¹ Bagiku, yaham balobihan akan manulis ka kolai tuntang palayanan ka urang-urang kudus itie. ² Lai, aku maingat karelaanmu, am aku baagak masalah kolai ka urang -urang Makedonia, iyaham Akhaya jadi siap metuh tahun bahari semangat am jadi manganyahkan sabagian bakah mula urang. ³ Akan tapi, aku mangutus manyari-manyari itie nyaman baagak kami kolai honta dijadi sia-sia lalam hal itie. Dengan sakian, kolai siap saria bera am jadi kuparahkan. ⁴ Lai, barapa urang Makedonia datang barota-rota denganku lalu urang baulih kolai hompan siap, kami (honta perlu kami mamarahkan kolai) akan mamalukan lai parcaya itie. ⁵ Lai iyah, aku bapikir penting akan mandasak manyari itie badari lobih holu ka kolai lalu basiap mamori am jadi kolai janji sahompannya. Dengan sakian, pamori iyah siap akan manjadi pamori sukarela, bukan lai tapaksa. ⁶ Aku mamarahkan hal itie: sapa am manabur koci akan manuai koci jam, amun urang am manabur banya akan manuai banya jam. ⁷ satiap urang harus mamori bera am jadi inya putuskan lalam hatinya, bukan dengan barami atau ka loba paksa lai Hatalla masiha urang am mamori dengan barami. ⁸ Amun, Hatalla sangup manunyukkan uras anugerah ka kolai nyaman kolai salalu hompu uras kacukup lalam sagala hal batuyuk lalam satiap gawi bai. ⁹ bera am tatulis: ''Inya jadi mambagi-bagikan, Inya jadi mamori ka urang miskin, kabujur-Nya tatap akan salamanya''. Mazmur 112:9 ¹⁰ Botie tie, Inya am manyadia bibit bagi panabur lalu wadai sabagai makan, akan manyadia manumpuk banya bibitmu akan ditabur lalu akan mambanya hasil-hasil kabujurmu. ¹¹ kolai akan kaya lalam sagala hal tingi uras kamurah hatimu, am malalu kami mahuaskan ucapan syukur ka Hatalla. ¹² Lai, bantuan palayanan itie bukan baya mancukupkan kaperluan urang-urang kudus, tapi manunyukan ucapan syukur ka Hatalla malalu banya urang. ¹³ malalu bukti palayanan itie, urang akan mamuliakan Hatalla lai taatanmu ka pangakuanmu akan Injil Kristus, akan uras kamurah hatimu lalam babagi ka urang uras urang. ¹⁴ Amun, lalam doa-doa urang akan, urang bagaukanmu lai kasih karunia Hatalla am batuyuk katingimu. ¹⁵ Syukur ka Hatalla tingi mamori-Nya am honta baparahnya!