¹ A jipi ko ami natli iya yemi, rijimala, echi Riosi raichali nopi nije mi aneli, nopi yemi nareli nopi yemi a yua uchua. ² Jena ju echi Onoruami raichali mapu yemi a niuami ju, yemi a ne gala chapisa ka mapu yemi a mi ruye, a yemi a bichiwali nopi yati simiwami ju. ³ Nije yemi a ni iyali echi wabe nateami nopi nije ayenacho a ni chapili: nopi kristo ko tami jiti mukula echi chati olalila jiti, ⁴ Echi ko torami nili ali ku owintami bakia rawe echi osorutami jiti. ⁵ Nopi echi riwirli echi cefas, ali echi makoy oka. ⁶ Ali ko riwirli minabi mali siento rijimala chulupi nira. ali noki karka a owina muchua, ali jare ko a kochim muchua. ⁷ Ali ko riwirli echi Santiago, ali ko echi karka jularami nawisanla. ⁸ Ne jubako, echi ko tami a riwirli, nopi rika bile towi pe bukuli ranarutami minami rawe ikiakami. ⁹ Nije ju echi ne tia nawesami. inisa echi riwewami bile Riosi jiti nulerami nopi nije ko najatami echi ralamuli Riosi nagatami. ¹⁰ Chopi echi kaniluami Riosi jiti nira nije ju nopi ju, echi kanilkoami ketasi nili mapu suwiba. nakulika, nije nachali wabe karka jare yua. Chopi mina kie nije isikin, echi kanilkoami ko tami yua ati. ¹¹ Chopi mapurika, inisa nije,mina aboni, ali tamuje ko nawesa iyemi nopi bichiwali. ¹² Jipiko echi kristo ko a raichakoa mapurika ku owinali, ¿chika a omeri ania ketasi niru echi owinkoami mapu ali ma suwili? ¹³ Ali ke nirulsa ka echi owinkoami , ali ketasi echi kristo ku owinma riwe'li. ¹⁴ Ali kristo kie ku owintami nisa, ali mapu nawesati ali karka ku suwibami nima re ali echi bichikoami pe suwibami nima re. ¹⁵ ali tamuje ko ruwiruami ju pe kale'ka nopi riwali echi Riosi jiti, tamuje ko ania mulube Riosi nira, anika echi ku owinali echi kristo, mapu ali kie olali. ¹⁶ nopi suwim kie owintami nisa. ¹⁷ ali echi kristo kie owintami nima riwe'li, echi bichikoami yemi niala echi ko ju pe suwibami ali yemi a biji a echona chati olalila muchua. ¹⁸ Mapali echi aboni chopi ma suwili echi kristo nira ayenacho kie newalemi pirenla. ¹⁹ ali tamuje jena bitelkoami pe bichiwa bi iyena echi kristo jiti, karka ralamuli, tamuje ju echi ne gala nirarami we risu nira. ²⁰ Jipi ko kristo nili' ku acharami echona mukuli chi, ni'ima'a aboni echi mukuli ²¹ Ali nawali echi mukuwami bile rijoi jiti, Ali bile rijoi jiti ayenacho nawali ku asisoami Ali mukusa' ²² Ali echiriga Adani karka mukuli, echiriga ayenacho kristo jiti karka ni'ima' niwarami akami. ²³ echiriga ibili nira aboni nularami : kristo , Ali ku nawasa ; Ali echiriga yemi ju nili' kristo ni'ima' niwarami akami Ali ku nawasa. ²⁴ Ali ni'ima' juba, Ali kristo nijisa echi Riosi onoruami Ripa atimi . Je na ju Ali yesa karka nularami, karka nulami niwami. ²⁵ Echiriga binoi nimare nula'ami mapo Ali binoi ologa uchesa karka echi na'awami rile binoi ronolachi ²⁶ Ali juba sayerami ni'ima' Karka suwabatami echi ju mukuwami. ²⁷ Ali: " BINOI UCHALI KARKA RILE BINOI RONOLACHI." mapa Ali ani'i : " BINOI UCHALI KARKA," ni bichili ju je na kie yua ju echi mapo uchali karka raichama binoi nira. ²⁸ Ali karka karunti ni'isa Muje yua, Ali echi ranala binoi nira ni'isa Muje yua echi nili' yua karka binoi. Echiriga nimare mapo Riga Riosi echi onoruami omerama ni'ima' karka echi karka ²⁹ Ali, ¿piri olama aboni mapo ju pagotami echi mukumi jiti? Ali echi mukumi ke ju ilasrami ke ni karka nira, ¿ echiriga aboni pagoli echiri jiti? ³⁰ ¿Ali churikare muchuwi Tamuje mapo rija simiri karka rawe? ³¹ nije muku sinibi. je na ju nije mi anema echi nochili