Pangumpulan Persembahan Kasih kan Urang Kudus ¹ Wayah iti, kawan manyari, kami hona kolai maingat tuntang anugrah Hatalla am jadi kona bori ka ungkup ka Makedonia, ² bahwa lalam banyanya ujian panderitaan, kalimpahan suka cita am bakah kasusah urang jadi malimpah lalam kakayaan katulusan hati urang. ³ Aku basaksi akan urang mamori sasuai akan kamampuan urang, bahkan lobih kamampuanya am tingie sukarela urang kaniri. ⁴ Urang maminta kakami, akan ma anugrah am turut mangalap bagian lalam palayanan urang kudus. ⁵ Lalu, iti am urang mangaruh, bukan bera am kami harap, partama, urang mamori diri urang kaniri ka hatalla, lalu ka kami lai ka hona Hatalla. ⁶ jadi, magosa Titus, bera inya jadi mamulinya, bera inyah jam inya akan manyari pagawi anugerah iti ka antara kolai. ⁷ Tapi, samah bera kolai balimpah lalam sagala hal, lalam imam, pamaner, pangigan sagala usaha, lalam kasihmu paharap kami, kahonanya kolai jam balimpah lalam anugerah iti. ⁸ Aku honta mamaner sagala parintah, tapi honi maguji lalu kabujur urang bukan tuntang kaiksan kasihmu, ⁹ lai, kolai ingan anugerah Tuhan diri Yesus Kristus , bahkan inya kaya, inya honta jadi miskin akan kolai nyaman malalu kamiskinan-Nya, kolai jadi kaya. ¹⁰ Tapi, lalam iti aku mamori panapatku, iti inyaham akan ka untunganmu, am mula tahun bahari, kolai bukan baya mangaruhnya, tapi jam bakahona mangaruhnya. ¹¹ Jadi, wayah iti, sasuai akan pagawi iti nyaman sapadan akan karelamu akan manyasuai apa am tege kakolai. ¹² Lai, amun tege kasiapan am mamori, mamori iti akan kona tarima, badasar apa am hompu urang, lalu bukan badasar apa am honta hompunya. ¹³ Am iti bukan honi manompuk urang bukan lalu mambeban kolai, tapi nyaman tege kasaimbangan. ¹⁴ Biar kolobihmu wayah iti cukup akan kakurang urang nyaman lobih urang lalu mancukup kakurangan kolai. Tapi am iti tege kasaimbangan. ¹⁵ Bera kona tulis lalam Kitab Suci, ''Urang am magompul banyak, honta lobih tapi urang am magompul koci, honta kurang.'' Keluaran 16:18 ¹⁶ Tapi, syukur akan Hatalla am magora lalam hati Titus sebujurnya apa am samah akan aku hompu kan. ¹⁷ Lai, inya honta baya manarima anjuran kami, tapi akan kabujur am bakah, inya datang kakolai lai kahonanya lai kaniri. ¹⁸ Basamah Titus, kami mautus kawan manyari am kona puji ka antara urang uras ungkup lalam pemberitaan injil. ¹⁹ Bukan iti meh, inya jam kona tunyu lai ungkup nyaman badari bauma kami lalam palayanan anugerah iti, am kami karuh honi naing kamuliaan akan Tuhan lalu honi manyangkut karelaan kami. ²⁰ Kami bujur-bujur nyaman honta ara urang am akan maolo kami lalam pamori am bakah akan kona atur lai kami iti. ²¹ Kami bausaha mangaruh apa am bujur, honta baya lalam pandangan Tuhan, tapi jam lalam pandangan kalunen. ²² Lai, basamah urang, kami manyuruh manyari kami uji lai tabukti lalam banya hal, lobih mula metuh inya makin rajin lai inya hompu kayakinan am bakah kapaharapmu. ²³ Wayah iti tuntang Titus, tege am bapasangan rang nua kawal bagawiku am akan bamampaat akan kolai.Sedangkan kawan manyari diri am bukan, urang utusan ungkup, suti kamulian akan Kristus. ²⁴ Jadi tunyukan ka urang, kapaharap ungkup bukti kasihmu akan ka bangga kami akan kolai.