¹ Opamãtẽi ohoajeperã, kuaahajy ko yvy japua'õva yy mbytepe'õ Malta he'iashuarã. ² Haipe Maltape õre ẽirẽimyvãhẽi kavi reta, shara ro'y hareka haivi'ẽiẽiseverã. Hãrã haire tata jatapy vasu, haipe yrẽirẽino reta jype'aha hãndi verãre. ³ Haipe Pablo oho mbaty'i jypea jipiva, rahamã mombopy tatarã, õhẽishi pẽinte mboi tata hakushurã, hãrã ipope shuu. ⁴ Haipe'õre hesha Pablo ipore mboi savava'irã, hei ijupe reta: Kova kuimbai imerã puruka'ia, shara yy vasu ohojepematẽishia, tẽivã vate araivi pĩrĩmbivajehakapya mã'ẽiĩãhe hykove ryheve. ⁵ Pablo mbyvava mboirã ity tatape, tẽivã Pablo mba'ẽiã jehushu. ⁶ Haipe Maltape'õre hãrõ rurushu ti sapy'aitepe juka verã, tẽivã hetarei hãrõ reta hãrã heshama Pablo mamba'ẽiã'irã, yngai hei jyrejy: Tumpa rãngambaje kova kuimbai. ⁷ Haipe Maltape'õre mbytepe iko jyve pẽinte mburuvisha Publio he'iashua hai tivishare jy'yvy. Hai yrymyvãhẽi kavi hẽintape, mbahapy ara ñyngareko yryrehe. ⁸ Haipe Publio tuu hupape'ẽi hyepy huvy'ishurã hareka mbakure. Pablo oho mãĩherã jurure'ĩãrẽi, haivi ñono'ĩãrẽi iporã mynguera. ⁹ Kova mbai japovare, heta ñymbairasy vekuare vãhẽi Maltape'iare, hareka opa myngueraha jyve. ¹⁰ Hãrã haire heta ñyngareko kavi yryre reta, hareka jupiamajy varkoperã, opaite mẽiẽijy'ore pehupi ikoteveãhe verã. ¹¹ Mbahapy jasyma pytaha Maltaperã, jupihajy pẽinte varko haipe pytahavekua hasa verã ara ro'y. ¹² Hokava hai varko Alejandriape'õ, varko hareka ĩtire ẽiẽijy Castor hareka Pólux hã'ãnga. Vãhẽihã ohoha Siracusaperã, mbahapy ara pytaha haipe. ¹³ Haivi ohohavejy vãhẽiãpeve Regiope. Parema jyrã peju'ẽi rovaikue, haivi ĩrũ arape vãhẽihã ohoha Puteolipe. ¹⁴ Haipe heshaha yryryvyre Hesure jyrojavare, hãrã jururejy'ore reta pytahajy hãndi verãre 7 ara, haivi ohoa vãhẽihã Romape. ¹⁵ Haivi Hesu jyrojaheare Romape'õre, kuaama retarã, ou vãhẽi ore reta Ẽoro de Apiope hareka "Mbahapy Tabernas" he'iashua peve, Pablo heshama retarã mẽiẽishu reta graciaTumpa hãrã kyrẽi'yjy. ¹⁶ Vãheãma ohoa Romaperã, huvishare mẽiẽishu reta pẽinte oo Pablo ha'ĩ pytaverãpe, hãndi pẽinte syndaro ñyngarekohe verã. ¹⁷ Vahẽima ohoha Romape mbahapy araheaperã, Pablo hẽinoka Judiore juhuvisha vasu hareka ñymbatyma hãndi retarã heishu: Shyryvyre ajemãi ajapoãte mbai porãmbava ñanyrẽitare hareka ñanytynondevare jypykuava rãĩmi, haire shiñono Romavare ipope. ¹⁸ Hokava Romavare pyrãndu kavimã sheretarã opa mbai, hamẽi vahẽiãshu mbai rehera pota shuka reta, haivi pota poijyre shyhevi. ¹⁹ Tẽivã Judiore inyñono pyrãtave shyre, hãme rãnga airure ñoipo Roma hẽinta juhuvisha vasu shimbijiche verã, tẽivã ha'ẽia she mbai poramba hai verã shyrẽinta irũre. ²⁰ Hãmẽi rãnga she apyrẽirenõka jyve, she apyryresha hareka aijeta penendie verã, hoka Israelitare harõva rehe rãnga shapĩtĩha ko kadenape. ²¹ Hãra heishu reta: Vãhẽia Judeaivi kuatia ñẽiẽi hei ndyreva hareka mba'ety ñandyryvyre ouva Judeaivi ijetavai ndyreheva. ²² Pota hẽinduha ndijuruivi mbaivara nde rere jyve ko jehuvare, hẽinduha rãnga opa rupi porãmba ijetaheva Hesukristo jyrojaheare ryheva. ²³ Ñonombareta reta pẽinte ara vãhẽijy ijupi verãre, hãme hetaiteve oujy Pablo ẽivape. Harã Pablo mbeushu reta kõĩvive ka'aru peve Mburuvisha vasurã ara vateivi ouva. Moise hareka Tumpa iñee mbeu'iare (proẽeta) pyrymboiva rupi ijeta jyveshu reta haire roja verãre Hesu haiva Mesia. ²⁴ Ĩmẽiĩ'ẽi rojava Pablo heiva tẽivã ĩmẽi'ẽijy rojambava. ²⁵ Katuã pẽinte ñẽiẽipeĩ ñynoĩ retarã, õñepyrõ ojymapo retarã Pablo heishu reta: Haikavi rãnga ijetashu Espiritu Santo ñanytynondevare ñimiñẽiẽi'a Isaia rupii, hei: ²⁶ Ekua hoka tenta'õpe hareka ereshu: Japysa retaivipo hẽindu reta tẽivã kuaãpo reta; hareka potate heshavare tẽivã heshããpo reta. ²⁷ Hãra pya mẽitãta reta, japysare opa mboty hareka hesa opa mboty reta. Hãrã katuã hesha hareka hẽindu hareka kuããpo reta pyare ryheve. Potã oujy shykoty, potãvãĩ she amynguerajy. ²⁸ Pikuaa kavipo ko Tumpa pyrẽimondo jepeva mbe'uhama haimba Judio retape, hãrã haire hendu kavipo ko mbe'uha! ²⁹ Pablo opama heirã ko mbai kova, akua Judiovare opa õhẽi reta oĩvaivirã ĩñee pohyjyre ijupe. ³⁰ Pablo pyta mõkue arapukukue peve pẽinte oo poryhakashuvape kyrypotire, hãrã haipe myvãhe opaitea ouva ẽivape. ³¹ Mbaimba jokoshuvape mbeu Tumpa ẽivãpe'õ ryheva hareka mboihe reta Ñandeja Hesukristo ryheva, mbavamba jochashuvape.