¹ Tapie, Kawan manyari, aku honta tahu bapaner ka kolai bera ka kalunen am rohani, bukan samah bera kalunen dunia, iyah am samah kan onin lalam Kristus. ² Aku mamori kolai mahirup susu, bukan puseh lai, laie kolai honta mampu, bahkan wayah itie kolai honta mampu, ³ laie kolai masih dunia. Laie, amun tege ka jahat hati lalue tege salah paham ka antara kolai, apa kolai masih duniawi lalue hirup sacara kalunen? ⁴ Laie, metuh siku urang bapaner, "Aku ka pihak paulus," lalue am bukan, "Aku ka pihak Apolos," apa honta iyah baarti kolai iyah am kalunen? ⁵ Lalue, sapa Apolos iyah? lalue, sapa Paulus iyah? Hamba am laie kolai jadie parcaya bera am Tuhan karuniakan ka kaniri-kaniri. ⁶ Aku mananam, Apolos manyura, tapie Hatalla am manumuhnya. ⁷ Jadie, bukan am mananam, bukan jam am manyuranya, iyah am Hatalla am manumuhnya. ⁸ Urang am mananam lalue am manyuranya iyah am suti, lalue kaniri-kaniri akan manarima upahnya kaniri sasuai usahanya kaniri. ⁹ Laie, kamie iyah am kawal suti gawi kan Hatalla; kolai iyah am humae Hatalla, dangau Hatalla. ¹⁰ Samahkan kuasa Hatalla am dibori ka aku, samahkan siku ahli bangunan am terampil, aku mangora fondasi lalue am bukan mangaruh katinginya. Lalue, satiap urang harus manampai apa ulahnya inya mangaruh katinginya. ¹¹ Laie, honta mayan siku urang am tahu maomah fondasi am bukan mula am jadie diomah, iyah am Kristus Yesus. ¹² Amun tege urang am mangaruh katingi fondasi itie honi amas, perak, batu baroga, kayu, rumput, pingen, ¹³ pangawi am dikaruh satiap urang laie jelas ka Ari iyah akan manampai honi api, lalue api iyah kaniri am manguji apa ulah jenis gawi satiap urang. ¹⁴ Amun pangawi am jadie dikaruh siku urang iyah batahan, inya akan manarima upah. ¹⁵ Amun pangawi urang iyah hangus habis, inya akan sia-sia laie karugi, biar pun bera iyah, inya kaniri akan diselamatkan, tapie keadaanya bera malalu api. ¹⁶ Honta ingatkah kolai laie kolai iyah am Dangau Hatalla lalue Roh Hatalla diam kalalam kolai? ¹⁷ Amun tege urang am mahancur Dangau Hatalla, Hatalla akan mahancur inya kaniri laie Dangau Hatalla iyah am Barasih, iyah am kolai. ¹⁸ Hinang sampai tege urang manipu inya kanirinya. Amun tege urang kaantaramu mangira inya bijaksana metuh ka zaman itie, biar am inya jadie bungul nyaman inya tahu jadie bijaksana. ¹⁹ Laie, hikmat dunia itie iyah am kabungul ka paharap Hatalla. Laie, tege tatulis, "Inya yah am manangkap urang bijaksana lalam politik rang," ²⁰ lalue mula, "Tuhan ingat kan pikiran urang am bijaksana, urasnya sia-sia." ²¹ Laie iyah, hinang sampai ara siku urang am bamegah lalam kalunen. Laie, sagala macam uras am hemu hompunya, ²² baie Paulus, Apolos, atau Kefas, baie dunia, baie hirup atau mati, baie hal-hal am wayah itie atau hal-hal am akan datang; urasnya hemu hompunya. ²³ Lalue, kolai iyah am hompu Kristus, lalue Kristus iyah am hompu Hatalla.