¹ (Gambalakan Domba-Domba Hatalla) ¹ Laie iyah, bera samah panatua umakan saksi mata panderitaan Kristus, lalu jam jadi urang am akan uma mangalap bagian lalam kamulian am akan kona nyata, aku mandorong para panatua am tege ka antara kolai: ² Gambalalan domba-domba Hatalla am tege ka kolai! Hinang laie paksaan tapi honi suka rela, bera am Hatalla kahona; hinang mangaruhnya honi ka untungan am hina, tapi laie ka sadianmu. ³ Hinang jam batindak bera panguasa paharap urang am kona parcaya ka lalam tanggung jawabmu, tapi jadikan taladan akan kawanan iyah. ⁴ Amun bera iyah, katika mananti Sang Gembala Agung datang, kolai akan manarima mahkota kamulain am honta akan kolas. ^{5 5} Bera iyah jam kolai, am lobih bia patuh ka tuha-tuhamu; Lalu honakah kolai uras mahompu ka ronahan hati, am siku urang ka am bukan laie: Hatalla manantang urang am sombong, tapi Inya mamori anugerah ka urang am ronah hati. Amsal 3:34 ⁶ Laie iyah, ronahkan dirimu ka lowa jari Hatalla am ponuh kuasa. Maka, Inya akan maningikan kolai metuh waktunya. ⁷ Sorahkan uras kagalisahanmu ka Hatalla laie Inya am mamelahara kolai. ⁸ Waspada lalu bajaga-jaga! Musuhmu, si iblis, bajalan mondar-mandir bera singa am mangarauk, mangau pamakan, akan kona puseh. ⁹ Lawankan Iblis! Badiri toguh lalam imanmu laie kolai ingan laie ka saluruh dunia, kawan manyari saimanmu jam mananggung pandaritaan am kolai alami. ¹⁰ Lalu, limah kolai mandarita am samantara waktu, Hatalla sumber sagala anugerah am jadi manimaimu nyaman uma ngalap bagian lalam kamulian-Nya, am kekal ka lalam Kristus akan mamulihkan, manoguh, manguatkan, lalu mamisik kolai. ¹¹ Akan Inya am, kuasa akan salama-lamanya.Amin! (Salam Panutup) ¹² Aku manulis surat singkat iti ka kolai malalu Silwanus, am ku kasene, bera manyari saiman am satia. Aku hona mamori samangan umakan kasaksian kakolai, laie iti inyaham anugerah am sajati mula Hatalla. Badiri toguh ka lalam anugerah iyah. ¹³ Ungkup am tege ka Babilonia, am jam umat pilihan Hatalla, manyampaikan salam kakolai. Markus, anaku lalam Kristus, jam manyampaikan salam akan kolai. ¹⁴ Borikan salam sutikan am bukan akan ciuman kasih. Damai Sejahtera akan uras am tege lalam Kristus. Amin.