue panatang Tuhan dirie, Yesus Kristus, metuh di paumanya dirie barotae akan Inyae, Dirie maminta, kawan-manyarie. ² Supaya kolae hinang copat binggung lalam pikiranmu am gelisah metuh manongar arie Tuhan jadie datang, baie mulae roh* atauwa kabar atauwa surat am berae mula kamie. ³ Hinang mauwah siku jam manyosat kolae kan cara bera apa ja. Sabab, arie iyah honta kan datang sahompan kamurtad datang kan kalunen am honta baie dipaner, iyaham ana am binasa, ⁴ am malawan kan manamam kan arepnya kan urasnya am dijoku hatalla atawa am disomah urang; laluie inya mangalap homan duru ka homan Dangau Hatalla lalue mamarah nirienya jadi Hatalla. ⁵ Honta inggat kah kolaie bahwa metuh aku masih umae kolae, aku mamaner hal itie kan kolae. ⁶ Metuh itie, kolae inggat apa am manahan inyae maka tege katikae nyae nonae. ⁷ Sabab, masteri kadurhaka jadie nampara bagawi, bayae inyae am manahanya metuh itie kan totap manahan inyae sampai kona usir. ⁸ Lalu, kalunen am hontae biae iyah kan nyata. Tapi, Tuhan kan mampatie inyae kan kosah nyawa-Nya am malonyap laie panatang-Nya. ⁹ Panatang kalunen am hontae baie kan samah kan pangawi kawan iblis*, diumae kan sagala macam kuasa, tana-tana ajaib, kan mijizat-mujizat marongka: ¹⁰ Kan uras tipu muslihat am hontae baie bagie urasnya am kan binasa laie uras am honta hona mangasihi kabujur akan selamat. ¹¹ Maka laie iyah, Hatalla manggirim kasosat am tinggie uras supaya urang banya am percaya kan karongka, ¹² Lalu uras kona hakim, iyaham uras am honta percaya kan kabujur am ramie akan kejahatan. (Kolaie Tapilih akan Tasalamat) ¹³ Kawan-manyari am die kasih Tuhan, kami hona bersyukur akan Hatalla akan kolaie. Sabab, Hatalla jadi mamilih kolaie mulae sulanya kan selamat malalui pengkudusan, laie Roh akan iman lalam kabujur. ¹⁴ Akan iyah Hatalla manimaie kolae malalui injil am kami paner supaya kolae tahu dapat kamulian Tuhan dirie, Yesus Kristus. ¹⁵ Jadie kawan manyarie, baduru kuat gongam lah ajaran-ajaran am jadie diajar kan kolae, baie malalui paner maupun malalui surat kamie. ¹⁶ botitie, botikiranya Tuhan dirie, Yesus Kristus, kanirie kan Hatalla ompai dirie, am jadie mangasih dirie kan mamorie diri karamie kekal kan pengharapan am indah malalui anugerah, ¹⁷ mahibur kan manguarkan hatimu lalam satiap pangawi kan paner am bujur.