¹ Jadie, laie Kristus jadie sia-sia sacara jasmani, honalah kolai mempersenjatakan kanirimu honi pikiran am samah, laie urang am jadie mansai kasiha-siha jasmani, jadie bahonti mangaruh dosa ² jadie lalam manjalan sisa hirup ka dunia itie, inya honta mula mauma kahona kalunen, tapie kahona Hatalla. ³ Laie cukup waktu metuh masa lalue mu akan mangaruh kabiasaan urang-urang am honta mangasene Hatalla; hirup lalam hawa nafsu, pamabu, hura-hura,minum-minum, lalue manyomah patung am ponuh ilahi. ⁴ Wayah itie, urang bujur bingung metuh manapat amun kolai honta mula uma lalam kajahat liar am urang karuh. Laie iyah, urang manggosip kolai. ⁵ Tapie, urang akan mamori pertanggungjawaban ka Inya am akan mahakim urang am hirup lalue matie. ⁶ Akan alasan itie am, injil di paner ka urang-urang am wayah itie jadie matie biar pun urang jadie di hakim kadunia itie sasuai dengan standar kalunen, tapie urang hirup sacara roh manurut ukuran Hatalla. Honikan Karuniamu akan Melayani ⁷ Pahabis mula sagala sasutu jadie damping. Laie iyah, baie-baie lalue bajaga-jaga nyaman tahu badoa. ⁸ Ka tingi uras iyah, tarus saling manyiha honi bujur-bujur laie kasih manutup banya dosa. ⁹ Tunyukan keramahan suti kan am bukan tanpa ka oyoh. ¹⁰ Laie satiap urang jadie manarima karunia, honikan iyah akan malayan suti kan am bukan jadie palayan am baie tingi karunia mula Hatalla: ¹¹ sapa am bapaner, baie inya bapaner jadie urang am mamarah firman Hatalla; lalue sapa am malayan, baie inya malayan honi ka onya am Hatalla bori nyaman lalam sagala hal, Hatalla dimuliakan malalu Yesus Kristus. Akan Inya kemuliaan lalue kuasa sampai salama-lamanya. Kasiha-siha jadie Pauma Kristus ¹² Kawan manyari am ku sayang, hinang tagiat laie api pancobaan am datang akan mauji kolai, saolah-olah sasuatu am aneh timul katingi kolai. ¹³ Tapie, baramilah laie kolai uma mangalap bagian lalam kasiha Kristus nyaman kolai jam tahu basukacita lalue barami metuh kemuliaan-Nya ditampa. ¹⁴ Baramilah amun kolai hina laie nama kristus, laie Roh kemuliaan lalue Roh Hatalla diam ka lalam kolai. ¹⁵ Tapie, hinang tege ka antara kolai am siha-siha jadie pamati, pangolit, pelaku kajahat, lalue jadie urang am suka mancampur urusan urang bukan. ¹⁶ Tapie, sapa pun am siha-siha jadie urang Kristen, hinang inya malu, sabalinya honalah inya mamuji Hatalla laie manangung panyoku iyah. ¹⁷ Jadie saatnya penghakiman dimulai mula keluarga Hatalla. Lalue, amun penghakiman Hatalla dimulai mula dirie, bera apa nasib-nasib urang am honta taat ka Injil Hatalla? ¹⁸ Amun urang saleh meh holin akan diselamatkan, bera apa urang jahat lalue urang badosa? Amsal 11:31 ¹⁹ Laie iyah, nauh nya am urang am siha-siha laie kahona Hatalla, mampercaya jiwanya ka Sang Pencipta am setia, samil tarus mangaruh apa am baie.