¹ Bera itie kahona urang mahitung kamie itie samahkan hamba-hamba Kristus lalue urang am dipercaya rahasia-rahasia Hatalla. ² Lalue macam iyah, urang am diparcaya samahkan am baroga haruskah urang iyah dipercaya. ³ Amun, manurut ku honta lah penting jakai aku dihakim laie kolai lalue laie pengadilan kalunen. Malahan, aku kaniri honta mahakim kaniri ku. ⁴ Laie, aku honta sadar apa pun akan aku kaniri. Amun, honta laie hal iyah aku bujur, laie Tuhan yah am mahakim aku. ⁵ Laie iyah, hinang mahakim sahompan waktu nya, sahompan Tuhan datang iyah. Inya akan manorang pangawi am takalinung laie potang lalue akan mamarah maksud hati. Lalue, satiap urang akan baulih pujian mula Hatalla. ⁶ Kawan manyari, aku jadie mamaner hal itie kan aku kaniri ku lalue Apolos demi kolai nyaman kalalam kamie, kolai tahu balajar honi honta malobih mula apa am ditulis lalue honta salah suti mula kolai am jadie sombong suti kan am bukan. ⁷ Laie, sapa am mambedakan kolai? Apa am hemu hompunya, am honta kolai tarima? Lalue, amun kolai memang manarima nya, ngapa kolai sombong kan kaniri mu saakan-akan kolai honta manarima nya? ⁸ Kolai jadie konyang, kolai jadie sugih! Mayan kamie, kolai jadie raja! Aku maharap kolai bujur-bujur kolai jadie raja nyaman kamie tahu mamarentah barota kolai. ⁹ Laie, manurut ku, Hatalla jadie maomah kamie, para rasul, kahoman am terakhir, bera urang am dijatuh hukuman mati; laie kamie jadie tontonan kan dunia, malainkan malaikat-malaikat kalunen. ¹⁰ Kamie bungul demi Kristus, tapie kolai bijaksana lalam Kristus. Kamie lomah, tapie kolaie onya. Kolai tahormat, tapie kamie hina. ¹¹ Sampai wayah itie, kamie kaporan lalue haus, honi pakaian rabit-rincai, ditukuh, lalue hirup marantau. ¹² kamie oyoh, bagawi honi jari kaniri. Metuh kamie kona hina, kamie memberkati. Metuh kamie kona siksa, kamie batahan. ¹³ Metuh kamie dituduh, kamie manimat honi ramah. Lalu, Sampai wayah itie, kamie jadie rogang dunia wayah itie, isa mula sagala sasuatu. ¹⁴ Aku manulis hal-hal itie bukan ngaruh kolai malu, nyaman honi manyalu kolai samahkan babia am aku kasihi. ¹⁵ Laie, biar pun kolai mahompu sapuluh ribu guru lalam Kristus, kolai honta bagora banya ompai. Laie lalam Yesus Kristus, aku tie am jadie ompai mu malalu Injil. ¹⁶ Jadie, aku manorong kolai, jadie urang am manurut taladan ku! ¹⁷ Itie am laienya, aku jadie mautus kolai Timotius, ana ku am ku kasihi lalue am satia kalalam Tuhan. Inya akan maingat mengenai jalan-jalan ku lalam Kristus, bera am aku lajar kamanih-manih, lalam satiap ungkup. ¹⁸ Babarapa mula kolai jadie sombong, saolah-olah aku honta akan datang mula ka kolai. ¹⁹ Amun, aku laca datang kakolai, amun Tuhan bakahona, lalue aku akan maingat bukan laie paner urang am sombong yah, tapie inya kuasa urang. ²⁰ Laie, karajaan Hatalla honta lalam paner, bukan nya lalam kuasa. ²¹ Apa am kolai dikahona mu? Apa aku harus manguang kolai honi tungkat apa honi kasih lalue roh kalemahlembut?