¹ Ilakan batapa bakah kasih am Ompai karuniakan akan dirie sahingga dirie di jokue anak-anak Hatalla, umakan memeng dirie ialah anak-anak Hatalla. Laie iyah, dunia honta kasene dirie sabab dunia hontae kasene Inya. ² Manyarie-manyarie am kukasihi, wayahtie dirie ialah anak-anak Hatalla, tapi nulat apa keadan dirie nonae hompan ilae. Namun, dirie ingat akan katika Inya datang, dirie akan jadie nulat Inya laie dirie akan maila Inya lalam keadaan-Nya am sebujurnya. ³ Satiap urang am mahompu pengharapan itie lalam Kristus, inya manyucikan dirinya, samah nulat Kristus ialah suci. ⁴ Satiap urang mangaruh dusa jam malangar hukum laie dusa ialah palangaran akan hukum. ⁵ Kolaie ingat bahwa Kristus nyata akan mahapus dusa, dengan lalam Inya hontae tege dusa. ⁶ Satiap urang am diam lalal Inya hontae mangaruh dusa; hontae saurang pun am badusa jadi maila umakan kasene Inya. ⁷ Anak-anakku, umet biarkan saurang pun manyosatkanmu. Urang am mangaruh kabujur ialah urang bujur, samah nulat Kristus ialah bujur. ⁸ Urang am manhgaruh dusa baasal mula setan laie setan jadie badusa mula hariah. Anak Hatalla datang tujuan itie: mahancurkan perbuatan-perbuatan setan. ⁹ Honta saurang pun am lahir mula Hatalla mangaruh dusa laie bibit Hatalla diam lalam Dirinya; dengan inya hontae ulih mangaruh dusa laie inya jadie dilahirkan mula Hatalla. ¹⁰ Nulat inyah, sapakah anak-anak Hatalla dengan sapakah anak-anak Iblis manjadie Jelas. Urang am hontae mangaruh kabujur hontae baasal mula Hatalla, inyah jam urang am hontae mangasihi manyari-manyarinya. ( Samah Mangasihi ) ¹¹ Sabab, itilah barita am jadie kolaie dongar mula awal, yaham samah mangasihi. ¹² Umet jadie nulat Kain, am baasal mula am jahat umakan am mampati aringnya. Dengan, mangapa Kain mampati aringnya? Sabab, kelakuan Kain jahat dan kalakuan aringnya bujur. ¹³ Manyari-manyariku, umet tagiat kalau dunia itie membencimu. ¹⁴ Dirie ingat bahwa dirie jadie maluar mula kamati manuju kahirup laie dirie mangasihi manyari-manyari. Urang am hontae mangasihi manyarinya diam lalam kematian. ¹⁵ Satiap urang am benci manyarinya ialah saurang pambunuh, dengan kolaie ingat bahwa honta tege pambunuh am mahompu hirup kekel lalam dirienya. ¹⁶ Nulat itie diri kasene kasih: Yesus Kristus manyorah hirup-Nya akan dirie. Jadie, dirie jam harus manyorah hirup dirie akan manyarie-manyarie dirie. ¹⁷ Namun, apabila urang mahompu harta duniawi, drengan maila manyarienya lagi mamerlunya, tapi manutup hati akan manyarienya, apa mungkin kasih Hatalla tege lalam hatinya? ¹⁸ Anak-anakku, marilah dirie mangasihi hontae dengan paner atau lilah, malainkan dengan kalakuan umakan kabujur. ¹⁹ Dengan itie, dirie akan ingat bahwa dirie baasal mula kabujur umakan dirie akan manoguhkan hati dirie paharap Hatalla. ²⁰ Sabab, apabila hati dirie manyalahkan dirie, Hatalla lobih bakah mula hati dirie, dengan Inya ingat uras sasuatu. ²¹ Manyarie-manyarieku am kukasih, jaka hati manyalahkan dirie, dirie mahompu keyakinan diri paharap Hatalla. ²² Apa pun am dirie minta, dirie manarimanya mula Hatalla laie dirie manurut parintah-parintah-Nya dengan mangaruh apa am berkenen akan Inya. ²³ Dengan, itielah parintah Hatalla, ialah nyaman dirie percaya lalam nama Anak-Nya, Yesus Kristus, umakan saling mangasihi nulat am jadie Inya Parintahkan akan dirie. ²⁴ Urang am manaati printah-parintah Hatalla diam lalam Inya, dengan Hatalla diam lalam inya. dengan itie dirie ingat bahwa Hatalla diam lalam dirie, laie Roh am Hatalla karuniakan akan dirie.