¹ Jipi,napabubo echi wanomi echiriga yabo echi bichiwami, mapuriga nije wilali echi templo echona Galasiachi, echiriga yemi olasa. ² Echali ni ba'acha rawe echali tarala, ibili yemi echiriga chakena muchuwasa karuniti ali tibusa, mapuriga omeri aboni. olasa jena mapuriga ke napabuma echi wanomi mapali nije nawa. ³ Mapali nije nawasa, chuke bile yemi echiriga nesa, nije julama echi osorutami mapuriga yarami ni'ima echi wanomi echona Jerusalenichi. ⁴ Ali echiriga nije simisa ayenacho, aboni sima'ma tami yuwa. ⁵ Ali nije nawamani yemi yuwa, echali simirasa echona Maseroniachi. ali nije simiramani echona Maseroniachi. ⁶ Echiriga nije omerisa tibi yemi yuwa ali simira echali romo yemi yuwa, mapuriga yemi tami kuwirabo echali nije simiche mapo'omi nije simiyareni. ⁷ Ali nije ke echiriga inilini inenala yemi jipi wili ni' ira. nije' ko buweni simirasa sine wili yemi yuwa, ayena echi jesusi echiriga nakisa. ⁸ nije ko ke tibima echona Efesochi ni echali omowaluachi pentekostesi aniliwachi ayena tibimani, ⁹ Ali bile yeri walu echiriga irapta ili nije jiti, ali wikabe ke naki tami kichimi. ¹⁰ Echali echi Timoteo nawasa, inesi echi binoi jena asime yemi yuwa ke majaka, echi binoi ati ologa echi nochali Riosi niwalati, chigoriga nije. ¹¹ ke riwesi wesi chisunama echi. kuwirsi echona buwichi kili ni'ira, mapuriga binoi omerama nawa nije yuwa. Echiriga nije ni buweni nawasa echi rijimala yuwa. ¹² Jipi, echiriga nije rijimala Apolos, nije ni iweraka echiriga ni kanili yani mapuriga sime inesia yemi echi rijimala yuwa. Ali ke echiriga naki ni nawama jipi.Ali echiriga, binoi nawama echali simirasa mapuriga omerasa. ¹³ Muchisi we la naka,ni'ala achinika bichisi, olasi mapuriga echi ralamuli, ni we jiwerami ni' ira. ¹⁴ Mapuriga karika yemi olasa ni kaleka. ¹⁵ Yemi machi echi kali echona Estefanachi, echi aboni simibili ni bacha bichiwali echona Akaya ali aboni echiriga nakili nochanala echi bichiwami yuwa. Jipi, nije mi chane yemi, rijimala, ¹⁶ Echiriga nochasi echi ralamuli yuwa mapuriga muchuwi ali karika echi kuirami nocha ali echona nochami tamuje yuwa. ¹⁷ Ali nije kanilini echi nawachi Estefanas,echi Fortunato ali echi Akayko. Aboni echiriga sunili olawa mapu iri no aleli echi ke muchuwachi yemi yuwa. ¹⁸ Echi aboni tami we kanili yali nije aliwala ali aboni yemi. Ali machisami echi ralamuli churiga muchuwa. ¹⁹ Echi Iglesiachi echona Asiachi yamani walu sukuirali yem Aquilas ali Prissila ayenacho sukuirali iya echi Jesusi jiti, echi Iglesiati ei.chona a ti bitichi. ²⁰ Karika echi rijimala ayenacho sukuiri niji yemi yuwa. Sukuirasa ibili ni'ira nakupa ni chumuka ni jala ni'ira. ²¹ Nije Pablo, osiwimani jena binoi sikala jiti. ²² Ayenacho echi bile ke kalesa echi Riosi, echi risu olarami ni'isa . ²³ ¡ Echi tamuje niwala Riosi nawasa! Ali echi kuirili echi walubela Jesusi asisa yemi yuwa. ²⁴ Nije kalekuami asisa karika yuwa yemi echi jesukristo jiti.