¹ Te festo bajt´ta yantik lum, kax oxe k´aa k´ot ta Cesarea sok ta Jersualén. ² Te wolwane sacerdote sok te principaletik te yich´ojik ta muk´te judioetik, la slebeyik smul te Pablo te jich tulan la yalbeyik, ³ Ja jich ka sk´anike jo bi ja te festo te yakuk stikun ta ik´el te Pablo ta Jerusalen yu´un jich muken ya smilik ta be. ⁴ Jaukmeto te ajwalil Festola sojtbey te Pabloe chukul ta slum Cesarea, Janix jichu-uk nopol le ya jcha sut´ixbela-a. ⁵ Jich yu´un, te mach´a ya xu yu´un, jich la yalbey: ya stak´ ja jokinotikbael. Te me ay smul te winike, jaex ya cholik lea. ⁶ Festo ma k´axix ta xwaxukebal sok slajunebal ka´al bajt´ta Cesarea, jich ta yan ka´al, najk´a ta snaktijib te ba ya yaiy chajp´anwanci sok jich la stikun ta ik´el te Pablo. ⁷ Te k´alal jk´ot, te Judioetik ta Jerusalen nopol la stek´an sbaik, jich bayal ta ten smul la slebeyik joukme to ma ju´ yu´unik ta yak´el ta ilel te me melel te ay smule. ⁸ Te Pabloe stukel la skoltay sba te jich la yal "mayuk banti la jkanxintay te mantalil yu´un te Judios, ma la jboltesbey te snaj te kawaltik, sok ma la kajkontroin te ajulalil Cesar." ⁹ Te Festo la sk´an yot´an te ya spasbey te bina lek yot´an yu´un te Judioetike, jich, yu´un la sujtbey te Pabloe te jich la yal: ¿ya bal ak´an xmo-at bael ta Jerusalen te le awich chajp´anel ku´una ta swenta ta spisil to?" ¹⁰ Te Pablo la yal: Te Jo´one Hek´elon ta stojol te snaktijib te banti ya chajp´anwan te Cesar yo stak´ jkich chajp´anel le-a. Te jo´one mayuk tenuk jmul ta stojol tuluk judio, jich bit´il te ano´oje. ¹¹ Yan te me aybi ma lekuk jpaso sok te me ya skan te kich´ milel yu´une, aka lajukonabi. ¹² Jich te Festo la ya-an sok te sjoytaj tuneletik, la sujtbey te Pablo: " Ja´ak´an chojp´anat te Cesar; ya xbaat ta stojol te Cesar. ¹³ Jich, k´ax bayal ka´al, te muk´ajwalil Agripa sok Berenice k´otik ta Cesarea, jich k´o yilik ta snai ta ajwalil Festo. ¹⁴ Jalajik bayal ka´al le-a, ja jich te Festo la scholbey yaiy te muk´ajwalil te sk´oplal te Pablo; jich la yalbey: " ay tul winik le- ito la xchuk jilel te Felix. ¹⁵ Te k´alal ko´on ta Jerusalen, te wolwaje sacerdoteetik sok te ancianoetik yu´un te Judios la yalbonik te ay smul te winik to jich la sk´anbonik te yakuk jk´ak ta milel. ¹⁶ La jsojtbey te ma k´aemuka-a te Romanoetik te ya yak´ik ta lajel tul winik te me ma ne- eluk ya situy sba ta k´op sok te mach´atik jle muliletike, jich yu´un te mach´a ay smule, ya stok´jchol ta jamal le-a teme ma meleluke. ¹⁷ Jich yu´un te k´alal julik le to, ma la jmaliy, ta yan ka´alil la najk´anba ta naktib te bay ya kay chajp´anwane jich yu´un la jkal mantal te ya yik´iktel te winike. ¹⁸ Te mach´a lemoliletik ka setk´an sbaik jich jach yalik te bina smulinej yu´unik, te beluk jnopo te smulineje ma jauk la yalik. ¹⁹ Jaukme to ja amen yayik te ay xch´unjel yot´an stukele sok te ay tul Jesus sbiil te lajemix, jo- ukmeto ya yal te Pablo te kuxule. ²⁰ Jich ma la na te bij jkut jchajp´an, jich la jok´ibey teme ya sk´an xbajt´ta Jerusalen yu´un te le ya yich chajp´anela te k´opetikto. ²¹ Jaukmeto te Pablo ja la sk´te ya yich choup´anel yu´un te muk´ajwalil, jich yu´un la jkal mantal te chukul ya x-il ja´to te bin ora ya xu´ ku´un tikumbael ta stojol te muk´ ajwalil Cesar." ²² Te ajwalil Agripa la yalbey te Festo: "kot´an ya kaybey stojol sk´op te winikto. "Pajel", xi´te Festo: "ya ayay stojol". ²³ Jich yu´un ta yan ka´alil, te ajwalil Agripa sok te Berenice k´otik, la jchol sbaik och´el ta bay sts´objibal, ochik beel sok wolwanejetik sok yantik x-an winiketik te tulan, yat´elik yu´un te lume. Jich te Festo la yalbe mantal te ya yich´te ik´el te Pablo ta stojolik. ²⁴ Jach ta k´op te Festo: "ajwalil Agripa sok spisil ants-winiketik te le ayatikix toe, ayix ta jtojoltik te winike, tsobol Judioetik la sk´anbonik ta Jerusalen soknix te leto, Jich yalakiktaaw sk´anel te yakuk xlaje. ²⁵ Jaukme to la jna´stojol te mayuk bi spojoje te ya stak xla yu´une, jich bit´il la sk´anix stukel te ya yich´ xchajp´anel yu´un te ajwalil Cesare, la jnopix te ya jtikumbele. ²⁶ Yan bi ta sk´a te mayuk bi ya stak´ ts´ibubeybe te ajwalile. Ja swenta te la jkik´extele, sok ta atojol ja´at muk ajwalilak Agripa, jich me ya awalbonok te bina ya ts´ibubey beel te Cesare. ²⁷ Yu´un mo´ lekuk ya kaiy to jtojol te me jich nox ya jtikun bael jtul winik ta chukele, teme ma na ta lek te bina smule.