¹ Mẽiẽima reta yrẽimondo verãre Italiaperã, me'ẽiha Pablo hareka ã'ãmo mbyperesoareare pẽinte 100 õvã syndarore juhuvishape Julio he'iashua, huvisha vasu Augusto ñysyndarore ryheva. ² Haivi jupiha varko Adramitiova, ohoha verã tenta Asia hymbey kyty. Ĩrĩmi'ĩrũ jyve Aristarco, tenta Tesalonikaivi ouva, pẽinte tenta Macedoniape'õ. ³ Parejyrã vãhẽihã ohoha tenta Sidonpe varko ñymbo'yseape. Julio ñyngareko kavihe Pablo hareka ma'ẽiĩhe oho marãndu kuavare hoka tentape'ẽivã, haire mboryshu verã opa mbai ikotẽivẽiape. ⁴ Sidonvi õhẽiãmarã ohohajy yvy japua'õmi jykoty Chiprepe, ijochahashi verã yvytu shara porãã peju'ore. ⁵ Hasahama yyvasu hymbeypi Silisia hareka Panẽiliaperã, vãhẽihã Mirape, tenta ẽivã Liciape. ⁶ Haipe syndarore juhuvisha Julio hesha pẽinte varko vasu Alejandriape'õ, oho verã Italia kyty haivi hai ĩrĩmbijupikapy ohoa verã. ⁷ Mbevekatu ohoa'i, hareka hasype vãhẽihã ohoha Gnido hẽinonde. Shara yvytu porãã peju'orerã, hasaha Salmona hynonde Creta jykoty yvytu ijochahashi verã. ⁸ Hasype hasaha ohoha hãrã vãhẽihã Puerto Haikaviva he'iashuape, tenta Lasea hyvache. ⁹ Heta arama hasa hareka kyjehama ohoa verã yyvasuipi shara ro'y serimavãĩ'ijy. Hãrã Pablo mbarakuaa reta: ¹⁰ Karai reta, ahesha haĩnyshe ko jahajaiva porãmba verã, ñande varko hareka jarahapyare oapy verã yy, katupo ñandeave opa ñamanokui. ¹¹ Tẽivã syndaro juhuvisha, koñeĩ japoshu varko ija hareka huvisha haipy'õvã heiva, hãrã japoãshu Pablo heiva. ¹² Hãrã varko ñymbo'yseape porãnunga'ẽi ro'ykue hasaha verã haiperã, opaitenunga pya mbijetatejyre haikavive haivi õhẽiãrã hareka oñehã'ãha vãhẽiha verã Ẽenicepe, Cretape, ĩmẽireva õhẽiã verã yyvasu kuarasy õhẽia kyty hareka ichea kyty, hasaha verã haipe ara ro'ykue. ¹³ Haivi õñepyrõ mbeveĩ peju'ẽi rovai, hãrã moãma haikavi jyraha retarã, õhẽi reta Creta hymbeipi. ¹⁴ Kẽiẽimĩma'ẽirã sapy'ãĩ vãhẽi yvytuvasu porãmba ouva Euroclidon he'iashua, ¹⁵ haivi õñepyrõ raha yy ĩãrẽi. Hãrã katuã varko ĩtĩ myma'ẽihã yvytu kytyrã, ma'ẽihãĩma yryraha. ¹⁶ Haivi yryraha yy mbytepe'õ yvy mishi'õ Cauda he'iashua kupeipi yvytu mbeveĩ pejuape, hasype hupiha kanoa rahava varko vasu haykue. ¹⁷ Hupima retarã, opa jokua kavi reta. Haivi kyje oho pyta verãre yvyku i'õ Sirte he'iashuaperã, mbyvejyjy reta varko mimbouva mishĩvã, hãrã ma'ẽiĩhe raha reta yvytu vasukue. ¹⁸ Parejyape yvytukue ñakuãĩteve ou, hãrã õñepyrõ opa mombopy reta yy maĩnunga varkope veru vekuare. ¹⁹ Mbahapy araheape ipopetei opa mombojy reta mbai jokuapya ñopẽihãva varko jokuahapyare. ²⁰ Kyrã heta ara heshahavẽiã kuarasy hareka jasytatare, hãrã mo'ãã ĩmẽihãte'i, shara putu'ũã yvytu vasukue. ²¹ Heta araitema karuã retarã