yemi jiti, rijimala, Ali echiriga niwali kristo jesusi Tamuje nili walubela. ³² ¿ piri chapime nije, mapa Ali inesa rijoi nira , Ali nije nikosa echi ogobatami yua echona efeso, Ali echi mukumi ke ku ilasrami nili'? " kopo ali bajibo ,echiriga ba'ali tamuje suwiboa." ³³ ke niisare kalertami :" echi Chati ola yua ke ala ju echi ala natali'i." ³⁴ ¡ kala busuresi ! bitelsi bilempi nira! ke waminabi Chati olasi. Ali ibili yemi ke machi Riosi raichali. Nije mi anema je na Ali riwelma. ³⁵ Ali jare anime: " ¿ chu iri ju echi mukumi ilasrami? ¿Ali chu iri ropogala aboni nolimma?" ³⁶ ¡yemi ju ke natami ! mapo yemi achaya ke omerma ochera o ayenacho mukusa re'e ³⁷ mapo echi yemi achaya ke ju ropogala piri ju, Ali pi bile ju rakala . Jena ni'ima' nawama niisia turii o bile su'una biiri. ³⁸ Ali Riosi yama' bile ropogala mapo Riga binoy naki, Ali ibili rakala aboni nilichi ropogala. ³⁹ ke karka sapala chopi ira ju. Ali niru bile sapala ralamuli niwali Ali bile sapala akami, ayenacho bile sapala chulugi, Ali bile rochi'. ⁴⁰ niru ropokala echona riwigachi ali ropokala wichimobachi nirum. echi bayoami echona riwigachi ali Jena kawirli niruam oche Sinu ju. ⁴¹ niru bile we simati echona rayenachi, mina che bile we simati echona sopoli nira. Chopi bile sopoli aliche echi sopoli we simati. ⁴² ali echiriga mapu ma suwili ku owina. nopi icha ko pe mukua mi ju, nopi ilastami ko kie mukua mi ju. ⁴³ Ju echi ichirutami kie kanilika; ali ku ilastami ju ne gala simati. ali ichiruami ju kie gala giwerami; ali ku ilastami ju ne jiwerika. ⁴⁴ ali ichiruami echi ropokala genai niruami;Ali echi ropokala ko ju ne gala ropokala. a nirulsa bile sapala, Ali ayenacho niru bile Iwikala kie ritertami. ⁴⁵ Ali osiruta ati: "NE BACHA RIJOY ECHI ADAN NAWALI BILE IWIKALA BITEA." echi Adan ko nawali echi Iwikala iyami echi bitelkoami. ⁴⁶ nalina echi Iwikala kie nawali bacha chopi niruwami. ali ko echi Iwikala. ⁴⁷ Echi bacha rijoy ju echona kawirli, pe iyeti niwarami. echi osala ko ju echona riwigachi. ⁴⁸ Ali nopi iyeti niwarami ju, echiko rika ju mapu oche gare mapu iyeti niwarami ju. ali nopirika echi rijoy riwigachi niruwami, echiko rika ju auche gare riwigachi muchuami. ⁴⁹ Mapurika auche gare ralamuli iyeti niwarami, achiko rika otoboaret niwarami bile rijoy nira echona riwigachi. ⁵⁰ Jipi Nije ana ani, retentam, echi sapali ara yenachoo kie omeri naresa Riosi bitelchi. Mie choo siwibma narema nopi kie suwibma. ⁵¹ ¡Inesi! nije ani ni bichiwa echi katerrami: tamoje kie karka sume, karka nakirutami nima re. ⁵² Tamoje nakirirami nima pi teri nira, mapari kupuchua bilen bisilchi, mani juba kusuchi. Ehi kusumi anema echi suwikimi ku jawasrrami kie sine ku sume tamoje narurami nibot. ⁵³ Ana repokara pi suwibma uchema mapu uchema re mapu kie mukume, ana repokara pi mukume re ña uchema echi kie mukuwawami. ⁵⁴ Mapa ti ana repokara suwibami ari uchesa echi kie mukuwawami ana repocala uchesa echi kie mukuwawami uchesa kie mukume, mapu ri ma ara nima echi osoruwami chukumi:" ECHI MUKUWAWAMI MA SINEPI NIRA MUPARAMI JU." ⁵⁵ ” ¿MUKUWAWAMI, COMI ATI ECHI NIIURKUAMI ¿MUKUWAWAMI, COMI ATI ECHI MAPU ECHITI MILA?" ⁵⁶ Echi icha mirami nari ju chati orakuami, echi omerkuami chati orakuami chirika nula. ⁵⁷ Natetara Riosi, echi niji tamo wia nihurkuami nasipa níraka echo binoi walubela Jesucristo! ⁵⁸ Echiriga, karerami retentam, nisi pi kiri kie suini anatami. churubi wika nocha warubera yuka, hiemi machi nari echi nochiri warubera we natemi ju.