¹ Jich te Agripa la yalbey te pabloe:"ya xju'te ja'at nix ya xk'opojat ta akuenta".Jich yu un te pablo la sjach' sk'ab jich jach' skoltay sba ta k'op. ² Te jo'one binax kot'an, muk'ul ajwalil Agripa,yu'un ya kolteyba ta a tojol yu'un spisil te bila mulinoj ta skopik te judioetike; ³ Te ja'ate ja lek sxan a na'oj spisil te bin ut'il aye,te bek ya spasik te judioetike sok te bek snopojike.Ayuk me smalib awu'un te ya awaiybon stojol te bila ya kale. ⁴ Melel sna'oj te judioetik te bit'il kuxulona te k'alal ch'iel keremona ta bay lumal sok ta Jerusalén. ⁵ Ja' ya snabonikba ta sjach'ibal sok ya me sk'an te ya yalik te jo'one kuxinon me te bit'il Fariseoetike,te ja' k'axel xch'uunojik te bek ya yalike. ⁶ Ta ora to tek'elon yu'un ya kich' chap'anel ta swenta yu'un yak'on snuch'el te bila yaloj jilel te Diose ta skuenta te jme'-jtatetike. ⁷ Te lajcheyeb sts'umbalotik yu'un Israel te yakalik ta smaliyel te bi ora ya xk'ot ta pasel te bila albil jilel jich yu'un la yich'ik ta muk te Dios k'alal ta ak'ubal.Ja' yu'un te smuk'ul ot'anile,te ja' yu'un te judioetike te ja slebon mule,muk ajwalil Agripa. ⁸ ¿Bi yu'un te ch'aoxtules te wokol ya ach'uunik te Dios ya xcha'kuxestel aelmeletik ? ⁹ Ta neelalto la nop te ja' kontro te sbiil te Jesús yu'un Nazaret . ¹⁰ Jich la pas ta Jerusalén.La jich' kat'el yu'un te jwolwanej-sacerdoteetik ja yu'un bayal la kak' ta ch'ukjibal te ch'uunjeletike,sok te k'alal la yich'ik milel,ja la kal te yakuk lajukike. ¹¹ Te jo'one bayal buelta ya k'abey kastigo ta sinagogaetik sok la ki'tileytel yu'un ya suj ta yalel bol-k'op.Mero lijk'em jol ta stojolik sok la nuts ta bay yantik lumetik. ¹² Te k'alal jich yakon ta spasel-a,boon ta Damasco, kich'ojbeel tulan kat'el tikunbilonbael yu un te wolwanej sacerdoteetik; ¹³ Ta olil k'aal,ajwalil,yakon ta beel,la kil lemtel ta ch'ulchan xojobal k'inal te k'ax jich yip te bit'il yip xojobil te k'aale sok xojobaj nax k'inal k'ot ta sjoylejal te banti ayon sok te mach'atik sjoinejon ta beela. ¹⁴ Jich ch'ayotik koel ta lum,la jk'ay sk'opnon sok jich la yal ta hebreo k'op:"Saulo,Saulo,¿Bistuk te ya a nutson?wokol ba awaiy te ya a lom ta tek'el te sni' atojtesjibale". ¹⁵ Jich la kalbey:"¿Mach'aata,kajwal?"te kawaltik la sut:"Jo'on te Jesuse ta yakat ta snuch'el. ¹⁶ Jich ta orato jajch'antel sok tek'ajan ;yu'un ja' swentail te la kak' ba ta ilel awu'une te ja'ya kabatinat ta testigo te bit'il la awilon sok te bila ya kak'bat xan awil ta patile; ¹⁷ Sok ya me koltayatel lok'el yu'un te ants-winiketik sok ta stololuuk te yantik lumetike,te ja' ya jtikunat beel ta stojolik. ¹⁸ Yu'un ya me sjam te sitike,swenta yu'un ya yijk'itayik te ijk'kinale,jich me ya xbeenik ta sakil k'inal .Sok swenta yu'un ma me ayuk xan ta sk'ab te satanase,ja' me ya yak' sbaik ta sk'ab te Diose,yu'un ya yich'ika te perdón yu'un te smulike sok te ya yich'ik sk'inalik te mach'atik ch'ultesbilik yu'un ch'uunjel yot'anik ta tojol. ¹⁹ Jich yu'un,rey Agripa, ma mebe la k'axintey te bek la kil ta ch'ulchan; ²⁰ Ja nel jach' kalbey te Damasco,sok ta Jerusalén,sok ta spisil lum Judea sok te mach'atik ma ch'unjeletike,jo'on la cholbeyayik te ya xkam sujt' yot'anik sok te ya sk'an xyanaj xkuxlejalik ta stojol Dios,sok te ya sk'an ya xchiknaj te yat'elik te bit'il sujt'emix yot'anike. ²¹ Jich yu'un te judioetike la xchukonik ta bay snaj te Diose sok k'anuk smilonik. ²² Te Diose ja la skoltayon jich kuxulon ta orato,sok tek'elon yalel testigo-k'op ta stojolik te ants-winike te mayuk snop-junik sok te mach'atik muk' skoplalik.Mayuk bila ya kal janax te bek yalojik te alwanejetik sok te Moises te ya xk'ot ta pasele; ²³ Te cristo ya xk'ax swokol,sok xk'ax swokol,sok ja' me neel ya xch'akuxtel k'alal ch'akuxelal yu'un te ailmeletike sok yu'un ya yalbey sk'oplal te sakil k'inal ta stojolik te lum judioetike sok te mach'a ma chu'unjeletik. ²⁴ Jich yak yalbel ta skoltayel sba ta k'op ate pabloe,tulan k'opoj te Festo:"Pablo,jowejatixka; te muk' ja p'ijil la yak'atix ta jowel". ²⁵ Jich la yal te pabloe:"Mabe jowelon,ajwalil Festo; ja'uk meto ma xiwon ta k'op,ya xk'opojon ta smelelil sok kuxul k'inal ya kay. ²⁶ Te ajwalil snaoj stojol spisil into;ja' yu'un te jamal ya k'opnexe,melel na'oj te mayuk bi muk'oj ta stojol;melel ma ba pasbil ta muk'en. ²⁷ ¿Muk' alwalil Agripa,ja' ch'uunej bal te alwanejetike? ya jna' te ja ach'uuneje". ²⁸ Agripa la yalbey te pabloe:"¿Jteb xanix ya awak'bon sut'es kot'an sok te ya sk'oon ta ch'uunjel?" ²⁹ Te pabloe jich la yal:"ya sk'opon Dios yu'un,chikan teme ora nax o jalto k'aal xan ya sk'ane,ma a tukeluk nax,ja'nix jich ta spisilik te mach'a ya yaiybonik te k'ope,te jich ya xk'oex te bin ut'il jo'one,mayuunuk te ya awich'ik ch'ukel ta kat'enaetike". ³⁰ Jich yu'un tek'a te muk' ajwalile,sok te wolwanej-ajwalile sok te Berenice,sok spisilik te mach'a suinoj ta nak'lej; ³¹ Te k'alal la yik'itayik te banti ayike,la yalbeiy sbaik sok jich la yalik:"Te winike mayuk bi spasoj te x-ak'ot ta lajel sok te ya yik' chukel yu'une". ³² Te Agripa la yalbey te Festoe:"ya xju' ya xkol beel jai winik to te manchuk la sk'an te ya yich' chap'anel yu un te cesare".