Pablo ñymbou haire mbyteperã hei: Shi'ĩrũre haikavivetẽi verã rãngamba pyhẽindu she haivarã ñaheã tenta Cretaivirã, hãrãtẽipo mba'eã jehushue varko, ñande jyve. ²² Ã'ẽi airurepe pyrẽiĩ verã, shara mbaveãpo pynymbytepe manokui, koñeĩpo varko oñehũndikui. ²³ Ko pyhare Tumpa Sheja, she ahaheva mbou shyrẽindape kova ñee ryheve: ²⁴ Pablo avy kyje nde ryheshakapo Roma mburuvisha vasu hẽinonde hareka nderupive Tumpa hejããpo mbava mano varkope ẽiẽivare. ²⁵ Hãme rãnga kuimbaire, pyrẽiĩ katu! She aroja Tumpa japo verã opa mbai hai he'ikasheva rãĩmi. ²⁶ Tẽivã katupo jaha ñavãhekui yvy japua'õre. ²⁷ Vãhema pynturã 14 araheape yvytu a'ape yryraha yyvasu Adriaticope, hareka akua pynturã varkopy mba'apo'iare pyape hei reta vãhẽihama ohohava yvy jyvache'õpe. ²⁸ Ityreta pẽinte y kypekue vaishu 37 metroire, hãrã hykuaĩ ityjy reta vai jyshu 27 metroimare. ²⁹ Kyjeite reta ita ñunũpahe verãrã, urũndy kavi mombopy reta yy varko haykue joko verã, hareka jurure asy reta koĩ verã. ³⁰ Akuama kuimbaire mba'apova jyve varko vasupe pota ñemi oho'irã oñepyro mbyvejy varko mishivami, ity ra'angaiva rãimĩ varko jokovare ĩtĩ kyty. ³¹ Tevã Pablo heishu Centurion hareka syndarore: Kovare mba'ety varko vasuperã pee pehojepeãpokui. ³² Hãrã syndarore jasyja kanoa ĩsha joko'õ hareka hejaĩma reta oa yypy. ³³ Koĩ mara Pablo jurure asy opaitevape karu verã hareka hei: Kova rãnga hai ara 14 hea pyhasa pykarumbava. ³⁴ Hame rãnga airure asype pykaru verã hamepo peo'jepekui. Pikua kavi mbaveapo oñehundikui hareka pẽinte pãkahaimba oa verã. ³⁵ Hareka Pablo, kova mbai heirã, pysy pãhãrã mẽiẽi gracia Tumpape opavare hẽinonde. Pẽiseã hame oñepyro hou. ³⁶ Aipe opa ñymykyrẽi'y ñynoĩ hareka karu ñynoĩ seve. ³⁷ Haipe ore jyve varko vasupe oĩava 276 kuareta. ³⁸ Haivi hyvantama retarã, varko mbyvevyve verã, ity reta trigo yyvasupe. ³⁹ Kõimajyrã kuãã reta yvy, tevã heshamba reta yvykui hetava hymbeype hareka oñeha'ãpaite varko mbypytareta haipe. ⁴⁰ Haipe jasyja reta varko jokoapyva hareka inshare hame heja yyvasupy hare jorajy reta isha ñapitihava varko rahava haykueivi. Hare hupi jyreta tarapo tivishava yvytu peju pyrã raha jyvera reta y hymbeype. ⁴¹ Tẽivã varko ĩtĩ oho jukutu yvy ku ivape. Hame katu veama omyjy maty. Tẽiva yposhy ñunumpahe vekua haykueivi opa joka. ⁴² Hokava syndaro pyape heima juka vera hoka mbyperesoavareta, pẽinteĩmba ñemi vẽira ña ẽitavape. ⁴³ Tẽiva senturion syndarore juhuvisha Julio potãã juka shireta shara potamba Pablo juka. Hame hei hoka iña'ytakuava tojepoipy yy hipity vẽira yvy, ⁴⁴ hãrã ĩmẽi,ẽi haykue ohovare yvyra pysẽivekuepy mãirã varko pysẽivẽikuere'ĩãrẽi. Kyrã õhẽiha opaĩ ohoajepeverã.